岑麗香全面復工 自爆常被囝囝「請飲茶」
2019年05月30日03:00
香香透露囝囝已見過一眾靚姨姨。

【星島日報報道】岑麗香3月誕下兒子吳主軒(Jacob ),昨日正式全面復工。她在活動上分享了做新手媽媽兩個半月的經驗,坦言至今才真切感受母親的偉大,老公亦有分工合作湊囝囝,更爆他最拿手是換尿片,又笑言囝囝已見過李亞男、鍾嘉欣的囡囡,笑指怕囝囝見得太多靚女,長大後會眼角高。

岑麗香昨日出席活動,大會宣布她為一間醫學美容中心擔任代言人。香香透露目前身形已接近回復最佳狀態,只差幾磅,笑言牛仔褲褲頭鈕已可扣好,只是有少少緊。她又透露兒子吳主軒(Jacob)的名字是由爺爺奶奶改的,意思是主耶穌基督居於心中。

香香表示當了兩個半月媽媽,才真切感受到媽媽的偉大,更感激自己母親幫忙照顧BB,透露現正餵人奶。問到丈夫強強在湊B方面是否已上手?她笑笑口說:「強強最拿手換片,佢最叻,BB都好有禮貌,成日都斟茶畀我哋飲。」

問到是否跟強強分工合作湊B,香香笑道:「係呀!不過我有好多野做,所以知道媽媽好偉大。媽咪返咗香港,好幸福,感受到好多愛。BB亦好錫我,到醫院連麻醉針都打唔切,已經出咗世。」

香香透露分娩當日早上10時作動,下午3時開始陣痛,BB到晚上7時便出世,過程非常順利。談到如此順利,可會希望盡快多生一個?她笑說:「等我搞掂呢個先!(想生一仔一女?)將來都有呢個計畫,不過未必咁快。」香香透露BB已見過好姊妹李亞男及鍾嘉欣,笑言兒子見得太多靚女,怕長大後眼角高。

此外,問到香香是否準備全面復工?她笑稱:「係呀!今日坐喺度Set頭化妝感覺好開心,啲感覺返晒嚟。(會接拍劇集嗎?)所有工作都可以。(今日出門會否不捨得BB?)有呀!臨出門口會望多一眼,再聞吓佢啲BB味。」

關注我們Facebook專頁
    相關新聞
      更多瀏覽