陳煒放下「離婚」讀心理學
2019年06月16日03:00
■(左起)謝雪心與康華,齊來為陳煒撐場。

【星島日報報道】(星島日報報道)陳煒昨日出席代言的廚具宣傳活動,獲謝雪心與康華等好友撐場。煒哥表示與該品牌合作多年,酬勞每年都有增加。問到可有興趣做飲食生意?她說:「做生意始終困身,亦都無人搵我投資,不過好多人搵我合作宣傳,大家互相成長。」

煒哥為了節目《如果這樣生活》再赴台灣,並感觸地談及離婚一事,她說:「自己都覺得係時候放低,都過咗咁多年,我之前讀書的心理學老師有睇節目,話覺得我嘅表現係未放得低,但我自己就覺得係放低咗。」她又坦言計畫7月再繼續心理學課程。

另外,謝雪心表示女兒長大後,自己仍堅持經常下廚,感覺很實在。問到可想進軍飲食節目?她笑道:「不如叫《心滋味》,等我再學多啲菜式先,其實我識的都很小兒科。」

關注我們Facebook專頁
    相關新聞
      更多瀏覽