【機動部隊2019】楊明孖蔡思貝拍劇唔過電 網民:對莊思明一條心喎!
2019年06月06日21:32

個個花旦都斯文長髮標準娘娘咁款,唔通個個都淨係獨孤一味鍾意呢款靚女咩?八姨太就鍾意睇啲英氣十足有型有款嘅,好似達哥蔡思貝呢款,成個電視台得佢一個花旦carry到短髮,其實咪仲鮮明更高可塑性!

撰文:東方新地 圖片:新傳媒圖片

【機動部隊2019】蔡思貝 楊明 唔過電

蔡思貝係電視台監製嘅心頭好,尤其係警匪片一套接一套,繼《鐵馬戰車》、《鐵探》同《機場特警》後,新劇《機動部隊2019》又預佢一份,又係著制服又扮女警囉!天生外型硬朗有英氣又有性格,制服著得好睇嘅其實著多幾次又唔怕!日前《機動部隊2019》拉大隊去尖沙咀拍外景,除咗蔡思貝,張達倫、楊明個個都制服上身擺起PTU招牌巡邏look,陣勢同威嚴一啲都冇輸畀嗰套經典電影版㗎!等埋位期間,蔡思貝同拍檔楊明細聲講大聲笑好好傾咁,睇落好啱key,好彩楊明對女友莊思明一條心,所以對發電廠達哥免疫。一班後生仔女邊開工邊吹水,實行寓工作於娛樂。

劇接劇套套都係做女警,冇錯喇!既然駕馭到套制服,蔡思貝新劇《機動部隊2019》又係做女警。

又係四個PTU,又係尖咀街頭,好彩楊明、蔡思貝同張達倫都有型有款,氣勢冇輸畀電影版入面嘅任達華同黃浩然㗎!

日前《機動部隊2019》拉大隊去尖沙咀拍外景,除咗蔡思貝,張達倫、楊明個個都制服上身擺起PTU招牌巡邏look,陣勢同威嚴一啲都冇輸畀嗰套經典電影版㗎!等埋位期間,蔡思貝同拍檔楊明細聲講大聲笑好好傾咁,睇落好啱key,好彩楊明對女友莊思明一條心,所以對發電廠達哥免疫。一班後生仔女邊開工邊吹水,實行寓工作於娛樂。

等埋位期間,蔡思貝同楊明雞啄唔斷,好彩楊明出名對女友莊思明一條心,對發電廠達哥完全唔過電。

鬧市㚈景人多車多,清場set機自然需時更多時間,一班人惟有圍埋傾計、玩電話解悶。

著上PTU制服嘅蔡思貝英氣十足,入型入格。

楊明並冇只掛住同蔡思貝傾偈玩,間中都會攞劇本出嚟做吓功課,仲畀女粉絲圍住影相。

都係《機動部隊2019》,密密開外景趕煞科,呢日移師將軍澳,蔡思貝改穿著上運動裝上陣。

延伸閱讀:

吸睛電子用品推介 女生必買!精選10件粉紅色淘寶電子用品

去深圳打卡必睇!$325/位 住性價比高深圳酒店 平歎45樓無邊際泳池

關注我們Facebook專頁
    相關新聞
      更多瀏覽