【全民造星II ‧ 多圖】96位入圍者誕生!6位大熱參賽者搶先彈出
2019年06月11日10:55

《全民造星II》96位入圍者誕生喇!上年ViuTV舉辦嘅選秀節目《全民造星》大受歡迎,捧紅一班「造星囝囝」,今年當然食住個勢添食舉辦《全民造星II》。經過早前面試後99位入圍者誕生,不過大會其後宣布27號、33號、84號參賽者已退選,而節目將於本月23號首次開廠錄影,而星期一(6月10日)開始更會有「Eye catching idol」環節,讓網民揀最愛嘅參賽者畀❤❤去投票,得❤最高嘅5位即可晉級次回合,亦即係直入60強。雖然節目仲未開波,但有6位入圍者已被視為大熱門有機會跑出,唔知你哋又認唔認同呢?!

撰文:東方新地|圖片:IG、影片截圖、ViuTV

《全民造星II》6位超大熱參賽者

姜卓文

95年出生的姜卓文是姜大衛與李琳琳的細仔,叔伯係秦沛、爾冬陞,演藝世家難怪被被睇高一線!卓文去年畢業於薩凡納藝術設計大學,卓文身材健碩,樣貌青靚白淨, 走韓國型男路線。熱愛唱歌,不時在社交平台分享自彈自唱的短片。

胡學軒

身高176cm嘅胡學軒(Alfred)戴着眼鏡有啲文青氣質,驟眼睇似許廷鏗同陳家樂混合版,論聲線同唱功,喺云云參賽者中算有實力。

洪助昇

現年23歲洪助昇(Aiden)身高184cm,是太陽娛樂旗下的新晉演員,被喻為歌唱實力派。Aiden的歌聲以及溫柔的暖男外表深得花姐及評判歡心。

吳啟洋

現年22歲,吳啟洋(Phoebus)身高181cm,現時是理工大學土木工程系大四學生。佢最鍾意係防彈少年團BTS,唱歌跳舞俱佳加上靚仔樣,佢IG上已吸納9千幾名粉絲。

陳卓文

99號參賽者肥文陳卓文肥嘟嘟幾得意,但唔係靚仔有型類別,至於點解會被視為大熱?有網民發現佢同去年嘅姜濤《全民造星》造型照的全身服飾居然一模一樣,黑色帽、白色裇衫、黑色長外套、十字架耳環,倒模咁倒,網民話「啲衫係佢地自己私伙定大會攞返上次啲衫重用?係佢自己專登去扮姜濤?定大會有心整蠱佢俾佢著?」點都好,家陣多咗話題,又話唔定佢最後好似姜B咁成功跑出呢?!

梁德忠

唔知大家對梁德忠(Tank)有冇印象呢?佢係去年《全民造星》嘅大熱門,但因為工作問題最後無奈退賽,Tank曾參演《脫獨工程》,今次再參加而成功入圍已獲得869個Like,難怪被睇好嘅!

入圍參賽者官方相

此外,大會宣布27號、33號、84號參賽者已退選,依家再睇埋其餘90位入圍參賽者官方相,唔知當中有冇你哋心水?

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇

關注我們Facebook專頁
    相關新聞
      更多瀏覽