盤點6位TVB入形入格傻人角色 一定唔可以少咗呢位!
2019年06月21日17:51

話說,最近TVB重播神劇《烈火雄心》,劇中飾演智障人士嘅鄧一君更演得非常出色。要一個正常人扮傻人唔簡單,而以下幾位扮演傻人角色嘅演員,唔知你又覺得邊個演得最神似呢?

撰文:東方新地|圖片:電視截圖

盤點6位TVB入形入格傻人角色

|鄧一君

最近喺深宵重播嘅TVB神劇《烈火雄心》中,鄧一君飾演智障嘅劉海寶,而古天樂就飾演其二哥劉海柏。鄧一君除演得入形入格外,二人於戲中一段兄弟情亦感動唔少觀眾,而二人更因此劇而成為好友!

傻人
傻人
傻人
傻人

|郭晉安

2002年,郭晉安因《戇夫成龍》飾演智障人士「阿旺」丁常旺而大受歡迎,其後更繼續添食,拍攝現代版《阿旺新傳》,因演得出色,而令「阿旺」成為郭晉安另一代名詞!

|戴耀明

有TVB「御用傻仔」之稱嘅戴耀明,喺TVB做足27年綠葉,不時會喺唔同劇集見到佢,加上不時都會喺劇中飾演傻人角色,所以令其傻仔形象非常深入民心,就好似見到佢就會自然聯想到傻、弱智、低B仔角色~

|李偉健

TVB處境劇《愛.回家之開心速遞》劇中每個角色都經常帶出驚喜,其中,現年40歲嘅李偉健,喺劇中飾演龍力王(Terry)一角。Terry思想愚鈍,純到好似綿羊咁,而且又帶點傻氣,令唔少觀眾都好鍾意呢個角色!

|馮奕森

唔知大家仲記唔記得《愛.回家之開心速遞》馮奕森飾演嘅戇直搞笑、傻下傻下嘅傻強呢?早前劇集講到傻強暗戀熊尚善(滕麗名飾),令唔少觀眾都非常關注二人發展!可惜,最後馮奕森演嘅傻強一角被劇組Out走,網民都紛紛表示好唔捨得佢!

|劉松仁

劉松仁好戲就唔需要多講,而松哥喺1992年嘅劇集《大時代》中飾演方進新,當時方進新被丁蟹(鄭少秋飾)打傻後開工摺報紙一幕,更令觀眾睇到為佢心痛,可見松哥扮演得幾傳神!

延伸閱讀:

《白色強人》向經典電影《癲佬正傳》致敬 方紹聰演精神病人直闖幼稚園

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….

關注我們Facebook專頁
    相關新聞
      更多瀏覽