回顧72歲鄭少秋後生靚仔相 魅力盡展半世紀!
2019年05月25日10:25

繼上期鄧萃雯, 今次搵嚟ViuTV另一自家製劇《詭探前傳》男主角,叱咤藝壇半世紀嘅鄭少秋至鮮、至型、至威猛圖片,大俠魅力盡展。

撰文:東方新地|圖片:東方新地

回顧72歲鄭少秋後生靚仔相

|49年 與慈母合照

鄭少秋47年生於廣州,相中嘅秋官約莫歲半兩歲大,眼仔碌碌好精靈,由慈母抱實影家庭相,面貼面超溫馨。

鄭少秋
鄭少秋

|67年 首擔正電影

66年鄭少秋有份演嘅話劇獲獎後獲堅 城電影公司賞識簽約,67年首部擔正電影 《 黑煞星 》就同影壇天后陳寶珠合作,惜 戲份少兼適逢粵語片開始式微,為生計轉到歌廳唱歌。

鄭少秋
鄭少秋

|78年 最佳張無忌

鄭少秋78年喺劇集《倚天屠龍記》演張無忌,同汪明荃、趙雅芝演嘅趙敏、周芷若上演愛恨交纏,連金庸先生都認為秋官係最符合原著中優柔寡斷嘅張無忌。

|79年 書劍奠一哥

69年轉戰電視簽約無綫,76年憑動用 全台精英嘅武俠劇《 書劍恩仇錄 》一人分 飾乾隆皇帝、紅花會總舵主陳家洛、統領 福康安三角而爆紅,奠定無綫一哥地位。

|79年 熒到無朋友

79年一張視覺效果特別嘅鄭少秋靚仔 相,由多條人形黃色熒光線圍繞住,秋官型 / 熒到無朋友。

|79年 撼贏友台

79年麗的電視自創武俠劇《天蠶變》收視贏無綫,TVB立即動用全台最紅小生花旦趕 拍《楚留香》 迎戰,鄭少秋演風流倜儻嘅楚留香,唔單止收復失地,套劇仲喺台灣大受歡迎,令鄭大俠紅透港台。

|79年 扮嘢秋響朵

鄭少秋79年喺《歡樂今宵》「影 視歌星模仿大 」,模仿日本天王澤田研 二名曲〈 Oh! Gal 〉經典船長制服帽遮 半邊眼造型,搽脂蕩粉邊搖邊唱廣東 版,幾可亂真下「 扮嘢秋 」響晒朵。

|81年 拜師劉家良

繼80年拜內地粵劇名家陳笑 風為師後,81年又拜劉家良為師 學習洪拳成為大弟子,原來家良 哥前妻係沈殿霞嘅密友,佢從肥 姐口中得知秋官一直仰慕劉師傅 想拜師,於是一手促成好事。

|81年 東洋無間道

鄭少秋著古裝揸劍嘅大俠 look 見得多,一身空手道袍揸東 洋刀就極罕見,原來喺 年劇集《 烽火飛花 》嘅宣傳相,劇中秋官演表面係日本皇軍翻譯官,實則係中國軍方特工卧底。

|83年 攬實林青霞

《 楚留香 》82年攻陷台灣,鄭少秋順勢到台灣發展,83年同第三次合作嘅 大美人林青霞拍電影《情人看刀》,記 招上秋官對青霞又攬又捉,不過青霞強顏歡笑唔多享受。

|85年 娶沈殿霞

鄭少秋85年同沈殿霞結束11年愛情長跑喺加拿大結婚,87年5月30日誕下二女兒(與首任妻子育有一女)鄭欣宜,秋官飛去溫哥華陪分娩,但88年兩人離婚收場,有傳係因官晶華介入。

|89年 娶官晶華

鄭少秋 年同台灣女星官晶華拍《 楚留香新傳 》時認識並傳出緋聞, 88年同沈殿霞離婚後,翌年就迎娶細佢十七年嘅官晶華, 90年誕下第三位女兒鄭詠恩。

|92年 丁蟹震股市

92年鄭少秋喺劇集《 大時代 》 演滿口歪理嘅狂人,當佢藉拋空 恒指期貨獲暴利時,撞啱香港股 市暴跌,因此有「丁蟹效應」之 說,此後幾乎每次秋官有新劇播 映股市都會下跌,相當邪門。

延伸閱讀:

成都餐廳遭強行霸佔經營!李璨琛發聲明撇清關係望公安介入調查

【烈火雄心】緊接《法證先鋒III》播出 盤點8套最想深宵重播的超級神劇

關注我們Facebook專頁
    相關新聞
      更多瀏覽