唐詩詠挾男友同居試婚 擲2千萬築愛巢
2019年07月18日22:00

近日不時孖實馬國明宣傳大放甜蜜的唐詩詠,唔少網民想二人延續劇集《白色強人》唐明、蘇怡戀情做真情侶,唐詩詠仲口口聲聲叫馬明約佢,原來只為製造煙幕,實情跟升學顧問男友陳思銘拍拖一年打得火熱。為密冚戀情,繼續講大話扮單身,不過之前男友有野花埋身,唐詩詠深怕睇唔實會走寶,亦加大力度箍實億萬筍盤,近月不時到男友屯門寓所過夜,更冧掂陳思銘買樓築愛巢同居試婚,去年六月搵好姊妹翠如出馬,陪睇北角豪宅柏蔚山,冇耐陳思銘便掟2,300萬入市。日前,兩人煙韌拍拖買餸後同返男友屯門寓所,玩煮飯仔撐枱腳直落度春宵,享受同居生活仲要隱瞞,唔通真係想拍拖、同居、結婚一次過公開,鍊贏玩神秘瞞婚好姊妹黃翠如!

編輯:Sunday Kiss|原文:東方新地|圖片來源:新傳媒圖片、唐詩詠Instagram陳思銘Instagram

唐詩詠 挾男友同居試婚

今年已經38歲的唐詩詠,雖然有「不能錯過的女友」稱號,不過,多年來情路坎坷,同崔健邦及洪永城感情都未能開花結果,失敗經驗令她深怕公開戀情帶來壓力,再墮愛河亦堅決唔公開。去年底同升學顧問筍盤,32歲「英識教育」創辦人兼董事陳思銘拍拖食飯斷正,唐詩詠都只認對方係飯腳普通朋友,唔認二人拍拖關係,今年三月,又畀本刊斷正揸車接男友收工再約會,拍拖甜如蜜,至今仍繼續扮單身。

唐詩詠
唐詩詠

煙韌買餸

拍拖買餸都專登揀隱蔽超市,位於長江集團中心地庫的超市人流疏落,啱晒玩地下情的唐詩詠,兩人在超市貼實揀食物,準備返屋企煮飯撐枱腳。

唐詩詠
唐詩詠

借馬明過橋

早前同馬國明宣傳劇集《白色強人》,被馬國明公開大讚人品好 好,唐詩詠更開聲叫馬明約佢,擺明借TVB 筍盤過橋。據知情者透 露:「之前拍嗰兩次拖,就因為公開咗令Natalie(唐詩詠)有好大壓力,成日畀人問住幾時結婚,講得多佢都唔知點答,唔想再因為拍 拖搞到自己有咁大負擔,索性話未到結婚都唔公開,反而男友諗法唔同,咁始終Samuel( 陳思銘)從事教育界,知名度對工作有利無害,佢根本唔覺得有咩要瞞,不過,既然女友唔想公開,Samuel 惟有順應女友意思,只係間中喺 I G低調放閃 !」

唐詩詠
唐詩詠
死口唔認有拖拍的唐詩詠,日前拍拖又斷正,當日傍晚獨自駕車到銅鑼灣,先落車到附近大廈攞嘢,之後便返回車內等男友收工。
唐詩詠
唐詩詠
陳思銘收工即揸住藍色座駕離開,兩人前後車出發,陳思銘的座駕一直跟在唐詩詠的黑色Benz後面,直駛往中環長江集團中心。

箍男友防女埋身

其實拍拖一年兩人一早見晒家長,唐詩詠更早已融入男友家 庭,不過早前因忙於趕劇,男友被本刊拍到揸車接送貌似岑麗香年輕女伴上落班,更同女伴著晒情侶鞋貼實煙韌傾密偈,她亦不敢 再掉以輕心。據知情人士說:「之前男友畀人影到同女伴親密黐到 實,男友仲成日揸車接送對方,Natalie都好緊張,不過Samuel解畫 話個女仔只係同事,佢亦只有相信男友,不過身邊班姊妹都提醒 佢,話男友年輕有為,身邊實多女氹氹轉,叫Natalie睇實啲,所以 依家就算開緊工,佢都會call住男友check到實,喺TVB收工都老遠去男友屯門寓所過夜,方便睇實男友,唔畀其她女有機埋身,另一 方面,大家又可以試吓一齊生活藉此更了解對方!」

唐詩詠
唐詩詠

揀啱愛巢男友入市

去年六月唐詩詠搵黃翠如做伴,一齊去北角新盤柏蔚山睇樓,表面話想買樓同阿爸一齊住的唐詩詠,原來係揀定愛巢,睇啱心水樓,即叫男友陳思銘入市,今年一月陳以2,300萬買入該盤800呎單位,拍拖一年開始過同居生活。

唐詩詠
唐詩詠

搵翠如陪揀愛巢

學定做人妻的唐詩詠,原來早氹掂男友買樓築愛巢。去年六 月,她搵好姊妹黃翠如掩護兼幫眼,到北角豪宅新盤柏蔚山睇 樓,當時翠如被問是否買樓同蕭正楠築愛巢就爆響口話只是陪老友 唐詩詠睇樓,並唔係自己想買,今年二月陳思銘便以2,300萬購入柏 蔚山一個800呎單位。據知情者透露:「Natalie 身邊唔少朋友都結咗婚 生埋仔,佢都好心急想快啲嫁人上岸,而且佢好鍾意小朋友,年紀 唔細都想早啲陀BB,拍拖無耐,佢已經密密睇樓,嗰次新盤未開 售,已經有留意嗰區,始終覺得港島區近住名校網,對將來仔女返 學都方便啲,其實嗰次佢好想同男友一齊去睇樓,但又怕會太 揚,最後咪搵好姊妹翠如陪囉!佢入到場一睇已經好鍾意嗰度,後 尾男友再睇咗一次,好快就扑槌買!」

唐詩詠
唐詩詠
睇嚟唐詩詠要下廚顯身手箍住男人個胃,連揀醬料都好認真。

前後腳保同居關係

近日忙完劇集宣傳工作,唐詩詠已把握時間陪男友,日前傍晚 六時許,她駕車到達銅鑼灣,先去男友公司附近大廈攞嘢,之後返 回車內等候,似乎唔想妨礙男友工作,未有上樓到男友的教育中心 等對方,反而一直留在車廂,等近半小時,男友終於收工,駕駛他 的藍色座駕駛出停車場,此時,唐詩詠開車向中環方向進發,陳思 銘的座駕就跟在女友的Benz後邊,兩人一早有共識,將車泊到中環 的長江集團中心,泊低車後一齊到地庫的超市買餸,相信兩人一早 熟晒地點,特意揀這間冇乜人知,地點隱蔽的超市買餸,拍拖自然 神不知鬼不覺,啱晒刻意玩地下情的唐詩詠心意。就連買完嘢還繼 續前後腳走,唐詩詠丟低男友畀錢自己走先,同男友夾好各自駕車 返屯門寓所會合,小心翼翼密保同居關係!

唐詩詠
唐詩詠
兩人喺超市內揀咗成粒鐘,買完蔬菜再揀海鮮同牛肉,同男友煙韌買餸。
唐詩詠
唐詩詠
一邊揀嘢食一邊傾到笑唔停,蜜運中的唐詩詠,時刻都甜到漏。

唐詩詠
唐詩詠

買齊嘢,唐詩詠同男友繼續前後腳離開,由男友負責畀錢自己則走先,各自駕車返男友屯門寓所會合。

唐詩詠
唐詩詠
話晒係TVB一線花旦,買嘢期間唐詩詠就不停講電話,搞到男友無無聊搵手機影食物。

翌日冇換衫

拍拖買餸回家玩煮飯仔翌日,唐詩詠約咗森美及一名幕後食晏,當日陳思銘亦有駕車到場,不過又係神龍見首不見尾,未有同女友街頭合體,而當日唐詩詠衣著與前一天的打扮一式一樣,似乎前一晚在男友屋企過夜,未有換衫。

唐詩詠
唐詩詠

唐詩詠
唐詩詠

唐詩詠
唐詩詠
有「絕種好女友」稱號,唐詩詠除咗入得廚房,還鍾意做柴可夫,早前本刊便拍得她揸車接男友放工。

唐詩詠
唐詩詠

被背景出賣

被指真身係陳思銘的專欄作家「葉朗程」,早前上載了一張長髮女背面相,被眼利網民認出,與早前唐詩詠上載慶祝38歲生日時的相片,無論衣著打扮、室內環境和夜景都如出一轍,被揭發陳思銘為女友甜蜜慶生,不過唐詩詠就堅決否認背影係自己。

唐詩詠
唐詩詠

唐詩詠
唐詩詠

唐詩詠
唐詩詠

今年農曆年初一,兩人po出行山相,即使係單人照,但背景又係一模一樣。

唐詩詠
唐詩詠

唐詩詠
唐詩詠

同馬國明在劇集《白色強人》演一對,被網民指襯到絕,促馬明追唐詩詠,就連Do姐都在《Do姐有問題》節目,問二人唔拍拖到底爭啲乜?!

唐詩詠
唐詩詠

網民:最好的已在身邊

4月初發生「安心偷食」事件後,馬國明與黃心穎的關係一直受到關注。早前馬國明出席活動,透露與黃心穎是「朋友」,二人疑似正式分手,馬明回復單身。而詩詠與洪永城的戀情在2017年告終,一直在感情路上錯開的馬國明與唐詩詠,最近因拍攝《白色強人》並飾演夫妻而又走在一起,網民都希望二人現實中可以佳偶天成,更向馬明留言:「最好的已在身邊!」

馬國明 唐詩詠
馬國明 唐詩詠
《白色強人》劇中,二人有吻戲,加上配樂十分甜蜜!

馬國明:唐詩詠係好女仔!

日前馬國明與唐詩詠出席劇集宣傳活動時受傳媒採訪,提及他們除了在《白色強人》劇中演夫妻,很多人希望現實中的他們也成為戀人。唐詩詠旋即向馬國明撒嬌:「現實啊!約我啦咁!」馬明即刻笑住回應:「約啊!約啊」,又笑話詩詠好忙㗎、好難約,互動非常sweet!有記者追問馬明點睇唐詩詠,馬明就大讚Natalie係一個好女仔。既然印象甚好,對方被封為「絕世好女友」,而自己又是「筍盤男神」,為什麼一直未「撻著」?馬明瞬間回答不出,只能說:「我也想不到差什麼。」

馬國明 唐詩詠
馬國明 唐詩詠
二人開live與粉絲互動時,詩詠介紹馬明,說:「係咪好靚仔呢!你睇佢個頭今日幾靚!」
唐詩詠
唐詩詠
圖片來源:唐詩詠Facebook

馬明曾「表白」鍾意詩詠呢類女仔!

馬明並非第一次公開盛讚唐詩詠。早在2016年,馬明出席劇集《賭城群英會》宣傳活動時,馬明透過live與網民交流,不少網民都留言提到唐詩詠。馬明當時直言唐詩詠好好,而被問到鍾唔鍾意詩詠呢類斯文乖巧的女仔,馬明就直認鍾意!又指好像詩詠這類斯斯文文的女仔,大部分男仔都會鍾意,最後還寄語洪永城要好好珍惜詩詠!

馬國明 唐詩詠
馬國明 唐詩詠
圖片來源:唐詩詠Facebook

由《鐵馬尋橋》開始相熟變契兄妹

馬國明與唐詩詠兩人自拍攝《鐵馬尋橋》開始,一直以契兄妹相稱,後來馬國明與胡定欣分手,唐詩詠也與崔建邦分手,兩人一起渡過低潮,甚至還傳出緋聞,不過當時二人都否認了。後來,唐詩詠因拍攝《載得有情人》與洪永城結緣,當時馬國明表示:「唔講支唔支持,最重要阿妹喜歡,如果真係喜歡冇人可以影響到。」

馬國明 唐詩詠
馬國明 唐詩詠
2009年《鐵馬尋橋》

拍攝節目梁烈唯變電燈膽

在2016年拍攝節目《有乜好過去Camping》時,馬明全程痴實契妹詩詠,兩人形影不離,搞到同行的梁烈唯話自己好似變左電燈膽!

馬國明 唐詩詠
馬國明 唐詩詠
圖片來源:馬國明Facebook
馬國明 唐詩詠
馬國明 唐詩詠
圖片來源:馬國明Facebook

陳思銘 億萬筍盤多女埋身

32歲的 Samuel(陳思銘)是升學顧問中心「英識教育」的創辦人兼執行董事,現時公司市值逾8,000萬,被指年賺過千萬的他,被譽為城中超級筍盤。

唐詩詠
唐詩詠

唐詩詠
唐詩詠

雖然同唐詩詠蜜運,但Samuel身邊不乏靚女車輪轉,早前被本刊拍到與一貌似香香的厚唇女約會,女方更幫陳思銘做人肉手機架。

唐詩詠
唐詩詠

唐詩詠
唐詩詠

唐詩詠
唐詩詠

延伸閱讀:

【米豬媽媽】營養豐富 粟米濃湯

40日幼兒食譜大集合 媽媽又有新煮意

關注我們Facebook專頁
    相關新聞
      更多瀏覽