重慶嫩妻豪遊冇影!51歲魏駿傑孤苦湊女
2019年06月21日17:17

早年北上搵食的魏駿傑,曾講過最大得著之一是娶到細他廿年 的重慶嫩妻張利華,結婚十一年,嫩妻依然芳華正茂,近年樣貌身 材突變 keep 住戰鬥格, 51 歲魏駿傑卻失修發福變中佬。即使張利華 曾被影到與前港隊單車手鄧宏業親密約會,魏駿傑繼續自欺欺 人,為力挽婚姻以 1,600 萬買獨立屋加埋老婆名。 箍得一時箍唔到一世,早已對魏駿傑有嫌隙兼有離心的張利 華,近年把老公與女兒都置之不理,化身無腳彩雀周圍飛,她不時 在社交網晒外遊歎世界的照片,生活多姿多采如單身。本刊記者連 日只見魏駿傑與外傭姐姐同心協力照顧 8 歲的 Jessica ,張利華完全 絕跡西貢愛巢,可憐魏駿傑變成帶女洪郎,留港做湊仔公望妻歸。

撰文:東方新地 圖片:新傳媒圖片、微博

魏駿傑重慶妻豪遊冇影

正所謂識時務者魏駿傑,家有相差廿載不安於室嫩妻,雖多次盛傳婚姻亮紅燈,但他拒 絕接受事實。四年前老婆張利華被影到與前港隊單車手鄧宏業在街上表現親密,有指二人暗交 一段時間,而當時張利華已拋下夫女,甚少返家。為留住張利華,魏駿傑用1,600萬買入西貢 獨立屋,為妻女打造一個五星級的家,兩年前他在西貢與友人合資搞泰國餐廳,兩公婆更公開 上演大龍鳳,魏駿傑仲話自從獨立屋加了老婆名,對方態度唔同晒:「老婆有嚟餐廳幫手,大 家都成長咗,華華(張利華)變好咗好多,佢嘅改變好大。不論對我嘅語氣,同對呢頭家嘅投入 感。」事實上,張利華也曾修心養性了一段小日子,不過很快又再故態復萌。

魏駿傑行返屋 企途中突然要折返 車中拎嘢,8歲囡囡 Jessica乖乖停低等 爸爸,老婆張利華 未見現身。

與拍拖多年的滕麗名分手 後,魏駿傑08年1月與在 國內認識當時仍是學生的 張利華在重慶閃婚,此後 張利華來港生活兼生 女,生活無憂。

家醜不出外傳

最近,張利華又再拋低屋企頻頻出走,其行蹤遍布歐洲及東南亞各地,上載於社交網的 照片多是穿上性感泳裝享受陽光與海灘,又或者置身友人飯敍及開派對,其生活非常富貴與寫 意,但卻完全沒有與老公魏駿傑或女兒的合照,而原本五官與身材都平平無奇的張利華,好明 顯已面目全非,穿上泳裝更展現豐滿上圍,與十一年前的結婚照相比,簡直是判若兩人。知情 者透露:「傑仔(魏駿傑)早年為咗頭家喺大陸狂搵錢,初頭係忽略咗老婆同個女,不過近年佢 都好努力去補救,錢佢大把,老婆要乜佢都盡量去滿足,但當個女人個心已經唔喺度,佢做乜 都冇用,傑仔明知段婚姻有問題出現,但唔想去面對,佢繼續個個月畀錢老婆使,好似人肉提 款機咁。張利華依家成日唔黐家,連個女都不聞不問,傑仔將所有時間同心機都畀晒個女,大 陸啲生意都上晒軌道又有合夥人睇實,佢減少返大陸工作,想將工作基地移返香港。」

6月9日(星期日),魏駿傑一早親自帶女外出 參加活動,兩父女之後返家,泊好車後魏駿 傑為女兒拿住樂器,慈父樣出晒嚟。

早前魏駿傑公開被問及婚姻狀況,當時他仍矢口否認與 老婆張利華聚少離多,還表示老婆忙於做其時裝生意,而他亦 不時要返內地工作,所以兩公婆要互相體諒及分工合作,輪流 照顧8歲的女兒Jessica,不過事實上與他並肩作戰打理頭家的 卻是另有其人。

十一年婚姻

這日魏駿傑親自揸車載住外傭去學校接女放學,落車時Jessica扁晒嘴,似乎心情麻麻。

湊女親力親為

不經不覺,魏駿傑的8歲女兒Jessica已讀小學三年級,近 年沒有媽媽在身邊,除了爸爸魏駿傑,最親的人就是外傭姐 姐。本刊記者連日在魏駿傑位於西貢的獨立屋愛巢等候,發現 平日都是魏駿傑車載外傭及女兒返學及放學,在6月7日端午 節,外傭姐姐都冇假放,陪住魏駿傑父女外出游龍舟水,每次 出入都「一家三口」,而Jessica與外傭姐姐的關係亦非常密 切,泊好車後返家短短的幾分鐘路程都要翹到實黐住行。

端午節當日(6月7日),魏駿傑帶住囡囡及外傭姐姐返家,公眾假期老婆都係唔見人,外傭姐姐 繼續做魏太替身,似足一家三口去完街。

之後Jessica主動張 開雙手撲去外傭姐 姐度,攬實姐姐撒 嬌。

看似游完水頭髮仍 濕的Jessica,繼續 拖實外傭姐姐,每 行一步都黐到 實,而當日魏駿傑 亦買晒餸返屋企玩 煮飯仔。

據知情者透露:「老婆唔喺身邊,傑仔又要行開行埋打理 生意,所以外傭姐姐變咗佢嘅好幫手,最主要都係陪實同照顧 個女,始終屋企有個女人方便啲。不過傑仔亦唔想完全依賴外 傭姐姐,佢對個女照顧係非常無微不至,兩父女放假可以全日 唔出街,傑仔亦會親手煮飯畀個女食,仲係餐餐唔同餸,一定唔重複。傑仔覺得老婆已經掉低頭家唔理,佢更加唔可以走咗 去,盡可能都會日日親自湊女返學同放學,佢仲抱有一絲希 望,希望張利華玩夠會返屋企。」

結婚初期,魏駿傑帶住張利華出席公開活動,雖然年齡相差廿載,但魏駿傑當時仍未發福,刻意打扮年輕迎合老婆。

女兒Jessica 出世後,魏駿傑與張利華 不時被影到在西貢寓所附近出現,張 利華個樣幾乎次次都係藐嘴藐舌,生 人勿近。

覆水早已難收

魏駿傑為頭家付出甚大,現在更父兼母職,不過只有31歲的 張利華始終無動於衷,沉醉於吃喝玩樂繼續享受扮單身,可見夫 妻生活亦早已名存實亡。據知當年嫁魏駿傑來港生活,張利華已 為自己定下明確目標,要向上爬過自己嚮往的人生,八年前生女 後,只在頭幾年有盡母親責任照顧女兒,近年她開始花錢為自己執靚個樣,打扮亦花枝招展,周身名牌與包包,而交友圈亦愈來愈廣。四 年前張利華愛上踩單車,更與前港隊單車手鄧宏業傳婚外情,之後她仍然 不避嫌,繼續參與友人的單車聚會及飯局,然而沒有一次是與老公魏駿傑同行。

囡囡Jessica 仍在 BB 時期,魏駿傑一家 三口都會外遊享受家庭樂,不過近年 這個畫面已很少見。

早年魏駿傑丁母憂,張利華以新抱身份現身喪 禮,抱住個女表情哀傷。

近月,張利華的朋友圈就更加神秘,就連魏駿傑都不在其社交網朋友 之列,而她所拍的照片全是性感照及開P照,當中不乏與異性的親密合 照,更甚是張利華身穿兔女郎服飾意態撩人,左扭右擺夾在兩男中間。一 個男人胸襟要有幾闊先可以容忍老婆在外夜夜笙歌唔黐家?今時今日,魏 駿傑仲會唔會為覺得娶到張利華而自豪?錢又使咗不過老婆依然留唔 住,睇嚟最後都係同個女相依為命。

近年魏駿傑為湊女長時間留港,雖然身形 足足脹爆咗兩個碼,發福走樣,但他仍不 時放風想在港拍劇,更謂與無綫仍有合 約,希望能演一些從未演過的角色。

二千萬獨立屋留唔住

十一年婚姻多次傳婚變,不過魏駿傑仍 存希望,兩年前搞泰菜帶埋老婆張利華出來 當眾咀嘴晒恩愛,他更以為錢可以萬能,除 咗全力賺錢養家,仲用1,600萬買入西貢獨 立屋(現市值已過二千萬),加埋老婆張利華 個名,為妻女打造5千呎五星級的家,包食 包住包買名牌再包攬埋湊女工作,可惜老婆 個人同個心,一樣都係留唔住。

老婆張利華離隊享受單身生 活,留下餅印女給魏駿傑照 顧,父女感情深厚,魏駿傑 錫到個女燶。

延伸閱讀:

《白色強人》向經典電影《癲佬正傳》致敬 方紹聰演精神病人直闖幼稚園

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….

關注我們Facebook專頁
    相關新聞
      更多瀏覽