迪士尼酒店西餐:【期間限定1kg斧頭排!迪士尼酒店都有得食!】- 芊彩餐廳
2019年07月23日11:16

期間限定1kg斧頭排!迪士尼酒店都有得食!

香港迪士尼樂園第三間酒店-迪士尼探索家度假酒店,主題係異國風情,以四個熱帶地區的特色─亞洲、大洋洲、南美洲及非洲為主,因此呢間酒店啲餐飲都會以亞洲風味菜式為主。今次介紹酒店入面既一間多國亞洲菜-芊彩餐廳,除左有新加坡菜、印度咖哩,仲有亞洲風味既西餐。最近餐廳仲推出左斧頭排二人餐添,呢個餐都好抵食,份量勁多,有全年證既客人係餐廳仲會有折扣!最緊要既係香港迪士尼酒店餐廳既服務質素有保證,有機會仲可以係酒店入面同樂園人物見面添!

▲當客人點完菜之後,就會有一籃麵包比客人,會有4款比客人食,份量算好多。有一款更有米奇圖案。

▲ 斧頭排二人餐會包一款精選沙律,沙律客人可以自選,而呢款就係泰式醃牛肉沙律(原價:$158),醬汁係青檸香茅汁,食落去酸酸辣辣咁,一卷卷果啲係哈密瓜、蜜瓜。

▲二人餐仲會有埋兩碗餐湯,每一日都唔同,主要係素菜湯為主,今次就係好濃既蘑菇湯。

▲呢個就係主菜斧頭排,係兩人餐($988):排一共係1KG,勁多肉,兩個人食會勁飽,另外仲會有好多蔬菜作配菜,焗薯仔好食!斧頭排食落去好重牛味同炭燒味。

▲散叫-導航者海鮮拼盤($198): 有自家制煙三文魚、燒谷蝦配蛋皇醬、白酒煮青口。

▲朋友生日可以Order甜品然後提早叫餐廳幫你寫埋留言,今次叫呢個係榛子朱古力雪糕蛋糕配櫻桃餡卷($98),甜品上面會有著左探險服裝既米奇朱古力牌仔。

▲二人餐包埋生果盤,客人可以自己去揀想食既生果。

芊彩餐廳

地址:大嶼山香港迪士尼樂園迪士尼探索家度假酒店2樓

營業時間:星期一至四07:30 22:00/星期五至日07:30 22:30

電話:35102000

文字來源/圖片來源:香港人.遊香港

關注我們Facebook專頁
    相關新聞
      更多瀏覽