【白色強人】「手機醫生」韋家雄做手術煲電話險出事!網民:係咪影射xxx醫生?
2019年06月19日19:46

由郭晉安、馬國明、唐詩詠、李佳芯等所主演的無綫醫療劇集《白色強人》,劇中有不少情節都是取材自按現實生活再改編,而日前播出第6集,飾演心胸肺外科醫生Hugo的韋家雄,就在手術期間多次傾電話,及後更加在病人仲未做完手術時離開手術室,險些釀成大禍,呢場戲係真人真事改篇。有網民指故事好寫實,仲問「係咪影射xxx醫生?!」

撰文:東方新地 |圖片:影片截圖、劇照

《白色強人》

《白色強人》是TVB 2019重頭劇之一,而在日前播出的第06集,飾演心胸肺外科醫生Hugo的韋家雄,於手術期間多次接聽太太的來電,話題主要是關於兒子的升學問題,飾演方書婷的馮盈盈看在眼內覺得好不滿!

Hugo只是完成大部分手術,餘下縫線部分交由德仔(何廣沛飾)完成,之後Hugo攞咗部手機出咗手術室,繼續再講電話,但其後病人情況突然有變,血壓及心跳急跌,佢哋再急Call Hugo返回手術室,幸而德仔憑經驗與書婷合力拆解危機,病人才平安無事。

事後,Hugo希望德仔幫佢隱瞞真相,不要告訴主管唐明(馬國明飾演),仲話隱暪事件只係唔想帶麻煩畀大家,最後德仔答應幫佢隱暪手術期間講電話一事。

不過馮盈盈卻看不過眼,認為做醫生係救人,但Hugo嘅行為有違醫德,危害病人生命,誓要告發Hugo!

其實早年公立醫院都曾發生過醫生在手術期間講電話的醫療事故,99年董曉明醫生在瑪麗醫院為病人進行大腸內窺鏡檢查,結果分別在盲腸、乙狀結腸及結腸曲合共發現三粒瘜肉,並即時進行切除手術。手術期間,病人發現醫生先後以免提式裝置傾談電話,其中一次更談及購買車輛。及至當晚病人因肚痛入院,發現腸道被刺穿引起腹膜炎,須進行補腸手術。瑪麗醫院於00年3月曾召開內部人事紀律聆訊,裁定董醫生行為失當,判罰五年不獲加薪和升級。

網民點睇:

有片睇:

延伸閱讀:

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….

《白色強人》向經典電影《癲佬正傳》致敬 方紹聰演精神病人直闖幼稚園

關注我們Facebook專頁
    相關新聞
      更多瀏覽