陳煒認愛後被指係「小三」煒哥醫生男友Man爆澄清護花
2019年07月16日15:06

45歲陳煒失婚7年,早前被爆在峇里舉行的醫學研討會上,跟失婚40歲6呎高的男醫生陳國強(Aldous)到場,兩人毫不避忌手拖手上落台,煒哥事後表示「剛開始,了解中。」大方承認戀情。但戀情公開不久,有人爆料稱陳國強與前妻未離婚,直指陳煒係「小三」。陳國強事後接受傳媒訪問時火速澄清仲大講「愛的宣言」,煒哥應該好冧啦!

撰文:東方新地|圖片:新傳媒圖片庫、陳煒IG微博

陳煒認愛後被指係「小三」

陳煒08年嫁畀細佢3年的台灣富商顏志行,可惜婚姻維持四年便結束,之後她一直保持單身,但近日佢被踢爆同任職醫生、現年40歲的陳國強(Dr . Aldous Chan)拍拖,煒哥事後大方認愛,但公開戀情不久,有人爆料話陳國強同前妻未正式離婚,直指陳煒係「小三」。Aldous接受訪問時隨即澄清表示同前妻一年前已經離婚及辦妥所有手續,他與陳煒拍拖時已經回復單身。

講到負面新聞會否令陳煒心情不好,他話:「不會,因為有我喺到!」佢仲透露同前妻共同撫養兩個囡囡,他主要負責經濟上的支援,雙方也有見面。而女兒知道他和陳煒拍拖,但未有過多討論。

那邊廂,陳煒得知男友開腔澄清,她表示陳醫生已作回應,自己沒有補充。

去年Aldous與黃智賢合資在中環開醫學美容中心,當日陳煒有份出席開幕禮,故有指他與醫生男友可能於當日相識。

因了解而分開

陳煒在2008年與台灣商人顏志行結婚,當年她接受傳媒訪問時表示,十分欣賞前夫,因他事業有成而且對長期病患的媽媽照顧周到,相當顧家孝順。不過婚後的陳煒曾發表「家品論」,指自己在家打理事務,丈夫在外工作,而她似是丈夫在家的家品而已,致二人最終在2012年因了解而分開離婚收場。煒哥更直言同前夫離婚後反而關係仲好咗,會互相扶持,表示兩人「做朋友好過做夫妻」!

陳煒
陳煒
陳煒坦言同前夫離婚,是她12年返港簽約無綫拍劇之後發生:「前夫太專注事業!時間耐咗,我就好似屋企電器咁放埋一邊,咁做朋友好過做夫妻!大家好似家人咁相處,都唔係壞事!」

昔日煒哥同老公非常恩愛,曾經抱愛貓放閃。

陳煒
陳煒

陳煒
陳煒

16年主持《煒哥的味道》,已同老公離婚的煒哥,繼續同前夫人前扮恩愛。

陳煒
陳煒

在節目上煒哥還公開以老公稱呼對方,更餵前夫食嘢!

陳煒
陳煒

陳煒
陳煒
煒哥同台灣富商前夫顏志行於08年結婚,婚姻只維持了五年。

淚眼談離婚

而在較早前播出的《如果這樣生活》中,陳煒重回與前夫離婚的傷心地 — 台灣,煒哥喺節目中剖白離婚原因,她哽咽說:「傳媒一直好關心我嘅感情生活,我一直冇交代,我之前冇講因為想保持呢段關係,我覺得有挽救嘅機會,所以唔想講。坦白講,我唔想分開,呢個唔係我嘅意願,離婚其實係佢提出嘅,佢覺得工作上,可能有些事情佢需要處理,佢覺得他要花好多時間,都覺得佢有虧欠我,既然佢冇能力付出佢嘅感情,要處理好多事情嘅時候,就覺得不如雙方中斷呢段關係啦﹗」

陳煒
陳煒
嘉賓之一嘅陳煒哽咽剖白離婚的感受,直言離婚係由前夫提出,非她的意願,回歸單身的她表示要更加愛錫自己,其實之前煒哥接受訪問,透露當年離婚後一度要睇精神科,對佢打擊真係好大!

重提離婚,煒哥雙眼通紅,經歷婚姻失敗的陳煒單身7年,至今感情仍未有著落!

煒哥話自細都好獨立,佢喺讀中一時已經開始煮飯畀屋企人食,而離婚後冇人照顧自己,回歸單身更要愛錫自己多啲,屋企要修理任何嘢、換燈膽都要自己搞掂!

延伸閱讀:

《Stranger Things 3》開播前必知3大重點 再次回到Upside Down世界

5個《反斗奇兵》不為人知的都市傳說 原來胡迪係鬼魂?

關注我們Facebook專頁
    相關新聞
      更多瀏覽