無綫「御用惡人」鄭家生憑奔雷手成名 曾任《鎗火》武指獲提名金像獎
2019年07月18日19:54

沙田新城市廣場周日爆發警民大混戰,連日來有人到商場服務櫃台圍堵抗議,而日前有網民影到無綫綠葉鄭家生途經商場期間,同市民發生口角,一度爆粗鬧途人:「X你老母,個腦生喺籮柚度嘅!」,片段喺網上瘋傳及引起熱話。入行40年嘅鄭家生除了任職武師,仲被封為無綫「御用惡人」,事關佢喺大台專演惡人、反派、社團大佬等,形象深入民深,而早年佢曾任《鎗火》武指而獲提名金像獎㖭!

撰文:東方新地 | 圖片:新傳媒圖片、電視截圖、影片截圖

鄭家生 新城巿廣場同市民口角

片段所見,鄭家生途經過新城市商場服務櫃台,疑因不滿抗議的人士包圍保安,鄭大聲話:「圍呢度有咩用?圍解放軍啦!你哋又冇膽。」佢又用粗口辱罵在場一位女士及青年︰「人哋保安點會敢唔畀差人入嚟?啲人讀咁多書有冇腦。」、「X你老母,個腦生喺籮柚度嘅!」

影片截圖

影片截圖

鄭家生:保安只係打份工

結果雙方發生口角,鄭家生愈講愈激動,之後衝前向一男友話:「打我呀!打我呀!」有在場採訪記者把他與人群分開及勸退,他離開時,遭不少人市民喝倒采。鄭家生事後接受傳媒訪問,表示自己只係同大家講道理,認為眾人包圍保安,要求對方交代係唔合理,又話保安都只係打份工,鄭家生話香港太亂,再咁落去香港會散,又話大家都有言論自由,但佢一出聲就畀人鬧,和平示威嘅人都散晒呢班人係搞事咁話!

影片截圖
影片截圖

專演惡人

從演40年嘅鄭家生自細喺舅父嘅潮州戲班做跑龍套,及後跟已故著名武打演員兼武術指導袁小田(袁和平的父親),其後和袁家班兄弟於夜總會表演中國舞及舞北獅,之後加入TVB當武師及演員,後來更成為武術指導,演過近二百部電視劇,由於年輕時樣貌較兇惡,故經常飾演惡人、反派、殺手,可謂TVB「御用惡人」。

電視劇 《殺手》

鄭家生
鄭家生
鄭家生於《跳躍生命線》飾演社團大佬。

馳名「奔雷手」

鄭家生在電影中也扮過不少諧角,如《鍾無艷》中瘋狂放屁攪肚痛的武官,而佢喺星爺主演嘅電影《破壞之王》中,飾演擂台裁判「奔雷手」也令觀眾留下深刻印象。

星爺度橋

在片中,鄭家生飾演擂台裁判「奔雷手」威風出場卻被人一拳打暈,他早年接受訪問曾經透露,變成鄭家生武林高手,是星爺親自度出來的主意。

《破壞之王》劇照

而在之前播出的TVB重頭劇《鐵探》,鄭家生飾演連環姦殺案犯人羅彪,他在雨中生擒王君馨(飾演曉怡)一幕都成為話題!

由於羅彪會再搵自己當年未得手嘅女性再犯案,點知今次羅彪就再遇曉怡(王君馨飾),但其後發現原來已失常嘅佢只係想喺超市偷竊!

《鎗火》武指角逐最佳動作設計獎

除了幕前演出和替身工作外,鄭家生也是資深的武術指導,在99年杜琪峰作品《鎗火》他任武指,更憑此片有份競逐金像獎最佳動作設計獎,不過最後敗於陳德森導演、董瑋因武指的《紫雨風暴》。

延伸閱讀:

5個《反斗奇兵》不為人知的都市傳說 原來胡迪係鬼魂?

《Stranger Things 3》開播前必知3大重點 再次回到Upside Down世界

關注我們Facebook專頁
    相關新聞
      更多瀏覽