盤點6位春麗頭造型出鏡藝人 最似但最崩潰一定係…
2019年06月05日14:14

話說日前TVB綜藝節目《娛樂大家》開廠拍新一集,不過,一向走在潮流最尖尖嘅汪呀姐竟然喺該集梳咗個「春麗頭」,成功搶去所有人嘅焦點!回想過去,歷年都有唔少圈中藝人都梳過「春麗頭」,但最爆嘅一位一定係…

撰文:東方新地|圖片:ig、影片截圖、網上圖片、微博

盤點6位春麗頭造型出鏡藝人

|汪明荃

話說日前TVB綜藝節目《娛樂大家》開廠拍新一集,該集就成功邀請到黃翠如做嘉賓,一齊大玩遊戲。點知,今年71歲嘅汪明荃就喺該集以「春麗頭」登場,睇到唔少人都嘩嘩聲,呀姐果然夠前衛!不過最重要係夠勇!

春麗
春麗
除咗兩個大波波喺頭上,呀姐一身衣著都非常獨特!

就連身為嘉賓嘅翠如BB都忍唔住喺呀姐個ig度留言:「可愛波波女皇look」,而吳若希亦都留言大讚呀姐…個髮型,指:「好靚呀~好可愛呀個髮型」!

春麗
春麗

|鄭秀文

一向造型大膽、前衛嘅鄭秀文(Sammi)同樣試過以「春麗頭」出席活動,不過當時就被網民指Sammi係咪得罪咗造型師,皆因一身又紅又綠又黃嘅服裝非常大媽風格,但亦有網友讚Sammi似中國娃娃~

|苑琼丹

其實「春麗頭」都唔係得呀姐先敢梳完出鏡嘅,喺1993年嘅電影《超級學校霸王》中,苑琼丹因變身做春麗媽媽而以「春麗頭」出場!不過,當年統粹喺苑琼丹嘅短髮上放兩個紅色髻,所以還原度始終差啲。

|邱淑貞

講到「春麗頭」,女神邱淑貞一定走唔甩係香港嘅表表者!皆因無論無顏值定還原度都相當高,加上當年活潑可愛嘅造型,的確成功迷到唔少人!

|林淑敏

TVB熱播嘅處境劇《回家之開心速遞》中,飾演大小姐嘅林淑敏亦都試過cosplay春麗,大小姐仲嘗試使出千裂腳!唔少網友仲笑言大小姐喺劇中要改名做「龍春麗」,睇嚟大家都好接受到呢個版本嘅春麗!

|成龍

可惜,即使以上曾以「春麗頭」示人嘅女藝人都一定唔夠成龍爆!1993年,成龍於電影《城市獵人》中就扮過春麗!電影中嘅成龍造型可謂跟足春麗造型,而且成龍仲特登化埋個靚裝,電眼十足,姿態撩人,相當嫵媚!

延伸閱讀:

細女王麗嘉失戀派「肉照」 老尷王敏德遷怒老婆馬詩慧

【烈火雄心】緊接《法證先鋒III》播出 盤點8套最想深宵重播的超級神劇

關注我們Facebook專頁
    相關新聞
      更多瀏覽