一田超市 牛油果雪糕!期間限定發售 榴槤雪條+粟米味雪糕|超市買呢啲
2019年07月16日21:30

一田超市最近舉行雪糕甜品祭,多間甜品店和食品公司都有參與,其中最具特色就是榴槤伯伯推出的牛油果雪葩!不含香精和人造色素,食得安心又放心,另外還有貓山王榴槤和菠蘿蜜雪葩,味道爽甜又濃郁。除此之外,場內還有多款特色零食,推廣日期由即日起至2019年7月29日,大家記得去掃貨啦!

撰文:Sakura 攝影:Sakura

一田超市甜品祭 牛油果雪糕上架!

甜品控注意!一田超市甜品祭正式開鑼啦,由即日起至7月29日!場內有多間零售商和食品公司,提供一系列特色甜品,其中榴槤伯伯有3款口味雪葩,分別是牛油果、榴槤和菠蘿,全無香精和人造色素,可安心食用。

榴槤伯伯推出3款口味雪葩,分別是榴槤、牛油果和菠蘿口味。

1.牛油果雪葩

當中最特別就是牛油果口味,在坊間十分少見,食落質地軟滑,口感有幾分似牛油果。

牛油果雪葩$48/杯、$87/2杯

最特別就是牛油果口味,在坊間十分少見!

食落有陣陣牛油果味,口感軟滑。

2.貓山王榴槤口味雪葩

另外還有貓山王榴槤口味雪葩,食落榴槤味強烈,非常濃厚,榴槤fans不要錯過!

貓山王雪葩$48/杯、$87/2杯

選用貓山王製成,打開就有強烈的榴槤味道!

榴槤味非常濃厚,榴槤控要試!

3.菠蘿蜜口味雪葩

而菠蘿蜜即是大樹菠蘿味,食落酸酸甜甜,很開胃,清涼解渴,夏天食就最適合!

菠蘿蜜雪葩$38/杯、$69/2杯

菠蘿味比較淡,但帶點酸甜,很開胃。

消暑解渴,夏天食就最適合!

山下菓子 100%果肉雪條

著名甜品店山下菓子,亦推出兩款100%純果肉製成的雪條,分別有金枕頭榴槤雪條和泰國象牙芒果雪條。榴槤雪條造型的骰,呈榴槤果肉形狀,好得意,食落會咬到一絲絲榴槤肉,很香甜的榴槤味,不錯。

榴槤果肉雪條$100/3條

以100%純榴槤果肉製成,食落有一絲絲榴槤肉。

榴槤雪條呈榴槤果肉形狀,好得意,香甜的榴槤味,不錯。

另一款芒果雪條,選用泰國100%芒果肉製成,芒果清甜,帶陣陣芒果香,食落爽甜,口感一流,好像食真的芒果一樣。

芒果果肉雪條$100/5條

選用泰國100%芒果肉製成,芒果清甜,有芒果香。

食落口感一流,像真的芒果一樣。

北海道製粟米味雪糕!

記者推介!出產於北海道的粟米味雪糕,打開雪糕creamy,非常香滑,食落味道極像粟米濃湯,充滿粟米的甜味,很正!

北海道粟米味雪糕$75.9/筒

來自於北海道,雪糕味道香滑,很creamy。

食落味道勁似粟米濃湯口味,充滿粟米的甜味,超正!

一田超市雪糕甜品祭

地點:全線11家一田超巿

推廣日期:由即日起至2019年7月29日

延伸閱讀:

薄餅Pizza Top6! 中環紐約過江龍味道恰到好處 銅鑼灣即製拉絲水牛芝士|邊間最好食

美食博覽2019!$10入場費+日期詳情一覽 香港美食節一連5日會展舉行 |區區搵食

關注我們Facebook專頁
    相關新聞
      更多瀏覽