歐遊陷阱!貪方便ATM撳錢隨時被呃手續費
2019年07月23日17:03

好多人都鍾意歐遊,有時買得太盡興,真係好易玩到唔夠錢使,呢個時候用海外提款就冇有怕。不過原來喺歐洲揀自動櫃員機(ATM)要好小心,如果唔係分分鐘會畀人呃錢㗎!

撰文:KM | 圖片來源:HONEST GUIDE

歐洲ATM陷阱

好多人會喺旅行前搞海外提款功能,用晒手頭上嘅現金都唔驚之後冇錢使。不過揀ATM都要好小心,事關用本地卡同外地卡撳錢原來有好大分別。

0
0

喺歐洲有啲ATM會專呃遊客手續費,佢哋唔單止數量多,仲遍佈多個旅遊景點,真係咪話唔驚!其中一間Euronet Worldwide,喺英國、德國、西班牙、意大利、匈牙利等熱門旅遊景點都設有ATM。

01|要提取大面額嘅現金

如果插入本地卡,ATM嘅功能唔會有咩分別,但當插入外地嘅銀行卡時,操作方式就會唔同。佢哋呃錢嘅第一步,就係要你提取大面額嘅現金,由1萬到2萬捷克克朗(約港幣3435-6870),相當於捷克當地人嘅收入,基本上冇人會拎住咁多錢周圍走。

要提取大面額嘅現金,由1萬到2萬捷克克朗。

02|收取手續費

當你選擇要提取嘅面額後,ATM會提供相當差嘅匯率。例如提取1萬捷克克朗(約港幣3435),匯率大約係20.1克朗兌1美金,比當日匯率高出15%,相當誇張。如果你決定要撳錢,仲會收埋你手續費㗎!單單拎1萬嘅捷克克朗就蝕咗15%。有網民仲見過提取1萬捷克克朗嘅收據,計計下拎完錢足足蝕咗35%。

提取1萬捷克克朗,匯率大約係20.1克朗兌1美金。
提取捷克克朗收據
有網民見過提取1萬捷克克朗嘅收據,計計下拎完錢足足蝕咗35%。

唔好諗住去大銀行換錢就冇事,捷克最大銀行CSOB,可以提取嘅金額高達4萬克朗(約港幣13740),相對其他銀行嘅ATM換錢嘅金額更大。就算喺餐廳食完飯打算碌卡,最好選擇用當地貨幣結算,咁會抵好多!

捷克最大銀行CSOB

大家喺歐洲旅行又用晒啲現金,選擇海外提款時揀ATM要好小心,唔好畀人呃錢呀!

延伸閱讀:

【稚內利尻美食行程】北海道・豪食馬糞海膽、即開帆立貝刺身、打卡必到純白色貝殼散步道

【澳門好去處2019】澳門Hello Kitty展 | 率先睇!9米大蝴蝶結形波波池 + Kitty全新花花眼鏡造型

關注我們Facebook專頁
    相關新聞
      更多瀏覽