麥明詩補習一粒鐘收$XXXX 「補咩都得,比錢就得!」
2019年07月17日17:48

前港姐馮盈盈(Crystal)同麥明詩喺《#後生仔傾吓偈》 中,耐唔耐就發表激爆言論而成為網民熱話,而喺日前播出一集《後生仔傾吓偈》中,主題係以補習題,兩位讀書成績好出眾嘅主持討論補習,當中身為「10優港姐」兼主持嘅麥明詩自然有唔少經驗可以分享,佢大談幫人補習嘅價錢、經歷,仲唔覺意爆咗句「我覺得直情係廢」去形容老師,即管睇睇佢哋點講!

撰文:東方新地 圖片 :新傳媒圖片、電視截圖

麥明補詩習一粒鐘收$XXXX

《#後生仔傾吓偈》節目一開首,馮盈盈話麥明詩係呢方面嘅專家,事關佢幫人補習經驗豐富,馮盈盈話麥明詩讀大學時兼職幫人補習,每一小時收費$1000,身價超高咁話,明詩就估唔到自己係「身價」高過馮盈盈咁話!

收$1000一粒鐘,在坐嘅後生仔聽到都愕然,反問麥明詩補咩學科要收呢個價錢,佢笑住話就話:「我個履歷寫咗,你鍾意叫我補咩都得,總之比錢就得。」

不過麥明詩之後笑言「聽講港姐時薪再貴啲!」又話:「我又良心過意唔去(收咁貴), 所以就金盆洗手。」

雖然麥明詩讀女拔,當年會考仲攞到十優佳績,但原來佢都幫襯過中文科補習天王蕭源,佢仲大爆對方把自己個中文名隱藏喺範文,排版後就會見到蕭源兩個字。麥明詩又透露佢最弱嘅係中文,不過「中英文真係唔係靠補習,係靠由細到大浸淫同寫文。」

講到點解啲學生需要補習,有後生仔話:「如果學校搞得掂,根本無人需要出去補習,雖然唔係話學校老師廢……」而係有學校只係注意考試成績,但都有啲學校較為注重傳授智識,而補習社係教應試技巧,」麥明詩聽到唔多認同,仲反問:「點解要講得咁婉轉,我覺得直情係廢」唔知大家又點睇呢?!

首屆DSE考生 馮盈盈取28分

講番兩位主持嘅成績,其實都好標表!先講2016年香港小姐冠軍馮盈盈啦!第一屆「白老鼠」嘅馮盈盈,DSE成績都唔錯,有三科拎到5*成績,以28分入讀香港大學嘅營養學。馮盈盈分享當年考試成績,並都覺得成績沒想像嘅咁重要,考得好唔好,都唔好放棄自己,人生漫漫長路,仲有好多精彩嘅際遇等緊大家!

DSE放榜
DSE放榜
馮盈盈是2016年香港小姐冠軍
DSE放榜
DSE放榜
首屆DSE考生馮盈盈28分入港大讀營養學

麥明詩會考取十優佳績

至於在澳洲出生的麥明詩,回流香港後就讀於拔萃女小學及拔萃女書院,2009年於香港中學會考考獲中國語文科和英國語文科5*級、以及8科A級的十優佳績,為當屆會考狀元。麥明詩原本打算在香港升讀預科,但因為她在會考取得十優,已獲英國威靈頓公學 (Wellington College) 取錄,因此決定先到該校讀預科,適應英國的生活。2011年升讀劍橋大學紐納姆學院法律系,2014年取得法律學學士學位二級榮譽畢業。

麥明詩
麥明詩
麥明詩是2009年會考嘅10優狀元

港姐
港姐
「狀元港姐」麥明詩除咗親身引證咗咩叫「美貌與智慧並重」之外,亦證明咗「女大十八變」都係堅架!唔明?下面嗰張就係麥明詩當年榮登女狀元嗰陣嘅訪問相啦! 睇完會唔會明啲?

延伸閱讀:

5個《反斗奇兵》不為人知的都市傳說 原來胡迪係鬼魂?

《Stranger Things 3》開播前必知3大重點 再次回到Upside Down世界

關注我們Facebook專頁
    相關新聞
      更多瀏覽