陸永教鄭裕玲「大師級」攝影技術 Do姐:原來我呢世人都唔識影相
2019年06月06日12:10

話說,近日Do姐鄭裕玲就再度同組合農夫合作拍攝TVB新節目《Do晚間看地球》,而Do姐更喺個人社交網率先同大家分享今次拍攝期間嘅趣事!今次Do姐趁機會向陸永請教攝影技術,點知做攝影師嘅陸永幫Do姐影出嚟張相,簡直驚為天人!

撰文:lb|圖片:Instagram

陸永教鄭裕玲「大師級」攝影技術

Do姐同農夫成員陸永及C君喺一齊時,總係火花不斷,不時你一句我一句,笑料百出!最近,Do姐喺IG透露佢哋3個人為拍攝新節目《Do晚間看地球》出發去到外國,Do姐仲大讚陸永同C君都好好學,即使上機都仲不斷睇電子書!

陸永
陸永
陸永
陸永

除咗讚兩位後輩好學外,Do姐更自稱自己攝影技術係有限公司,好在有學過攝影嘅陸永同行,所以可以趁機會向「陸大師」請教攝影技術!相信大家都好想睇下Do姐喺陸永嘅指導下,影出嚟嘅相係點!

由未上機到上咗機都仲孜孜不倦學習影相嘅Do姐,最後當然有上載自己師傅嘅作品俾大家睇啦!Do姐笑言「原來我呢世人都唔識影相!」,皆因陸永嘅作品竟然係將Focus放咗喺個景,反而Do姐就out fo!

陸永作品

難怪Do姐都笑稱:「Focus 是要放在後面的,這樣相中人才有朦朧美!此種攝影方式相當難掌握,本人正在努力學習中!」至於陸大師亦回應Do姐:「言重了,失禮失禮。作為攝影家,聽從被拍者嘅意見有時都幾重要,當你猛話幫我影條橋,影條橋,呢張相就自然而生了。」

就連Ali李佳芯見到張相都忍唔住留言:「朦朧美」再加3個笑喊公仔!

延伸閱讀:

【復仇者聯盟4】美國隊長要讓位? Marvel男英雄美臀排行榜|新蚊娛樂|

男士髮型2019指標 undercut、短髮或捲髮造型任君選擇|新蚊潮流|

關注我們Facebook專頁
    相關新聞
      更多瀏覽