魏駿傑重慶嫩妻進化變洋妞!31歲張利華五官唔同晒
2019年06月24日10:58

早年北上搵食的魏駿傑,曾講過最大得著之一是娶到細他廿年 的重慶嫩妻張利華,結婚11年,51 歲魏駿傑卻失修發福變中佬,而嫩妻依然芳華正茂,唔止四年前曾被影到與前港隊單車手鄧宏業親密約會,魏太近年把老公與女兒都置之不理,化身無腳彩雀周圍飛去旅行。然而對比結婚初期,張利華近年五官唔同晒,樣貌身材突變keep住戰鬥格,囡囡Jesscia 究竟仲認唔認得自己媽咪?

撰文:東方新地 圖片:新傳媒圖片、微博

魏駿傑嫩妻張利華富貴遊唔黐家

家有相差廿載不安於室嫩妻,雖多次盛傳婚姻亮紅燈,但他拒 絕接受事實。四年前老婆張利華被影到與前港隊單車手鄧宏業在街上表現親密,有指二人暗交 一段時間,而當時張利華已拋下夫女,甚少返家。為留住張利華,魏駿傑用1,600萬買入西貢 獨立屋,為妻女打造一個五星級的家,兩年前他在西貢與友人合資搞泰國餐廳,兩公婆更公開 上演大龍鳳,魏駿傑仲話自從獨立屋加了老婆名,對方態度唔同晒:「老婆有嚟餐廳幫手,大 家都成長咗,華華(張利華)變好咗好多,佢嘅改變好大。不論對我嘅語氣,同對呢頭家嘅投入 感。」事實上,張利華也曾修心養性了一段小日子,不過很快又再故態復萌。張利華近年把老公與女兒都置之不理,化身無腳彩雀周圍飛,她不時 在社交網晒外遊歎世界的照片,生活多姿多采如單身。本刊記者連日只見魏駿傑與外傭姐姐同心協力照顧 8 歲的 Jessica ,張利華完全 絕跡西貢愛巢,可憐魏駿傑變成帶女洪郎,留港做湊仔公望妻歸。

6月9日(星期日),魏駿傑一早親自帶女外出參加活動,兩父女之後返家,泊好車後魏駿傑為女兒拿住樂器,慈父樣出晒嚟。

魏駿傑
魏駿傑
魏駿傑行返屋 企途中突然要折返 車中拎嘢,8歲囡囡 Jessica乖乖停低等 爸爸,老婆張利華 未見現身。

外傭姐姐 繼續做魏太替身

端午節當日(6月7日),魏駿傑帶住囡囡及外傭姐姐返家,公眾假期老婆都係唔見人,外傭姐姐 繼續做魏太替身,似足一家三口去完街。看似游完水頭髮仍 濕的Jessica,繼續 拖實外傭姐姐,每 行一步都黐到 實,而當日魏駿傑 亦買晒餸返屋企玩 煮飯仔。

之後Jessica主動張 開雙手撲去外傭姐 姐度,攬實姐姐撒 嬌。

魏駿傑
魏駿傑
在6月7日端午節,外傭姐姐都冇假放,陪住魏駿傑父女外出游龍舟水,每次 出入都「一家三口」,而Jessica與外傭姐姐的關係亦非常密 切,泊好車後返家短短的幾分鐘路程都要翹到實黐住行。

近年魏駿傑為湊女長時間留港,雖然身形足足脹爆咗兩個碼,發福走樣,但他仍不時放風想在港拍劇,更謂與無綫仍有合約,希望能演一些從未演過的角色。

老婆張利華離隊享受單身生 活,留下餅印女給魏駿傑照 顧,父女感情深厚,魏駿傑 錫到個女燶。

進化變洋妞 五官唔同晒

對比結婚初年的張利華,近年已面目全非,眼耳口鼻徹底大執。 當年的三角眼、覆舟嘴、闊 腮及短塌鼻唔見晒,五官由平面變立體,兩年前本刊影 到她時,已被指似彭丹加白姐姐混合體。

五官唔同晒

張利華最近五官又唔同晒,眼皮 深到似 Barbie 公仔,下巴尖到似P 圖,囡囡Jesscia 究竟仲認唔認 得自己媽咪?

Keep住發育

除了個樣突變, 31歲的張利華仲 再度發育,上圍由平板變豐滿, 再加上本身鋼條身形,腹肌與甲線現晒形,弗爆!

有樣有身形,當然要騷quali ,張利華的 個人社交網有不少搔首弄姿的性感泳裝 照,不過絕對唔係畀老公魏駿傑睇。

富貴遊唔黐家

頻頻歐遊影靚相,仲有陽光與海 灘,單身女的富貴生活,不過老公魏 駿傑都係冇份同行。

在去年的聖誕節,張利華以兔女郎造型與友人開P,被兩男夾住扭 籮合照,而她的社交網亦有不少與異性的親密合照。

單車情緣

早年沉迷踩單車的張利華,曾被影到與前港隊單車手鄧宏業約會,男方更為張利華拎手袋又攬腰,魏駿傑就此事曾公開教訓老婆「開房死梗,注意番自己行為」,不 過仍選擇相信對方,而張利華則繼續參與單車聚會。

延伸閱讀:

《白色強人》向經典電影《癲佬正傳》致敬 方紹聰演精神病人直闖幼稚園

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….

關注我們Facebook專頁
    相關新聞
      更多瀏覽