【如果這樣生活】醉駕刑毀霉足十年 楊明低潮期被嘲「垃圾」專演死屍
2019年06月13日15:14

昨晚播出最新一集《如果這樣生活》請來楊明做嘉賓,楊明入行時曾受TVB力捧,但因為年少輕狂,他試過醉駕刑毀加上緋聞多多,負面新聞不斷,結果由被力捧變被放棄,低潮時間仲聽過唔少冷嘲熱諷嘅說話,不過楊明浪子回頭,用十年時間和努力,由無名字的閒角做起,幾經轉折,再受無綫力捧,重上一線,也令觀眾對佢改觀!

撰文:東方新地 圖片:新傳媒圖片、影片截圖、楊明IG

楊明負聞纏身 霉足十年

38歲楊明唔經唔覺入行21年,初出道憑高大俊朗的外形一度受力捧,可惜少不更事頻頻闖禍,試過醉駕刑毀。楊明在節目中回憶出前前嘅日子,他表示每朝瞓醒都有八十至一百個Miss Call,那時係最多人想同佢做朋友嘅時間,大家會想約佢食飯約佢玩,但到出事後慢慢變冇朋友,之後再由好多機會變成冇人敢用佢,結果一霉就霉咗十年!而楊明話自己貪玩、亂嚟、犯錯,令他失去形象插水、冇朋友甚至係失去工作機會!

楊明訪問殺人犯

節目安排楊明到台灣花蓮探訪一位曾犯下彌天大錯的鍾大哥,鍾大哥年輕時誤入歧途,曾錯手殺人而被判入獄,幸而家人不離不棄,而他也努力改過自新,行善及幫助年青人來回報社會!

回憶低潮期,楊明話冇監製敢用佢,只能做死屍、燒焦嘅屍體、強姦犯、敗家仔甚至等冇對白的角色,一做就六、七年。楊明話當時唔少監製都話死屍臨記做都得,問點解佢都肯做,但楊明認為做呢啲角色係自作孽,佢應得嘅!

「垃圾」變男一

楊明表示低潮期受過不少冷言冷語,試過在屋企樓下見到有對情侶經過,女生認出佢係藝人,楊明正想報以微笑之際,但男生好大聲咁話:「茄哩啡嚟啫!」又有一次更曾被街坊鬧係垃圾:「喺餐廳度食飯,隔離枱有位女士聽到佢想搵我影相,我已經諗住用微笑去迎接,點知佢旁邊男伴話『影咩吖!垃圾嚟,垃圾你都影』!」楊明直言肉體上冇傷害,但心靈上感到很受傷。不過楊明認為都係因為自己犯錯,先至會承受外人呢啲說話,楊明浪子回頭,認為努力和時間可以令大家對佢改觀,結果他成功了,如今是大台「男一」!他直言想默默做番好自己,畀人見到一舊「垃圾」的改變。

節目後半部分,楊明去到花蓮消防局擔任一日消防員,他志願是成為消防員,但因為近視而做唔到,結果他報考藝人訓練班,節目安排他到消防局試做消防員圓心願,他揹着20kg的裝備跑上8層樓,還要跑兩轉,相當辛苦。

楊明 重讀訓練班

楊明喺去年接受本刊訪問,佢當年經由模特兒入行,問佢最初點解選擇入呢行?佢話:「嗰時好興,行行吓街,真係有星探搭膊頭問:『得唔得閒上嚟影吓相?』上佢公司影幾張相做profile,跟住就幫我接job。」細個理想係做咩?「好多嘢做,嗰排電視播警察,我就鍾意做警察,播消防員,我就想做消防員,我最想係做消防員,我去考過,但我散光太深唔得,中三嗰年暑假,睇日劇見人做壽司師傅,我又好鍾意,去咗間日本餐廳應徵做壽司師傅,請咗我做樓面,到中五,諗住做長工,學整壽司,點知又叫我學做和食鐵板燒,熱到我,做咗幾個月就入咗訓練班。」

楊明
楊明

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇

去年楊明獲無綫安排主持真人騷節目《打工捱世界II》明捧。

楊明
楊明

問楊明做模特兒時期搵唔搵到食?點解又會加入訓練班?佢答:「唔係搵好多食㗎咋,一個job大約一千蚊,由中四開始做,到中五開始接觸到行catwalk,嗰時我覺得幾好玩吖,同埋好似冇乜壓力咁,幾好做。點解報訓練班,因為有個Uncle話我成日都無嘢做、喺屋企打機,佢知我想做消防員同警察,佢話你不如報訓練班,咪咩都做到囉,嗰期電視啱啱播緊《烈火雄心》,我覺得係喎,咪去考訓練班。」講到楊明係唯一一個讀兩次訓練班嘅藝人,佢直言:「我諗歷屆都係得我讀過兩期,第一次係第十三期同楊怡一齊讀,到廿一期,公司叫我入去再培訓,唔係因為好有潛質,所以畀多期我讀,嗰年我唔知因為醉酒駕駛定刑事毀壞出事,公司罰我入去讀,廿一期我更加多嘢吸收到,因為嗰時我做咗八年。」

楊明
楊明

13期一如既往地開心狂歡 😋玩到好似廿年前咁😂🤣😂各位…二十週年快樂😘 #13期藝員訓練班

Mat Yeung(@matyeung)分享的貼文 於 PDT 2018 年 9月 月 1 日 上午 5:27 張貼

楊家將後人

而問到楊明個藝名點嚟?佢澄清:「我細個一向都係叫楊明,但就叫做林楊明。我阿爺係姓楊,係楊家將嘅後人,我老竇因為過繼畀太婆而改姓林,由細到大屋企人都叫我楊明,我老竇喺我訓練班就嚟畢業,幫我改身份證個名做林明樂,我覺得唔慣,到公司問我有無想改嘅藝名,我就改做楊明。又可以跟番祖宗個姓,所以可以話藝名,亦係自己由細到大嘅名。」

楊明
楊明

2015年楊明擔演《收規華》兩大男主角之一,並跟楊怡有感情線,一步步重上一線。

楊明
楊明

用楊明呢個名行得順唔順?佢直言:「我由細叫楊明嗰陣,我覺得都差唔多,細個除咗讀書唔係好集中,其他嘢我覺得都好順,譬如我有好多朋友,到用咗楊明做藝名,有少少官非、唔如意嘅事,我諗都唔關個名事,一個人嘅人生都應該有唔同經歷,同埋其實係自己處理嘅問題。我到依家都用緊楊明做藝名,我覺得呢十年都幾順吖,開始順番自己個理想,我覺得係自己嘅思維改變咗,先至順番,可能十八歲初初出嚟,都係公司力捧,好多嘢理所當然,變咗好容易放棄一啲機會。依家大個仔咗,知道呢啲 機會唔係隨時都會有,所以會珍惜啲。」講到過去嘅官非,問楊明嗰時係咪少不更事?畀佢返轉頭嘅話會點行?佢回應:「如果畀我返番轉頭,我梗係選擇定性啲,但我又唔後悔經歷咗咁多嘢,因為如果我嗰時唔係經歷咁多事,可能好唔識珍惜機會,或者可能變咗好扮嘢、唔識尊重人嘅人。我睇到呢行好多人,係爭一啲機會去表現自己,但我一個人,去浪費咗咁多機會,我好似浪費緊其他人好渴望嘅機會。好多同事喺我無乜嘢做嘅時候同我講:『你畀心機啦,畀著我哋犯你犯嘅任何一件錯事,公司可能都唔會繼續留我喺度!』呢句說話好入到我心,因為我犯咁多次事,公司真係有權唔同我續約,所以我唔應該再浪費機會。」

楊明
楊明

楊明
楊明
繼05年被控醉駕後,07年楊明再醉酒在便利店鬧事,被控刑毁罪成。

汪明荃畀機會

就係聽咗呢啲說話令佢領悟?楊明表示:「唔係一朝一夕領悟,唔係你哋見到我有成績嘅時候先領悟,做錯事可能好快畀人知道,但做好可能好多年都無人知,做番好要嘥好多時間,去令啲失望過嘅人或者放棄咗你嘅人知道你改變咗。我都嘥咗好多時間做番好,無論做咩角色我都接,我做咗好多年二世祖角色、強姦犯、壞人嘅角色,我都係想話畀之前幫過我、對我有信心嘅人聽,我會做番好,會畀心機做每個角色。好開心做咗幾年之後,畀阿姐 (汪明荃) 見到,阿姐問我:『你係咪想繼續做㗎?』我答:『梗係啦,唔係做咩仲喺度做呢啲角色。』阿姐就話:『如果你畀心機做,仲係想做落去,我會開始畀機會你!』無幾耐,我就入咗處境劇《天天天晴》,做咗百幾集,再做《誰家灶頭無煙火》,我諗佢想幫我入屋之餘,係幫我投入番做戲嘅心情,因為做處境劇日日都要返,朝九晚七,慢慢培養番我做嘢嘅心,雖然我做咗三、四年強姦犯、二世祖,但戲份唔多、個工作態度無咁強。」

楊明
楊明
2010年拍《天天天晴》,同劇有陳智燊、李思捷同陳茵媺。

楊明
楊明

楊明:多謝睇唔起我嘅人!

身邊同事同傳媒嘅嘴臉有無開始改變?楊明憶述:「其實喺低沉嘅時候,見到好多嘢嘅,低沉嘅時候,睇到好多人生百態,好多謝好多喺我低沉嘅時候,鼓勵過我嘅人,但亦好多謝有啲睇唔起我嘅人,有好多唔好聽嘅說話,或者唔好睇嘅面口我都睇過。其實有啲市民都會,有啲後生啲嘅觀眾,會有一啲難聽啲嘅說話,咪當聽唔到囉!我好多謝公司大部分嘅幕後,工作人員,同最鼓勵我嘅化妝、梳頭、服裝,佢哋由細睇到我大,每次見親我都不停鼓勵我,有啲甚至鬧我、問我做咩唔畀心機,好多謝佢哋陪伴我度過嗰啲低沉嘅時間。」

楊明
楊明
2011年拍《誰家灶頭無煙火》,令楊明成功洗底入屋。

楊明
楊明
除香港外,楊明近年在馬來西亞和新加坡亦先後攞到飛躍進步獎。

試過十八個月無糧出

經濟上,有無捱過麵包?楊明直言:「梗係有啦,啱啱入訓練班嘅時候,生活指數都係低少少,我諗一個文員有七、八千蚊人工,我哋訓練班入去就係三千五蚊,咁唔夠㗎嘛,點都係問媽咪攞㗎嘞,媽咪都撐咗好幾年㗎,到我訓練班出咗嚟幾年,我開始犯事,最艱辛就係我第二次入訓練班嗰半年,嗰半年因為入訓練班停工,要還之前簽落嘅騷公畀公司,嗰時公司仲要停我人工,停咗十八個月,之前儲落嘅錢都用得七七八八,好彩仲有啲模特兒工作,好少錢但都叫撐得住,嗰時係要問十三期訓練班嘅同學借錢,好艱辛先捱完嗰十八個月。嗰十八個月係最慘,要返工、即係要使錢,但又無糧出。」終於守得雲開攞「飛躍進步獎」,楊明笑言:「你見我上台笑自己咁老、叫自己『老飛』,其實心底我係好開心㗎,因為由公司有頒獎禮開始,我就好想攞呢個獎,因為我之前喺新加坡同馬來西亞都攞咗,係爭香港自己公司嘅獎未攞,好恨儲齊,呢個獎我恨咗好耐。」經常被派演奸角,有無唔開心?「無㗎,因為我知道自己做錯吖嘛,我嗰時乜嘢都無,我仲有咩資格去介意做咩角色呢!同埋做演員,唔應該介意做咩角色,同埋每個角色,只要做得好,都會畀人睇到。」

楊明
楊明

楊明自爆最初入行是為演消防員圓紀律部隊夢,「點知我做咗呢行二十年,都未做過消防員角色。」

楊明
楊明
四次提名「飛躍進步男藝員」的楊明終於獲得該獎,他不忘自嘲一把年紀才獲飛躍獎。

楊明
楊明

延伸閱讀:

【烈火雄心】娶細廿年嫩妻仲老來得子!59歲李子雄Fit到爆全靠xx

關注我們Facebook專頁
    相關新聞
      更多瀏覽