給爸爸一個誠意驚喜!父親節禮物7大提案|好生活百科
2019年06月14日13:17

父親節又嚟喇,仔仔女女諗父親節禮物總係好煩惱,年年都送銀包、領呔,一遞個禮物盒阿爸就知道裡面係咩嚟。送禮要從用家出發,先了解爸爸嘅喜好能大大增加成功率,氹阿爸開心一啲都唔難!

撰文:Si|圖:新傳媒資料室

健康型父親:保健養生產品

現時養生食品種類繁多,功能各異,豐儉由人,建議仔女們注意吓最近爸爸有冇幾聲咳,有冇周身骨痛,因應爸爸嘅需要選購適合的保健產品。另外,好多爸爸都嫌身體檢查太貴而作罷,關心爸爸身體健康的你,甚至可以為他預備一個全面的身體檢查,既貼心又實用。

父親節
父親節
注意父親身體需要,選購適合佢嘅保健養生產品。

舒適型父親:按摩椅

對經濟比較充裕嘅仔女們,按摩椅係送禮熱門選擇,不過香港地方淺窄,未必擺到咁大部按摩椅,咁就可以考慮體積較小嘅按摩椅墊、眼部按摩器、頸枕等。手勢好嘅話,親自為爸爸來一節肩頸按摩,爸爸實冧!

父親節
父親節
按摩椅是熱門送禮之選。
父親節
父親節
嫌按摩椅太大部,可以考慮小型的按摩產品。

穩陣型父親:配件服飾

配件服飾例如恤衫、領帶、皮帶係最穩陣嘅選擇,款式夠多,而且好多舖頭都會有父親節優惠,適合工作繁忙,冇乜時間買禮物嘅仔女們。

父親節
父親節
領帶、銀包等男士常用物品是父親節送禮穩陣之選。

實際型父親:現金

「送現金會唔會太求其呢?」可能有人會咁諗,但其實好多父母都不諱言「折現」最實際,如果覺得誠意不足,可以加一份小禮物、心意卡,一定令爸爸笑逐顏開。

父親節
父親節
收利是唔係小朋友專利,父母收到都好開心㗎!

心意型父親:DIY禮物

沒有比手作更能表達誠意的禮物,如果你自問有一雙巧手,DIY皮革品、心意卡、蛋糕一定難唔倒你,但就算手藝唔靈巧都唔緊要,有時笨拙嘅作品反而讓人更能體會到你背後所花的努力和嘗試,即管試吓啦!

父親節
父親節
男士通常喜歡收到實用嘅禮物,自製銀包、卡片套等都係好好嘅嘗試。

相聚型父親:食飯/親自下廚

相比起收禮物,好多爸爸其實更渴望一家人齊齊整整、開開心心咁食飯呢!仔女們留意吓爸爸鍾意食啲乜,趁父親節請佢食豐富大餐,若嫌年年都係請食飯冇新意,親自下廚更是誠意滿分,記得要洗埋碗呀。

父親節
父親節
出街食又好,自己煮又好,最重要係一家人開開心心食飯呀。

好動型父親:小旅行

同相聚型父親一樣,好動型父親鍾意同仔女花時間多過收禮物,小旅行並唔係情侶同閨密嘅專利,仔女們可以視乎爸爸嘅身體狀況同興趣,計劃一場父親節小旅行,兩日一夜嘅澳門遊、國內遊,或是留港消費,尋訪香港好去處,一齊製造珍貴的家庭回憶。

父親節
父親節

無論係咩禮物,心意係最重要,讓爸爸能夠感受到子女們滿滿的愛,小編祝天下爸爸父親節快樂!

延伸閱讀:

雞翼食譜推介|十種滋味烹調方法 易入手零失敗|人人輕鬆掌握 簡易食譜

深圳唱K推介2019|地鐵沿線 南山區5大抵玩K房 約¥40起/小時|深圳好去處

關注我們Facebook專頁
    相關新聞
      更多瀏覽