潔癖升級屋企變病房!陳展鵬搶湊愛女
2019年06月06日14:59

成為新手爸爸兩個月的陳展鵬,早前趕拍新劇《唐人街》,同 時要照顧老婆單文柔及囡囡,身在電視城心繫妻女,為免顧此失彼,辛苦了爸爸。產後女人情緒易波動,對於新手媽媽單文柔來 說就更加是個考驗,希望全人奶餵哺令囡囡身體健康更有抵抗 力,令單文柔非常緊張,早前患乳腺炎痛不欲生,全靠陳展鵬叻 叻搵催乳師打救老婆。

陳展鵬更自爆為怕囡囡受外來細菌感染,每日放工返屋企都要 全個人消毒換好衫才能親近囡囡,而前來探B的親友都要著上保護 衣,搞到屋企好似病房咁。日前《唐人街》煞科,陳展鵬終於放長 假可以做全職奶爸,先帶單文柔出九龍城歎咖啡抖吓氣,然後再 去藍田外家湊番個女,凡事親力親為又搶女抱,陳展鵬無非想分 擔老婆辛苦,做個稱職好男人。

撰文:東方新地 圖片:新傳媒圖片

陳展鵬搶湊愛女

半年內經歷結婚生女的陳展鵬,自寶貝女小豬比(Quinta)面世後,開 口埋口都提住女兒,不過他亦不忘關心產後辛苦湊女的老婆單文柔。以妻女行先的他,今年4月初正在趕拍新劇《唐人街》都請假陪單文柔入產房生女,看到老婆所受的十級痛苦,肉赤之餘,更萌生「不如唔好再生」的念頭,打算擱置追仔大計。為獎勵單文柔,除計劃在囡囡百日宴後外遊外,更承諾會買樓畀老婆揸手,愛妻唔止得把口,還以行動來證明。

抱女等老婆

上周四(5月30日),陳展鵬與單文柔到藍田麗港城外家接回囡囡,因為突然下雨,單文柔跑去停車場的車上拎遮,留下老公與熟睡的囡囡在樓下等。陳展鵬邊等邊放空,不過遇 到街坊會微笑打招呼。

照顧妻女分先後

這兩個月來陳展鵬日夜趕劇,只想快點煞科可以專心湊女,即使每日拍到金睛火眼,回家見到妻女累氣全消,再加上單文柔全人奶餵女,經常欠缺休息時間,故陳展鵬更加想幫輕老婆。據知情者透露,「新手媽咪餵人奶初期未上手,真係好痛苦,餵人奶冇定時,初生BB要幾時食就幾 時食,Phoebe(單文柔)成日擔心囡囡食唔飽,頭呢兩個月就最辛苦,因 為要迎合BB需要,所以要增加奶量,搞到成日唔夠瞓,之前仲試過乳腺 炎發燒,餵唔到奶嗰幾日佢好唔開心,好彩煎Pang識得問人點算,朋友 介紹佢搵催乳師幫手,之後就解決晒所有問題,Phoebe依家上晒手,BB 亦慢慢有自己食奶時間表,Phoebe可以輕鬆少少。個女出世後,煎Pang 除咗要幫手照顧個女,仲要顧及老婆感受,佢睇到Phoebe真係好緊張個 女,唔想佢過分緊張變成產後情緒病,所以每日都會抽時間同Phoebe傾 偈,幫佢解決問題,盡可能都關心老婆先,之後先再去睇囡囡。」

放大假貼身陪

拍完新劇《唐人街》,有得放大 假的陳展鵬即投入所 有時間與心機湊 女,以及貼身陪伴 產後兩個月的老婆單文柔。

心急抱女被鬧爆

單文柔除了緊張餵人奶,對家居衞生亦超級注重,因為過去有 不少報道指初生BB最易受外來細菌感染,後果可大可小,陳展鵬 知道愛妻緊張,亦非常願意配合,日前他更公開表示現時回家有如 入ICU(深切治療部或加護病房),入屋便要即時洗手消毒、沖涼及換衫,比以前衞生得多。知情者說:「女人生完BB真係好敏感,只 要有少少嘢唔滿意都可以好大件事,唔係所有人都有衞生意識,尤 其未生過BB,所以Phoebe準備咗好多件醫院嗰啲保護衣,一有親 友嚟探B都要佢哋著住先可以抱B,當然一入門口已經唔少得洗手 同消毒,長頭髮女士仲要將啲頭髮撥去後面或者紮起,係就係怪 啲,但主人家叫到大家都會照做。煎Pang都唔例外,初時佢一返到 屋企就心急抱女,畀Phoebe鬧爆,依家佢都習慣咗,亦明白點解老婆要咁緊張。」

擔遮護女

雖然只是毛毛雨,行去停車場路程亦不 遠,但單文柔仍非常緊張,撐起雨傘為女兒擋雨,而且全程只遮老公與女,自己淋雨都冇所謂,而外傭一直跟隨其後。

陳展鵬唔使開工一定留家搶湊女,對住囡囡已經冧晒,他笑言女兒出世後令他重拾初戀感覺,每晚即使三更半夜收工,也要聞過囡囡的BB味才安心,女兒果然是爸爸的前世情人。

等到頸都長埋的悠長假期終於來臨,日前《唐人街》煞科,陳展鵬可以全職做奶爸。上周四(5月30日)下午一時許,陳展鵬與單 文柔現身九龍城,產後兩個月的單文柔素顏出巡,為餵人奶仍未完 全修身,二人先去咖啡店歎咖啡,只坐了不足一小時,二人便外賣 咖啡與沙律離開,陳展鵬載老婆到附近買湯包及糉,之後雙雙返回 單文柔位於藍田麗港城的娘家。原來這日陳展鵬為帶老婆單文柔外出抖氣,早已把囡囡及外傭送到單文柔娘家暫託照顧一會兒,不 過只是在九龍城逗留個多小時,單文柔已心急返娘家接回囡囡。

九龍城歎咖啡

這日陳展鵬載單 文柔去九龍城,先到 特色咖啡店歎咖啡, 不過夫婦二人坐唔夠一個 鐘就買外賣離開。產女兩 個月的單文柔,雙下巴 顯現,身形仍然圓潤 未修身。

神隊友接手

陳展鵬與單文柔上樓接過囡囡及外傭後,全程由爸爸小心翼翼抱B,當時正下著毛毛雨,緊張媽咪單文柔竟跑去停車場拎遮,為囡囡遮風擋雨,為父後的陳展鵬更多了一分慈祥,等老婆期間每次有街坊行過,他都報以微笑打招呼。睇得出夫婦二人對囡囡呵護備至,一個女不離手,另一個則只顧為女兒打傘,自己半邊身濕晒都冇所謂。據知即使家有外傭幫手湊B,但夫婦二人都不想假手於人,始終個女仲細又是第一胎,陳展鵬外出 工作不在家時,單文柔就特別辛苦,餵奶換片一腳踢,現在陳展鵬放大假湊女,單文柔也就可以把大部分湊女工作交由神隊友效勞。

二人世界變三人行

至於陳展鵬所講的百日宴後外遊獎勵老婆計劃,原本想二 人世界輕鬆一下,不過照現時情況來看,陳氏夫婦都放不低如 此可愛的「小豬比」,因為餵人奶較困身,單文柔亦不想放棄, 故短期內都不能離開囡囡,若然真的要起行,就要一家三口一齊飛。知情者透露,「煎Pang知道Phoebe由陀B到生B受咗好多 苦,佢都係想老婆放開心情,去玩番幾日,順便休息吓,不過依 家離開囡囡個幾鐘,Phoebe已經好掛住個女,又話個女可能肚餓要食奶,咁佢哋點會放心去到旅行?唯一方法就係帶埋囡囡去,不過就要帶多好多嘢同冇得真係休息囉!所以Phoebe提議不如等囡囡大少少先去,不過煎Pang好驚放完今次大假又要再搏殺,到時未必有時間可以去。」睇陳展鵬現時抱女手勢雖然有啲硬繃繃,但佢肯全力以赴去搶女湊,肯定係絕世好爸爸,帶埋囡囡去旅行應該冇難度,最緊要老婆開心,辛苦啲都值得。

湯水谷人奶

餵人奶全靠有足夠湯水,這日單文柔親身到九龍 城買湯包煲湯谷奶,然後再去買應節的糉。

勒令親友著保護衣

前單文柔好友鍾晴在社交網上載一張抱住「小豬比」的照片,笑言自己穿上保護衣的造型非常搞笑,又指單文柔要她抱B時把所有頭髮撥去後面,可見單文柔真的非常緊張前來探B的親友唔夠衞生。

單文柔4月生完坐月期間適逢生日,好姊妹劉穎鏇與魏韵芝上門探B都要消毒兼著保護衣,不過她們只上載與單文柔切蛋糕的三人照。

餵人奶壓力大

產後決意全人奶餵女的單文柔,曾有段時間因乳腺 炎未能餵人奶,後來痊癒恢復埋身,發現囡囡的奶 量需求與便便量都增加了,對於新手媽媽來說追奶 壓力甚大。

單文柔公開這兩個月來餵人奶的 慘痛經歷,幸有老公陳展鵬為她找來催乳師,她才能順利過渡。

緊張媽咪

單文柔是個不折不扣的緊張媽媽,因為冇經驗,所以凡事都特別小心,對於家中衞生最注重,所有人 接觸BB前都要徹底消毒。

跟風轉型做KOL

近年不少女藝人產後都轉型做KOL,單文柔最近亦不時在社交網為產品賣廣告,先有臍帶血庫,後有護膚油,看來她有意進軍KOL界,可以有多點時間湊女。

已經兩個月大的 Quinta「小豬比」在單 文柔悉心照顧下,已有 18磅長得肥肥白白,頭髮多多非常可愛,陳展鵬兩公 婆不時為囡囡影靚相,不 過就用公仔貼紙遮 樣,唔畀囡囡靚樣 曝光。

自爆掂女前消毒

陳展鵬日前出席《唐人街》劇組飯局,表示劇集終於煞科可專心湊女,佢仲用ICU去形容自己屋 企:「依家返到屋企都好似入ICU咁,又要用消毒藥水噴吓,又要沖涼、換衫、洗手。」

行動型愛妻號

陳展鵬婚前是孝順男,婚後變成愛妻愛女號,單文柔為她生了可愛 的「小豬比」,他以行動來報答對方。陳展鵬無論產前產後都對單文柔 愛錫有加,大搞BabyShower、坐月期間亦不忘慶祝老婆生日,他更非 常在意單文柔產後的心理狀況,做到時刻關心,陪伴就是最好的禮物。

延伸閱讀:

【烈火雄心】緊接《法證先鋒III》播出 盤點8套最想深宵重播的超級神劇

細女王麗嘉失戀派「肉照」 老尷王敏德遷怒老婆馬詩慧

關注我們Facebook專頁
    相關新聞
      更多瀏覽