ViuTV力谷做男一 零演技姜濤一味靠Chok
2019年07月11日19:36

以大熱姿態在第一屆《全民造星》由頭帶到尾贏到開巷、 睇得唱得又跳得仲要獨有天然呆氣質電暈一眾姐姐,可能係開台以來最成功自家打造本土 偶像,ViuTV當正姜濤係寶力谷成為台柱是常識吧! 可惜Chok到宇宙盡頭唔等於演技到家夠班擔當電視劇男一,未賽完《全民造星》已經被欽點主演重頭劇《退休女皇》,據知情人士透露,從未接受過演技訓練、零經驗零演技姜濤拍攝現場不停NG,資深演員都叫難頂!

撰文:東方新地 圖片 :新傳媒圖片、電視截圖

ViuTV力谷姜濤做男一

去年贏到開巷成為《全民造星》首屆冠軍,姜濤不負眾望出道後繼續keep到人氣、ViuTV亦都重點栽培力圖打造成為電視台icon。今年廣告音樂電視作品陸續推出,繼首支個人單曲〈一號種籽〉推出、處男電視劇《退休女皇》正式熱播、再宣布月尾舉行三場個人音樂會,風頭一時無兩!其實難怪被電視台當係寶,為咗首個個人音樂會演出圓滿,日前就見姜濤由銅鑼灣寓所附近 一直練跑到上環,為音樂會練氣順路聽歌背埋歌詞!

就算拍劇練舞 錄音同步進行忙到出煙,姜濤都好乖 仔為月尾舉行的演唱 會跑步練氣,抵 ViuTV錫晒佢當係寶!
上月10號推出的《退休女皇》其實早在第一輯《全民造星》比賽途中已經開拍,未贏比賽萬人迷姜濤已經被欽點做男主角。

狂NG累全家

不過聽教聽話肯練肯捱都未夠,拍劇做男主角始終需要專業演技訓練同日積月累臨場經 驗。據幕後工作人員透露,去年參賽期間已經被電視台欽點做《退休女皇》男主角,當時得19歲 仔,姜濤唔係夠Chok態度好就足夠:「姜B(姜濤)喺劇入面個角色都係好cool懶有型嗰啲,好彩 對白唔算多,但係拍戲唔係影硬照,佢淨係識Chok完全幫唔到件事。對白點讀、眼神要點、企位 走位全部都係埋位從頭教過又成日做錯要不停NG,同佢做兩母子嘅景黛音冇拍戲成三十二 年,都需要時間warm up,所以唔覺得好影響進度,但係同劇其他資深演員就有啲微言,話姜B 完全白紙一張、一句對白都要NG幾次,遲收工都係多得佢唔少。」不過天然呆姜濤完全唔覺激嬲 同劇演員,仲話試過一次即時愛上演戲喎!

息影32年再拍電視劇,景黛音需要時間熱身,而零戲劇經驗姜濤就更加場場戲都要 從頭教起,難怪有傳現場有資深演員對進 度被拖慢頗有怨言。

唔止被電視台睇好,其實姜濤最過人之處都係有姐姐 緣,《退休女皇》選角時有份被景黛音揀中做仔,上周又被 周慧敏欽點北上做演唱會嘉賓,仲有得合唱經典歌〈流言〉。

日忙夜忙,都唔可以忽略私人生活,姜濤這日收工後就出街約朋友食飯。

一個人喺觀塘離開步行至港鐵站,姜濤一收工急不及待用手機聯絡 友人約見面。

兩個人撐枱腳打足兩個鐘邊爐,各位姜粉唔使擔心,姜濤心急見呢位都係同性友人。

由觀塘到銅鑼灣,姜濤好貼地選擇坐 港鐵,不過黐住門邊企、全程車都係 做低頭族,全程都冇被認出。

跑完食雞

曾經話過人生最鍾意食,要為事業放 棄食嘢,難得約朋友飯敍放自己一日 假,姜濤坐上港鐵最專心又醉心,之唔係上搵食apps訂位食飯囉!

呢日跑完步練完氣,姜濤返上屋企前 先買大大袋炸雞,呢頭跑步練氣、嗰 頭食最油膩長肉食物補充番。

延伸閱讀:

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….

《Stranger Things 3》開播前必知3大重點 再次回到Upside Down世界

關注我們Facebook專頁
    相關新聞
      更多瀏覽