阿Sa唔怕呃感情最驚被呃錢
2019年05月31日03:00
阿Sa、阿芝齊宣傳舞台劇。

【星島日報報道】蔡卓妍(阿Sa)與卓韻芝昨日到電台宣傳舞台劇,透露為此錄了一個廣播劇,阿芝笑說:「都好耐冇錄,記得以前錄苦榮以及與阿Sa錄《小火花》,都有十年。」

阿Sa指廣播劇中探討女士如何被欺騙感情,問到可曾被呃?阿Sa笑言:「唔呃錢就得,其他野就拎去,錢係辛苦賺㗎,感情你呃到咪呃囉。」阿Sa又指最怕被問借錢,特別是借錢還賭債,曾有人向她借七位數。而阿芝就坦言被呃感情比較難受:「梗係感情,係代表咗青春,同埋每一個晚上嘅眼淚。」阿芝坦言要看是感情與錢難比較,若然是五年情就好長,阿Sa聞言笑說:「五年嘅就算啦!」此外,阿Sa舊愛陳偉霆因一段港式英文廣告而成為熱話,問可有留意?阿Sa說:「冇留意,唔知呀,冇回應呀!」

關注我們Facebook專頁
    相關新聞
      更多瀏覽