馬鞍山老火湯店 足料靚湯+手包餃子+元貝燒賣日賣120粒|區區搵食
2019年06月21日11:48

馬鞍山海旁入到篤,福安花園一個屋苑商場,裡面幾乎都是街坊店舖。商場外邊,有一間小店,淺木色招牌,左下角有個藍色小 logo,下面寫著 All day,原來是間甚受街坊歡迎的老火湯店,賣的還有不少手作小吃如手包燒賣及餃子。

Text:Kin Photo:Day

無味精老火湯 馬鞍山街坊支持

這小店主打湯水,追逐時令,每日輪換。印度椰子鮑魚 烏雞湯、花膠螺頭黑杞子湯、五指毛桃椰子合桃湯等等,有袪濕有滋養,為街坊提供一點關懷。老火湯也很足料,而且不落味精,每一啖也吃到食材的精華。

花膠黑杞子羊肚菌湯$78/2人份

大大塊花膠,膠原甚豐,飲完黐嘴, 心靈得以滋潤。

豬肚蓮子百合茨實$78/2人份

袪濕湯,豬肚洗得乾淨,煲到軟腍,蓮子百合 茨實落到足,抵食。

手包元貝燒賣 每日限量120粒

店子也賣小食,滷水蛋、 雞翼、粉粿、阿媽水餃,還有人氣的燒賣。燒賣每日新鮮手做,每日限量百二粒,用新鮮脢頭豬肉,冬菇、馬蹄全部切碎,又落蠔油、胡椒粉、黃薑粉等調味料一併撈勻。為了做好,每天八點就開始煲湯買餸,一個人預備全部食物。但唯獨燒賣,店開一點,她十二點左右才開始做燒賣,差唔多排到最後一刻。「係呀,啲嘢要新鮮就係咁,好似馬蹄,我要買有泥,返嚟自己洗自己㓟皮,啲㓟好皮嘅冇晒味,我唔用。」豬肉也是一樣,瑤柱用原粒乾貝蒸熟拆絲,就連燒賣皮都專登由荃灣楊屋道街市老粉麵店入貨,貪其質素較好。

元貝燒賣$20/4粒

豬肉有咬口,馬蹄粒好爽, 又有元貝的香氣, 口感味道十分豐富。

用黃色燒賣皮包好捏實,放蒸籠,砌靚靚,然後逐粒鋪元貝絲,最後每粒放半顆杞子,紅紅黃黃,特別有美感。
阿媽水餃$38/8隻

韭菜豬肉饀,每天鮮包即烚, 鮮甜爆饀。還有椰菜豬肉饀, 稱作阿椰水餃,鬼馬。

藥膳雞腳 $20/5隻、$38/8隻

燜得夠腍又入味,淡淡藥材味, 幽香四溢,一吮骨肉分離。

馬鞍山老火湯店的老闆Oreo,別看看她年紀輕輕,原來已為人母。年少時母親外出上班,她就擔起伙頭重任,長大後也以餐飲為業,年前結婚,有了小孩,才和幾個拍檔合作,在馬鞍山開間小店賣老火湯和小食。福安商場位置少少隔涉,但反而清靜,有份悠閒感,客人可以坐耐點,更容易儲到熟客。「隔涉唔緊要,反正嘢食好就幾隔涉都有人嚟。」她信心滿滿的說。

賣燒賣得特別開心,全因 OREO 有媽咪的愛心。
採訪期間,阿媽女兒和工人姐姐來 訪,OREO 開心到見牙唔見眼。
店子細小,一進去湯香四溢,很溫暖。

ALL DAY我地

地址: 馬鞍山鞍駿街49號福安花園商場地下50號舖(顯示地圖

電話: 5911 6754

延伸閱讀:

2019最新自助餐優惠寶鑑 最平買一送一 $300有找

銅鑼灣柞木炭燒肉店!日本吉列和牛三文治+多汁牛小排|區區搵食

關注我們Facebook專頁
    相關新聞
      更多瀏覽