鄭裕玲遠赴英國睇BTS開騷 網民:Do姐少女心大爆發!
2019年06月05日07:50

鄭裕玲(Do姐)出名係超級韓迷,但凡係關於韓星、韓劇,甚至K-Pop都好有興趣好留意㗎!平日佢主持商台節目《口水多過浪花》都偶爾會分享追星事件,喺一眾韓星當中,佢都好鍾意韓國人氣男團男團防彈少年團(BTS),而喺今年3月BTS來港開騷Do姐都有去睇騷,估唔到近日佢更加親身飛咗去英國溫布萊球場(Wembley Stadium)捧BTS《’LOVE YOURSELF : SPEAK YOURSELF’》世界巡迴演唱會,網民都大讚Do姐依然好有少女心啊!

撰文:東方新地 圖片:新傳媒圖片、ig

鄭裕玲遠赴英國撐BTS

現年61歲嘅Do姐近日飛咗去英國的溫布萊球場(Wembley Stadium)去支持韓國人氣男團BTS開騷,Do姐事後喺IG分享多張照片,仲話自己第一次去溫布萊球場,第二次睇BTS嘅演出。見佢化身小fans拎住張門票留影,都知佢心情有幾興奮啦!

係真愛啊!Do姐山長水遠去溫布萊球場(Wembley Stadium)撐BTS,期間佢更影咗好多演唱會嘅現場照,又喺IG同大家分享,唔係真愛係咩呀?!

倫敦溫布萊球場是全歐洲第二大的球場,開幕以來得殿堂級歌手至可以登上呢個國際舞台咋!而防彈少年團(BTS)是首組非英語系藝人成功喺溫布利球場連開兩場演唱會,12萬張飛90分鐘就售罄,可見佢哋喺全球人氣極高!

其實今年3月防彈少年團(BTS)來港開演唱會,Do姐就同陸永嘅大女陸一穎(Hannah)去亞洲國際博覽館觀賞BTS嘅演出㖭!當日Do姐備齊「演唱會三寶」望遠鏡、應援扇、演唱會飛支持BTS,真係做足準備功夫~

Do姐鄭裕玲唔止睇騷,仲有BTS嘅海報、寫真集等等。

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇

關注我們Facebook專頁
    相關新聞
      更多瀏覽