入行18年首個內地巡唱!關心妍孖囡囡穿親子晚裝
2019年07月11日11:50

關心妍Jade入行18年首個內地巡唱「時刻觸動巡迴演唱會」,本周六(7月13日)將於廣州舉行首站,同時宣佈10月26日舉行深圳站。

曾兩次踏上紅館的Jade,距離上一次個人演唱會已經相隔五年多,每次開騷前,Jade都會操到自己最fit,最fit的時候只有96磅、22吋腰,生了女兒楊榮心(心心)後,Jade便減少了運動,但為了今次巡唱,Jade再次踏上跑步機和健身室,早前說過追返條腰的Jade,今次邀請了著名服裝設計師Kenneth陳華國打造演唱會的服飾,本周fitting的時候,Jade終於成功追回23吋腰,Jade說:「要好多謝Kenneth陳華國,上次《說》的演唱會都幫我造了幾套靚衫,今次所有服裝都是由他負責,啲衫好靚、門票亦賣晒,為了報答歌迷,這幾星期再減多幾磅,之前應承大家的23吋腰都做到了。」

女兒心心7月23日便3歲生日,這次演唱會,Jade亦會帶她到場,亦是心心第一次欣賞媽咪演出,Kenneth非常疼錫心心,特別訂製一款親子晚裝,Jade說︰「演唱會最後一part是送給女兒,Kenneth話要造一套親子晚裝,讓她穿上在台下為我打氣,我哋都係第一次著咁隆重嘅母女裝,Kenneth好認真,要我帶心心一起去fitting,幫心心度身的時候,同佢講媽咪會著這套衫上台唱歌,因為心心未現場睇過我開騷,她問可唔可以唱兩句?之後大家拍掌起哄,心心見到大家咁熱烈即刻怕醜freeze左,哈哈!」

關注我們Facebook專頁
    相關新聞
      更多瀏覽