胡杏兒產後極速修身 慶祝入行20年
2019年07月12日13:00

胡杏兒於2015年下嫁男友李乘德(Philip),先後誕下囝囝李奕霆(Brendan),以及次子李奕霖(Ryan),一家四口超幸福!胡杏兒家庭美滿,就連事業都發展得好好,自19歲時參加香港小姐出道,唔經唔覺已經入咗行20年,老公Philip更幫正在坐月嘅杏兒大肆慶祝!相中見到,杏兒產後極速修身,完全睇唔出已經係兩子之母。

撰文:Sunday Kiss|圖片來源:胡杏兒Instagram李乘德Instagram

胡杏兒產後修身 慶祝入行20年

現年39歲嘅胡杏兒日前就宣布已順利誕下細仔李奕霖(Ryan),仲上載一家四口手搭手嘅相,真係幸福滿瀉!呢日,杏兒入行已經20年,佢上載咗張9格圖以綜合自己多年來的角色,包括《流金歲月》演輕度弱智人士、《萬凰之王》演孝慎皇后獲「最佳女主角」等。已由19歲女生變兩子之母嘅杏兒,真係幸福美滿!

胡杏兒
胡杏兒
現年39歲嘅胡杏兒日前就宣布已順利誕下細仔李奕霖(Ryan),仲上載一家四口手搭手嘅相,真係幸福滿瀉!

為慶祝入行20年,杏兒老公Philip就幫太太大肆慶祝,知道太太坐月唔方便外出,佢就為杏兒喺屋企準備好晒特製嘅蛋糕、氣球,仲邀請一班好友一齊慶祝,真係好Sweet呀!相中見到,素顏嘅杏兒產後已經極速修身,完全睇唔出已經係兩子之母,相信好快可以以最fit嘅狀態重投工作!

胡杏兒
胡杏兒
相中見到,素顏嘅杏兒產後已經極速修身,完全睇唔出已經係兩子之母

胡杏兒
胡杏兒

胡杏兒留言:「20年前的今天,一個19歲的小女生,一夜之間命運改變了,她得到了人生的第一份工作,變成了一名演員,直到今天。她感恩所有演繹不同人生和不同角色的機會,她知道無論是人生中或者工作中,還有很多很多可以學習的地方,她會繼續努力,期待一個更好的自己,感恩所有的一切,謝謝!😊❤️」

胡杏兒
胡杏兒
杏兒入行已經20年,佢上載咗張9格圖以綜合自己多年來的角色
胡杏兒
胡杏兒
老公Philip知道太太坐月唔方便外出,佢就邀請一班好友一齊慶祝

胡杏兒
胡杏兒
胡杏兒
胡杏兒

胡杏兒大仔「化妝」好嬌俏

胡杏兒嘅好姊姊姚子羚日前去探訪佢哋,更分享同Brendan大玩自拍嘅相。期間,姚子羚仲幫Brendan用APP「化妝」,加上卡通人物頭箍嘅佢,隨即對住鏡頭做個嘟嘴樣,十分得意!Brendan仲被濾鏡加上眼影同眼線,媽媽杏兒見到即留言:「Eyeliner(眼線)😅👁」,見佢加個滴汗嘅Emoji,睇嚟完全睇唔慣囝囝上妝嘅樣。不過,子羚就搞笑咁回覆:「u can try to help him makeup 🤣(你可以試吓幫佢化妝!)」

胡杏兒
胡杏兒
已升做哥哥嘅Brendan,呢日同契媽姚子羚一齊用APP自拍,加上卡通人物頭箍嘅佢,隨即對住鏡頭做個嘟嘴樣,十分得意!
胡杏兒
胡杏兒
Brendan仲被濾鏡加上眼影同眼線
胡杏兒
胡杏兒
好得意呀!

延伸閱讀:

【親子好去處】LOST Junior $130 兒童密室逃脫遊戲券

【白色強人】細數馬國明6大孝順行為

可愛星二代

星二代嚟講,現時歲半嘅Brendan可以話係大受歡迎!爸爸Philip同仲杏兒經常上載囝囝嘅相到社交平台,除咗有一眾契媽愛錫之外,一眾網民都成日話佢好乖、好可愛!

胡杏兒
胡杏兒

Brendan有一班「契媽sss」,包括「胡說八道會」的李施嬅、胡定欣、黃智雯、胡蓓蔚及姚子羚,佢哋好錫Brendan,仲成日畀Brendan嘅可愛樣電親添!

胡杏兒
胡杏兒
杏兒生咗Brendan之後,一班好姊妹就隨即榮升做契媽

Brendan十個可愛瞬間

1. 幫契媽們攞手袋

Philip同胡杏兒一直都教Brendan要學做個「Gentleman」,呢日Brendan仲毫不忌諱幫佢嘅契媽攞手袋。其後,佢爸爸更留言話,囝囝經常都嘗試盡力去做每件事,雖然係好攰,但阿仔已經做得好好!

胡杏兒
胡杏兒

Philip仲寫咗十二個「H」畀Brendan,分別係:快樂(Happy)、健康(Healthy)、英俊(Handsome)、坦誠(Honest)、謙遜(Humble)、渴望(Hungry)、幽默(Humorous)、勤勞(Hard working)、英勇(Heroic)、正直(Honourable)、樂於幫忙(Helpful)、真誠(Heartfelt)希望可以做囝囝嘅座右銘,陪住佢成長。

胡杏兒
胡杏兒

2.紫菜索吻

Brendan受佢嘅契媽們寵愛就係人都知,呢日胡定欣就成功用紫菜誘Brendan去錫佢,氹到一班契媽好開心!

胡定欣仲搞笑咁留言:「一睇就知契媽sss太DRY,要揾人錫下啦… 一睇就知Baby Lee你太鍾意食野,所以俾我地氹到啦🤪🤪🤪成功!~」

胡杏兒
胡杏兒

3. 同把遮一樣高

Brendan有次同爸爸一齊攞遮散步,相中見到Brendan攞住把同自己一樣高嘅紅色遮行路,畫面十分搞笑!Philip仲留言話,學點樣攞住把女性化嘅雨傘去散步係人生中重要嘅一課。

胡杏兒
胡杏兒

4. 準備做哥哥 心興奮

杏兒去年宣布懷有第二胎,當日以一張Brendan指住媽咪肚仔嘅相去公布消息,超温馨!

胡杏兒
胡杏兒

其後,杏兒一家三口一齊去渡假,期間更影咗一輯唯美孕照。相中見到Brendan好興奮咁望住媽咪食,睇嚟Brendan都好期待小生命降臨,佢第時一定係個好哥哥!

胡杏兒
胡杏兒

5. 幫爸爸處理公事

有次Philip上載咗張相,見到Brendan 攞住枝筆,好投入咁「講電話」,成個大老闆咁!Philip仲留言話,由於公司最近好忙,所以攞嚟Brendan去幫手同客人傾計,仲讚囝囝做得好添!睇嚟Brendan 大個之後會係一個出色嘅老闆。

之前Brendan 都有同杏兒試過做接線生,睇嚟個時佢已經偷定師!

胡杏兒
胡杏兒

6.杏兒橫店開工 Brendan驚喜現身

胡杏兒正佗著第2胎時,仍然喺橫店拍攝新劇《末代廚娘》。直到劇集煞科,杏兒先有時間可以好好休息,家人更安排囝囝到橫店探班,畀驚喜杏兒。杏兒表示,Brendan第一次去橫店非常興奮,更興奮得一直在片場內跑嚟跑去,十分可愛!

胡杏兒
胡杏兒

7. 得意餵食豬

Brendan一歲生日嘅時候,杏兒準備咗兩個蛋糕畀囝囝,結果Brendan只係望住啲蛋糕,爸爸仲話:「已經放棄咗叫佢望鏡頭!」Brendan成個「餵食豬」咁超可愛!

胡杏兒
胡杏兒

8. 曳曳畀人鬧

爸爸Philip曾上載張Brendan畀人鬧完嘅相,Brendan 當時好沮喪咁瞓喺梳化上,個反應超搞笑!Philip更留言話:「哦…..曳曳俾人鬧 😂Naughty boy got told off 😂」

胡杏兒
胡杏兒

9. 精通4種語言

早前一班「契媽sss」一起去探望Brendan,正所謂「三個女人一個墟」,「胡說八道會」嘅六位美人你一言我一語,把當時只有10個月大嘅Brendan「頭都痕埋」。

胡杏兒
胡杏兒

胡杏兒
胡杏兒

事緣三位契媽為小Brendan講故事時,竟然用咗三種唔同嘅語言,姚子羚嘅普通話、胡蓓蔚教上海話,李施嬅講英文,加上媽媽胡杏兒嘅廣東話,係名符其實嘅「兩文四語」!

10.眼訓擺萌樣

唔少小朋友眼瞓嘅時候都會擺唔同嘅表情,而Brendan都同樣擺出個萌樣,處於想瞓同唔想瞓之間,杏兒更話:「BB你的表情很能代表媽媽現在的心情,唉,現在要振作去拍戲了!!💪🏻😑😑😑」

胡杏兒
胡杏兒

延伸閱讀:

兒童便秘影響身高 | 中醫5式清便助增高

關注我們Facebook專頁
    相關新聞
      更多瀏覽