女兒大膽愛騷身材 王敏德怪老婆縱容囡囡
2019年05月26日22:20

結婚27年、分別育有26歲王曼喜(Kayla)、24歲王麗嘉(Irisa)同 19歲王躍穎(Kadin)兩女一子,型男王敏德與超模馬詩慧基因超班,三姊弟高人一等擁有模特兒好身材。當中二女Irisa上圍最豐滿、作風最大膽,繼長期派軍糧分享一系列露波邊、倒奶惹火照後,日前再破底線上載出浴相!對此王敏德直言身為老竇極為尷尬,囡囡屢勸不果唔肯收手,據悉他嬲到遷怒老婆縱容女兒暴露成狂。

撰文:東方新地 圖片:新傳媒圖片、IG

馬詩慧細女 失戀派肉照

王家有女初長成,兩姊妹外形性格都夠標青!大女王曼喜Kayla年前出櫃,獲得父母欣然接受,二女王麗嘉Irisa則立志繼承馬詩慧衣砵,模特兒工作不少亦不時在網上分享靚相,不過鬼妹仔坦蕩蕩性格加上上圍零舍豐 滿,次次都被傳媒和網民放錯重點,集中討論其偉大胸襟。

王敏德
王敏德
出事靚相係月初王敏德一家人飛往印尼峇里度假時 所拍,王麗嘉(Irisa)仲自爆係媽媽馬詩慧操刀拍。
馬詩慧
馬詩慧
鬼妹仔性格又有媽媽撐腰,Irisa 堅持繼續分享靚相,不過亦鬧爆部分港男留言鹹濕不尊重更tag埋老竇王敏德,因此已經關閉留言功能。

王敏德好尷尬

以往堅守住內衣和比堅尼底線,老竇王敏德尚且公開表示不滿,今次Irisa索性出浴露埋蜜桃臀,王敏德都話「愈嚟愈差」兼尷尬:「Getting worse and worse!呢啲相對男人好,但對爸爸就好辛苦!好多朋友拎啲相問我係咪我個女,好尷尬!」

26歲王曼喜 奔放除Bra
王敏德
王敏德
細妹裸完又到家姐,相隔五日輪到王曼喜晒肉,一早出櫃的Kayla就話係另一半隨意所攝,更表示鼓起勇氣唔容易,但當遇到一個令自己完全打開懷抱的人,一切都值得。

港男無品怒刪留言

沒有最尷尬,只有更尷尬,原來Irisa肉照相由母親馬詩慧操刀拍 攝,而妹妹露完,家姐亦都叉多腳露埋一份,緊接其後外放同居女友拍攝的飛Bra走奶肉照,被兩個女接連激親又講極唔聽,據知王敏德嬲 爆遷怒到老婆身上,對超模出身的馬詩慧態度開放又對女兒縱容頗有微言。

王敏德
王敏德
三個仔女都長大成人,開放老竇王敏德唯一對二 女 Irisa 頗有微言,表示寶貝女性感相對一般男性 係佳音,身為爸爸王敏德見到就辛苦又尷尬。
王敏德
王敏德
對住個女屢勸不聽無能為力,據悉王敏德知道啲相由馬詩慧揸機,對老婆一向縱容女兒想做就去做頗為不滿。

Irisa刪除留言功能

知情人士透露,原來去年大學畢業的Irisa已與老外男友分手,一向 對自己身材信心爆棚又有媽媽撐腰,更加有恃無恐態度照舊,不過性感新相吸引大量渣男瀏覽,留言猥瑣再tag埋王敏德火上澆油,Irisa終於對牽連老竇產生些少悔意,刪除肉照留言功能。不過就話到明唔會妥協,有靚相會繼續發放喎!

在美國讀大學期間Irisa一直有個親密男友,性感相簿亦有不少係由男友視角拍攝, 不過最近已不見二人晒幸福,日前Irisa接受訪問亦自認現時單身。

倒奶成癮

從小接受西方教育、又見 慣超模媽媽專業拍攝,Irisa一直 立志入行做Model,亦從不吝嗇 展示自己驕人身材。雖然有鋪 倒奶露波邊癮,不過Irisa膚色 健康、作風又爽朗,私相簿性感之餘更具美感。

延伸閱讀:

【親子好去處】讓鐵閘說出社區小故事

【增強免疫力】羊肚菌合掌瓜紅蘿蔔豬骨湯

關注我們Facebook專頁
    相關新聞
      更多瀏覽