【家庭大過天】黃翠如心急生BB 連推兩大重頭劇
2019年05月24日18:31

犯錯一走了之,要成村人為佢收拾爛攤子的黃心穎,連累無綫要揼千萬重拍兩套劇《法證先鋒4》及《牛下女高音》,搞到高層頭都大埋,雖然兩套劇已落實由湯洛雯及江嘉敏重拍心穎戲份,但原來兩個都唔係監製心水人選,據悉兩大監製梅小青及黃偉聲,最初都屬意搵有觀眾緣及演得的黃翠如頂替心穎角色!

撰文:東方新地|圖片:東方新地

黃翠如生B大過天

無綫重頭劇《 法證先鋒4 》及《牛下女高音》已落實重拍,劇中演員要再次埋位拍攝相當慘情,捧錯姣花搞到勞民傷財的無綫,要搵適合又有檔期人選頂替黃心穎再拍,一樣大費周章,幾經波折兩套劇終落實由湯洛雯及江嘉敏頂替黃心穎。

黃翠如
黃翠如
黃翠如
黃翠如

《法證先鋒 4》已定下月重拍,由湯洛雯頂替黃心穎演記者妹,同黃浩然有感情線,為爭取演出機會,靚湯更答應監製梅小青會在劇集開拍前減肥十磅。同樣畀黃心穎翹起的劇集《牛下女高音》,亦會在七、 八月重拍,由江嘉敏頂替黃心穎演King Sir孫女。

但原來兩劇監製,最初都係睇中黃翠如。據知情人士透露:「 爆出『安心偷食』,無綫好快落實重拍《法證4》,小青姐好緊張,話晒重拍梗係想拍得好過之前,揀人頂心穎角色唔可以求其,不過,姐級花旦肯執二攤已經難,仲要就到檔期就難上加難,令佢好頭痛,但其實小青姐一路最想搵嘅係黃翠如,覺得佢氣質同劇中記者妹角色好配合,加上佢同黃浩然合作過幾次,大家好有默契,點知同一時間,《牛》劇都宣布重拍,監製黃偉聲又係睇中黃翠如,搵佢做King Sir(鍾景輝)孫女,咁一個人又點拍兩套劇,最後黃翠如兩套都推咗!」

黃翠如跟黃浩然先後合作過四套劇集,絕對稱得上是熒幕最佳情侶之 一,難怪監製梅小青知道要重拍《法證4》,第一時間就想搵黃翠如頂心穎拍黃浩然。

兩劇監製食檸檬

監製爭崩頭搶人,不過黃翠如上年底先接余詠珊旨頂替李佳芯同林文龍合作演出劇集《致所有愛過的人》,為劇集趕工五個月的她,就連同新婚老公蕭正楠的生B大計也推遲,今次再被點名頂替黃心穎,就唔肯就範。

因李佳芯推劇,黃翠如上年底已臨時受命頂替對方,同林文龍拍劇集《致所有愛過的人》,劇集一拍五個月,黃翠如亦被迫推遲生B大計。

講明婚後不設防造人的黃翠如,抱住好姊妹吳天瑜個 B已經愛不釋手,就知佢真係好恨盡快做媽咪。婚後的黃翠如爭取時間陪老公蕭正楠,學做人妻,兼想盡快為蕭家繼後香燈。新婚生活甜蜜的黃翠如,即使身邊多個電燈膽洪永城,一樣笑到蓮子蓉咁,幸福滿瀉!

黃翠如同老公蕭正楠於過年期間約埋老死洪永城去天賦海灣探朋 友,已婚的蕭正楠還開心向保安哥 哥派利是。蕭生蕭太出名合作又友善,臨入屋苑還向在場記者揮手拜拜。

據知情者透露:「黃翠如份人好易話為,如果唔係之前都唔會肯臨時臨急頂替推劇嘅Ali(李佳芯) 拍劇 ,不 過,佢啱啱先辛苦拍完套劇,真係好想抖吓,而且嚟緊佢就38歲,生B真係唔可 以再拖,一拍劇又要捱更抵夜,根本唔可以養好身體生 B,不過講到尾,佢最唔想就係頂替姣心穎,一嚟唔想外界將佢哋比較,亦冇必要降呢執心穎手尾,所以一開始佢已經唔考慮接,就算小青姐轉向多年愛將蕭正楠埋手,想阿蕭幫口,但生B大過天,兩公婆都照推!」

劇集殺青終於可以休息下的黃翠如,早前同老公一齊出席飯局為黎耀祥慶生。
劇集終在上月殺青,黃翠如同老公蕭正楠即飛峇里享受陽光與海灘,黃翠如還在IG晒出老公視角相片放閃。

延伸閱讀:

44折起入手名牌減價家電 DYSON低至68折!盤點10大BB展必搶筍貨

【小一叩門】叩門三寶申請信、小一portfolio 快靚正自製秘訣

關注我們Facebook專頁
    相關新聞
      更多瀏覽