秘揸1億物業 霸氣洪欣閂水喉勒老公
2019年07月19日18:48

洪欣老公張丹峰,早前被揭疑似出軌搭上其經理人畢瀅,畢瀅被拍到深夜自由出入 張丹峰入住的酒店房間,密會數小時才步出房,更有指畢瀅 轉移洪欣身家,成為張丹峰公司唯一持股人,當大家以為婚姻破裂的洪欣,人財兩失成為輸家,事情卻峰迴路轉,原來 兩夫妻近月已和好如初,畢瀅 更「被」辭職冇得留低。 面對進擊小三,洪欣早有 備而戰,財力豐厚的她,秘揸過億物業,全部以個人名義持有,為趕絕不忠老公,更全面閂水喉,要張丹峰攬嫩口小三打回原形,為保富貴生活,張丹峰當然識揀,最終回 頭是岸同畢瀅斬纜,霸氣洪欣 勒老公踢走小三,一早勝券在握!

撰文:東方新地 |圖片:新傳媒圖片、IG、微博

洪欣秘揸1億物業

女人最緊要自強,對經歷過老公出軌的洪欣來說,應該感 受最深,今年四月爆出婚變,老公張丹峰被爆同經理人畢瀅撻 著,更多次被拍到深夜酒店房間密會,事件鬧大傳言滿天 飛,有指畢瀅轉移洪欣身家,成為張丹峰公司唯一持股人,婚變傳得言之鑿鑿,洪欣卻一直沉默。據知情人士透露:「老公出 軌,老婆點會感覺唔到,而且洪欣好多線眼,張丹峰同畢瀅關 係曖昧佢一早知,不過上年張丹峰誓神劈願話會同畢瀅斬纜,佢先肯出面撐老公,點知畢瀅仲有恃無恐,當正自己女主 人,今次洪欣講明唔會再忍,更嬲爆同老公割 席,所以完全唔出嚟幫老公解畫!」

洪欣
洪欣
今年四月,洪欣同老公張丹峰被指因 「小三」畢瀅介入出現婚姻危機,一直不作任何回應的洪欣,原來早有部署,火速閂水喉趕絕老公,成功踢走狐狸精。早前,兒子張鎬濂就在微博晒一家四口合照,高調撐阿媽。

洪欣
洪欣
洪欣老公張丹峰被爆同經理人畢瀅出軌已經兩年,兩人不避嫌出雙入對,完全當老婆冇到,激到洪欣要出招反擊。

資產唔過老公手

48歲洪欣雖然曾因代父還債,被疊馬仔追數 要同兒子張鎬濂避走上海生活,不過轉攻內地多 年,洪欣原來早賺到盤滿缽滿,現時手上持有四 個市值合共過億物業,當中包括現居的禮頓山豪 宅連車位,還有跑馬地聚文樓兩個單位,以及北 角東發大廈單位,大把喺手當然無懼小三勾老公。據知情人說:「畢瀅好有野心,為咗埋到洪欣身,佢初期做 嘢好有交帶,所以洪欣好信任佢,佢亦好快黐埋張丹峰度,氹 到張丹峰將公司股權轉到佢手,不過,就算佢控制到張丹峰公 司嘅收入,都只係小數目,完全郁唔到洪欣香港資產,所以當 時傳言滿天飛,洪欣都懶理,根本未驚過!」

洪欣
洪欣
09年嫁年輕十載老公張丹峰,人氣和收入都一直凌駕 老公之上的洪欣,其實相當富貴,今年初便一掟150 萬購入新款保時捷,日前,她獨自駕落地不久的新座駕外出,張丹峰未有同行。
洪欣
洪欣
保時捷今年由洪欣以個人名義購入。

獨揸過億物業 老公冇名

雖然畢瀅被爆全數持有張丹峰內地製作 公司 100% 股權,但原來身家豐厚的洪 欣未驚過,因為資產從不過老公手,手 上共持有四個物業都全以(真名洪欣欣) 個人名義持有,老公完全冇份, 16 年以 4,700 萬買入的禮頓山豪宅連車位,現時市值已升至 7,500 萬。

洪欣
洪欣
除咗禮頓山豪宅,洪欣早年買入自住的跑馬地聚文樓兩 個單位亦升值一倍,至今仍由她個人持有,兩個單位現時市值已超過3千萬。

向敗走小三畢瀅示威

手握財政大權的洪欣,更即時閂水喉向不忠老公還擊。據知情者透露:「喺呢行咁多年,洪欣唔係蠢女人,佢從來唔會將 資產過老公手,手上嘅幾個物業,全部自己名持有,發現老公 作反,仲即刻閂水喉,迫張丹峰同畢瀅攤 牌,收入同老婆差天共地嘅張丹峰,仲要 養住喺哈爾濱嘅父母,佢唔想乜都冇晒打 回原形,最後同畢瀅攤牌分手!」 成功捍衞婚姻,近月洪欣就表現風 騷,經常孖張丹峰出遊,五月同老公返完 老家哈爾濱出席友人婚宴,又一家三口飛 美國,高調恩愛放閃向敗走小三畢瀅示威。

踢走小三後,洪欣同張丹峰又變回恩愛夫妻,五月洪欣孖住 老公返老公家鄉哈爾濱出席親友婚宴,全程形影不離,有米 洪欣成功收服花弗老公。
張丹峰仲同老婆及女兒晞彤玩自拍,出軌回頭即變體貼男人。

再變糖黐豆融入洪欣家庭

畢瀅野心不小,憑著張丹峰經理人身份逐步融入洪欣家庭,連洪欣五歲囡囡晞彤亦黐到實,以為勾到張丹峰入局可以盡得一切,最終被霸氣洪欣KO冇得留低。

擊退狐狸精畢瀅後,洪欣近月就風騷同老公及女兒晞彤遊美國,被網友捕獲三口子幸福逛超市,夫妻糖黐豆貼到實,女兒 則坐在手推車上。

甩小三保富貴生活

張丹峰偷食經理人畢瀅, 早於去年已傳出婚變,當時洪 欣還出面力撐老公,事件平 息咗一輪,張丹峰又故態復 萌,小三畢瀅繼續埋身,今年 洪欣一招以退為進,封口暗地 與小三抗爭,除咗財政封鎖老 公,更用輿論壓力迫老公甩小 三,終成功勒老公回頭。

同小三劃清界線

五月張丹峰就發聲明否認出軌,更 指畢瀅已經引咎辭去經理人一 職,保住同洪欣十年婚姻亦保 住富貴生活。

延伸閱讀:

5個《反斗奇兵》不為人知的都市傳說 原來胡迪係鬼魂?

《Stranger Things 3》開播前必知3大重點 再次回到Upside Down世界

關注我們Facebook專頁
    相關新聞
      更多瀏覽