【手機降溫方法】10円硬幣有助散熱!預防「手機中暑」|專家:超過40℃會燙傷
2019年06月13日20:56

【手機降溫方法】人長時間喺烈日當空下暴晒,隨時都會中暑,但其實手機都有可能會「中暑」!喺烈日下長時間使用手機,手機會突然死機唔識郁,有時都幾麻煩。日本就有一個「10円硬幣散熱法」,大家經常儲埋儲埋嘅神沙發揮神奇功效,變成幫手機散熱嘅神器!

撰文:Carmen|圖片來源:Yahoo!Japan、網絡|編輯:sandy

用傳熱性高嘅金屬散熱

手機熱到死機時,相信好多人都會即刻用冷卻劑等將手機「急凍」降溫,但咁樣做分分鐘令手機更「短命」!急凍會令手機內部結霜,成為故障嘅原因。

急凍會令手機內部結霜,成為故障嘅原因!

最好嘅手機散熱方法,就係喺發熱嘅部分貼上傳熱性高嘅金屬,透過金屬錢內存熱力釋放。

傳熱性高嘅金屬有金、銀、銅等,平時身上哪來的金、銀吖,咁就不妨試下用銅!

日本「神沙」散熱大法

大家次次去完旅行都想盡辦法散走嘅「神沙」硬幣,其實仲有散熱用途!日本就有一個「10円散熱法」,將10円硬幣放喺手機背,如果得好少喺手,只放喺發熱部分都會有一定效果。要拎住手機行嘅話喺硬幣上用膠紙貼住就可。

將10円硬幣放喺手機背,就起到散熱效果!

手提電腦嘅話,就喺發熱部分盡可能地放置10円。咁冇日幣10円喺手嘅話點算?香港硬幣嘅話,毫子嘅含銅量較高,可以試下用毫子代替10円!

香港硬幣嘅話,毫子嘅含銅量較高,可以試下用毫子代替10円!

手機溫度過高會出現「低溫燙傷」!

日本消費者廳就曾經為暖水袋嘅潛在危險性進行過調查,發現會造成「低溫燙傷」嘅溫度同接觸時長如下:

・44℃⋯3~4小時

・46℃⋯30分鐘~1小時

・50℃⋯2~3分鐘

不同於高溫燙傷時會即時縮手,低溫燙傷係會逐少咁滲入到皮膚,好遲先會發現到皮膚赤痛。

低溫燙傷係會逐少咁滲入到皮膚,好遲先會發現到皮膚赤痛。

以Apple手機為例,iOS系統嘅最佳運作溫度為0~35℃,放置保管時環境溫度為-20℃~45℃,而開始出現「唔聽話」情況嘅,約為40℃左右。另外,防水設計嘅手機因為密封度高,所以需更小心留意發熱情況!

防水設計嘅手機因為密封度高,所以需更小心留意發熱情況!

如果發現手機溫度過熱,最好嘅降溫方法就係熄機,等一陣先再開番。而且要謹記,手機唔好喺陽光下暴曬或者放喺悶熱地方,亦該避免長時間緊貼皮膚,預防「低溫燙傷」。

如果發現手機溫度過熱,最好嘅降溫方法就係熄機。

延伸閱讀:

雞翼食譜推介|十種滋味烹調方法 易入手零失敗|人人輕鬆掌握 簡易食譜

深圳唱K推介2019|地鐵沿線 南山區5大抵玩K房 約¥40起/小時|深圳好去處

關注我們Facebook專頁
    相關新聞
      更多瀏覽