【白色強人】結婚45年陪妻捱過大腸癌!72歲姜大衛貼心傍實李琳琳
2019年07月04日18:36

《白色強人》一出街即成全城熱話,資料搜集嚴謹認真、手術場面儀器逼真、型男索女小生花旦再加埋醫生白袍加晒分、仲有老戲骨姜大衛同盛傳最後無綫演出的郭晉安對立壓場,觀賞度極高! 姜大衛出身於演藝世家、4歲入行做足68年戲,更 話過永不言休做到「上天」為止。唔係得把口,今個月就足72歲,John哥把自己和愛妻李琳琳都照顧得妥妥貼貼,閒時傍住太太拍拖購物,擔得抬得仲托得起兩盤汽水!

撰文:東方新地 圖片:新傳媒圖片、IG

【白色強人】72歲姜大衛 貼心傍實李琳琳

有種老戲骨睇極唔厭、形象正直深入民心,見到佢唔止有畫面仲有聲:「再鋒利嘅刀,都有生鏽嘅一日⋯⋯」不過喺《白色強人》演院長嘅John哥姜大衛今次唔係賣廣告,身體力行證明呢把刀耍足72年都依然健壯,唔止幕前演出氣場依舊,私底下結婚45年仍貼心愛護妻子李琳琳。七年前陪妻捱過大腸癌感情更勝從 前,日前John哥現身九龍城,接載剛剛與友人會面的李琳琳、再體貼做埋司機送走友人,然後兩公婆順路去雜貨舖入貨再回收汽水玻璃樽。兩盤汽水、加埋48個玻璃樽,72歲John哥輕鬆拎上手,左右手一邊一盤親自搬入舖頭,老而彌堅有排都未生鏽!

白色強人
白色強人
今個月將滿72歲,不過《白色強人》John哥行出街就一啲都唔似年過七十,親自拎兩盤可樂樽去雜貨舖回收,輕輕鬆鬆面不改容。

《白色強人》
《白色強人》

演藝世家又有新血

從童星到武俠小生到近年重返無綫繼續擔當要角,姜大衛與同輩 演員相比,身子依然硬淨兼且保持一年兩到三部劇極高產量,曾經在 訪問中更揚言唔想退休做廢老,只要有得拍會一直拍到老死「上天」 為止。其實父母、繼父、兄弟、女婿都係演員,姜氏演藝世家今年又 有新血加入。姜大衛49歲時老來得子生下孻仔,人稱「細John」姜卓 文一樣醉心演藝一心入行繼承父親衣砵。去年大學畢業後即回港密密 試鏡儲經驗,剛剛更落實參與ViuTV《全民造星》第二季成為最後96名入圍選手。雖然John哥話過希望兒子入行靠自己,不過耳濡目染有 演藝細胞、加上血統優良高大靚仔型格似韓星,細John一入圍已經不 負所望成為矚目大熱,John哥今次飲得杯落!

《白色強人》
《白色強人》

4歲入行做童星,姜大衛話永不言休唔係得把口,身子硬淨保持高產量,今個月又有新劇出街!

《白色強人》
《白色強人》
新劇《白色強人》John哥飾演總院長呂仲 學,角色搶鏡戲份重,一出場「戲」場十足,網 民勁讚演技更在三屆視帝男主角郭晉安之上。

李琳琳約見朋友會面,John哥亦好有風度做埋司機送走友人。

結婚45年、還同心捱過大病,出名愛妻 又顧家的John哥每次出動,梗見太太李 琳琳在左近,這日見到李琳琳,之唔係等 緊John哥囉!

七年前大病一場患上大腸癌,丈夫兒子悉心照顧 總算康復,現年70的李琳琳面色紅潤、狀態大 好,一見John哥座駕駛至,行動矯健極速登車。

孻仔姜卓文 入圍《全民造星》

23歲孻仔姜卓文去年大學畢業即部署入 行, John 哥話過不會出手帶入行,今年果 然見到細 John 靠自己入圍成為《全民造星》96 名入圍選手之一。

49歲時老來得子,John 哥與太太仲有兩個大女都錫到細John 姜卓文燶,而細John 亦乖仔又孝順,經常見佢陪伴兩老左右。

今時唔同往日、入行做偶像都唔 使收收埋埋扮處男,細 John 一 邊參賽,一邊照舊放拍拖相放 閃,仲話到明「ILOVEYOU」。

姜大衛 李琳琳結婚45年

姜大衛同李琳琳自1974年結婚,育有兩女一仔,大女姜依蘭07年嫁曹永廉,二女姜依文亦已組織家庭,現居溫哥華,細仔姜卓文是李琳琳於1996年以48歲高齡誕下。2011年中李琳琳被爆患上大腸癌,手術後卻因癌細胞擴散至淋巴位置,要進行化療,被傳媒影到激瘦如同紙版人,不過經過老公姜大衛悉心照料,兩年後李琳琳終於戰勝病魔,兩公婆感情更勝從前,John哥早年接受傳媒訪問時表示:「嗰段時間我的確係好擔心,唯一可以做嘅就係共同面對。四十幾年感情,其實唔需要講出聲都知,大家都係冇咗對方唔得嘅!」

李琳琳
李琳琳
姜大衛經常做跟得丈夫陪老婆見朋友,老婆同朋友幾個女人傾足成粒鍾,佢就坐足全程冇嗌過悶、冇叫過走,更加唔會低頭玩手機,食完仲會主動埋單,呢啲咪就係好老公囉!
姜大衛
姜大衛
李琳琳患病期間,姜大衛放低工作,陪太太對抗病魔,2014年大病初愈嘅琳琳姐暫未長肉,身形瘦削得如同紙板人。

姜大衛
姜大衛
姜大衛同琳琳姐經常糖黐豆出巡,兩公婆形影不離,真係圈中夫妻嘅最佳典範。

婚姻之道 互相包容

講到45年婚姻相處之道,姜大衛認為最重要係互相包容,佢話自己年輕時好多事情都會堅持己見,睇唔順眼就會出聲,但隨住年長的看法也有所不同:「之後會明白其實好多執拗都冇乜大不了,總之唔傷害到自己同別人就得啦。兩公婆嗌交,都係因為睇法唔同。後生時,我哋總係想改變對方,但慢慢就會知道,有啲嘢係冇得迫嘅!」

姜大衛
姜大衛
Keep住幕前演出、又有老婆陪又有兒孫福享,姜大衛依然健康又有台型,完全唔似70歲。
姜大衛
姜大衛
姜大衛同琳琳姐結婚44年,佢話以前都會因為想改變對方而嗌交,但慢慢就學識咗互相包容。

對女婿讚不絕口

近年姜大衛同女婿曹永廉喺《公公出宮》同《超時空男臣》密密合作,《公公出宮》中曹永廉更同現實一樣,都係扮演John哥嘅女婿角色,成就曹永廉攞到最佳男配角獎。John哥對女婿大讚話:「佢個角色唔容易演,但佢演得到!」至於拍戲時,廉記又會點樣稱呼John哥?John哥笑指以前會同佢講喺錄影廠要叫John哥,唔好叫外父!但廉記就笑言依家叫咩都冇所謂啦!

姜大衛
姜大衛
曹永廉大讚外父姜大衛好開通,從來唔會幹涉佢哋對小朋友嘅教育,令三代人相處得好舒服。
姜大衛
姜大衛
廉記話一對仔女都好喜歡公公姜大衛,差唔多日日都會上公公屋企,一家人相處得樂也融融。

John哥
John哥
曹永廉同John哥近年經常合作,首次合拍慨《公公出宮》更攞咗最佳男配角獎,當然唔少得要多謝John哥。

姜大衛 演藝世家出身

姜大衛係演藝世家出身,與大哥秦沛及同母異父弟弟爾冬升三兄弟感情勁好,John哥自4歲開始做童星,66年加入邵氏做武師,得到大導演張徹賞識,擔正《游俠兒》主角。70年更憑《報仇》一片成為香港首位獲得亞洲影展最佳男主角嘅演員。73 年,John哥再憑電影《叛逆》獲得亞洲影展最具性格演員獎。

姜大衛
姜大衛
姜母與姜氏三兄弟,左起秦沛、姜老太、姜大衛和爾冬升,爾雖與兩兄長同母異父,但感情極好,有空三兄弟便陪着媽媽。

姜大衛曾表示最鍾意演武俠片,除此之外就係喜劇,而喺《逆緣》以三爺孫的故事為軸心,年僅30歲的陳家樂在劇中成為姜大衛嘅爸爸,黎耀祥就係陳家樂個孫,配搭新鮮!

逆緣
逆緣

逆緣
逆緣

陳家樂飾演嘅二戰時期冷凍人士兵陳家樂在2018年甦醒後,驚覺兒子姜大衛及孫兒黎耀祥早已年紀漸老,他決心重拾父子關係,掀起連串奇幻逆緣。

逆緣
逆緣

逆緣
逆緣

愛拍搞笑武俠劇

佢喺《翻生武林》中,就集合晒John哥最鍾意嘅兩種類型,劇中John哥一人飾演「慈悲老人任我飛」和「武林盟主慕容風」兩個角色,戲份勁重。

姜大衛
姜大衛
70歲姜大衛打得又演得,寶刀鋒利得嚟仲未生鏽。
姜大衛
姜大衛
姜大衛喺新劇《翻生武林》入面仲好好艷福㖭!
姜大衛
姜大衛
劇中蕭正楠同陳凱琳都陷入姜大衛籌謀已久嘅復仇大計中,可說John哥係劇中嘅最大反派boss。

延伸閱讀:

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….

5個《反斗奇兵》不為人知的都市傳說 原來胡迪係鬼魂?

關注我們Facebook專頁
    相關新聞
      更多瀏覽