馬灣展覽:【馬灣親子打卡攻略!大自然主題光影互動館+夢想職業體驗! 】-挪亞方舟
2019年07月23日13:26

馬灣親子打卡攻略!大自然主題光影互動館+夢想職業體驗!

#挪亞方舟 暑假有新野玩喇!全新增設全港首個大自然主題光影互動館「e-Planet夢想星球」,最啱文青、情侶或者一家大細來打卡!4個主題結集嶄新光影、音效技術,將森林、海洋、四季同未來獨特主題帶出,大家仲可以伸手觸摸屏幕上流水、北極光夜空或者螢火蟲,而海洋展區更帶領大家瞬間穿梭蔚藍深海之中,探索海洋世界,今次真係一次過可以睇哂唔同季節同景色,投入大自然嘅懷抱!

打完卡之後,各位小朋友更可參與 快樂夢想特工隊 ,扮演牙醫、消防員等職業,培養對行業嘅興趣,相信小朋友藉今次樂趣無窮體驗,一定為悠長暑期帶嚟好充實難忘嘅回憶!

攻略1-大自然四季/森林光影主題互動館

▲其中一個以「四季」為主題,瞬間光影轉換成春夏秋冬,初春森林瀑布、盛夏螢火蟲、深秋楓樹紅葉及嚴冬北極光喺眼前上映。

▲大家不妨伸手觸摸捕捉屏幕上投影螢火蟲,一邊細聽四周原始大自然聲音,文青同情侶嚟打卡都一流。

▲另一個「躍動之森」光影主題,展示出充滿活力氣息嘅動物,透過揮手及觸碰,大家就可以同屏幕投影嘅長頸鹿點頭、同蝴蝶招手,好似踏足童話花園一樣。

攻略2-海洋主題互動館

▲大人小朋友觀賞一段長達4分鐘以「海洋」為主題的3D短片,欣賞海底生物美態,同埋了解海洋保育嘅重要性。

攻略3-未來主題互動館

▲喺呢個主題館,可以發揮小宇宙同創意,繪畫屬於自己的未來汽車、機械人、飛機等,完成仲可以將作品投射到巨型數碼屏幕互動。

攻略4-快樂夢想特工隊體驗各行業

▲影完相打完卡,小朋友仲可以參與快樂夢想特工隊,穿梭職場工作間,體驗唔同職業嘅工作日常,小朋友可以變身成飛機師、消防員、營養師等,家長必影低小朋友穿著起唔同工作服嘅型仔型女造型。

挪亞方舟

開放時間:10am – 6pm

票價:成人$198,小童及長者$158地址:馬灣珀欣路 33 號

查詢:3411 8888

詳情:www.noahsark.com.hk

門票已包括免費參觀「e-Planet夢想星球」,購買小童門票即可參加「快樂夢想特工隊」。凡於挪亞方舟官網購票,即可優先預約2項活動,節省輪候時間。

文字來源:香港人.遊香港/圖片來源:@挪亞方舟

關注我們Facebook專頁
    相關新聞
      更多瀏覽