《奸人堅》第四次重播 盤點黃子華32句劇中抵死、絕核金句!
2019年06月25日20:29

《奸人堅》是由黃子華、葉童、林嘉華、許紹雄及楊秀惠等所主演,林志華所監制的無綫電視40周年台慶劇集,於2007年首播,事隔兩年(即2009年)、2012年均有重播。而近日無綫又再一次將該劇集放在平日的上午11時45分內重播,其實該套劇集內也有不少經典金句,現就同大家一齊盤點一下吧!

撰文:八卦妹|圖片來源:TVB、奸人堅劇照

《奸人堅》劇中抵死兼夠絕核金句

「有恩不報未算差,有仇不報正人渣。」

「以和為貴,遲早乞米;三十六着,恃強淩弱。」

「我隻手硬就叫陰招,咁你個頭硬係咪叫陰頭呀,你的功夫係咪叫陰功呀。」

「真係有型,天生硬朗無情,幾多好漢為美人,無財又無丁。」

奸人堅
奸人堅

「損人必利己,打贏靠暗器,呢個世界係咁啦!嚇嘩~」

「你識做,我識做。」

「咁大條鍊,咁細隻手指公…唉吔…你有咩做得成功架你個人真係…」

「一件污,兩件穢,三件冇所謂。我奸人堅做個聖人都一個…姓奸人。」

奸人堅
奸人堅

「我浪子美男計上計,打孖咁上,有邊個女人唔死喺我手上。」

「我預咗俾雷劈,但係喺我俾雷劈之前,邊個睇我唔順眼,我就要佢陪葬。由今日開始我唔姓何,我姓奸,我係奸人堅。」

「何有富,我要你不得好死,死無全屍,沉落海底,比魚蝦蟹食哂,食唔哂沖番上岸,俾狗食,D狗食唔哂,俾雀食哂,我搵狼食哂你地。」

「我講過o架啦嘛,最緊要係咩o野?人財兩得,唔洗”鹹濕”。」

奸人堅
奸人堅

「女人就係咁簡單,佢鍾意你你放篤屁,佢話你好有男人味。」

「我係一個奸人,可以被毀滅,但我唔會比你哋打敗!」

「損人不利己,不如跳井死。」

「得閒奸一奸,大病都好番。」

奸人堅
奸人堅

「我地D奸人、聰明人怕惡。係D笨人、蠢人至信我啫。」

「一個純情少女忽然發姣,真係一個謎。」

「女人過左六十斤,男女授受不親」

「人地扮靚係越扮越靚,唔係越扮越囉命丫嘛!一篤牛屎插朵花,始終都係一篤牛屎,你明唔明呀?」

奸人堅
奸人堅

「你係醜,但醜係無罪丫嘛,但係唔知醜就罪大惡極喎。」

「女人唔係雞屎鴨屎,就係豬屎啦,我話你牛屎,講緊你係最高級喎。」

「真牙人妒忌假牙人,聞所未聞。」

「嘩,憑你副尊容都想做明星呀?拍昆蟲紀錄片。」

奸人堅
奸人堅

「有人睇到就黃飛鴻,無人睇到就一條蟲。」

「人生出嚟,就為咗自己嘅利益生存。」

「有着數就正義原則,無着數就乜都掉得,呢個世界唔係咁嘅咩?」

「師父,我諗我明啦,總之呢,打不還口,罵不還手,買餸啊唔打斧頭。」

奸人堅
奸人堅

「我D咁嘅底,正所謂無人無物無山頭,唔好話做英雄丫做,做灰熊都唔得啦。」

「唔好愛上一個做大事嘅人。」

「兒女私情,與其拖泥帶水,不如一刀兩斷。」

「我咁辛苦捉你哋番嚟放咗你哋,我不如食飽飯扣喉呀!」

奸人堅
奸人堅

延伸閱讀:

《白色強人》向經典電影《癲佬正傳》致敬 方紹聰演精神病人直闖幼稚園

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….

關注我們Facebook專頁
    相關新聞
      更多瀏覽