《PTU機動部隊》4大小鮮肉騷肌搶風頭 網民:高大靚仔仲大隻過林峯!
2019年05月24日20:09

「黃Viu煲劇平台」播出新網劇《PTU機動部隊》,唔少人睇完都大讚有電影水準!其中,劇集除咗有多位好戲之人外,亦有幾位高大靚仔嘅小鮮肉有份參演,每個都六呎高之餘,仲身材健碩,你又有冇留意到佢哋!

撰文:東方新地|圖片:花絮照片、微博、劇照

《PTU機動部隊》4大小鮮肉

麥亨利

現年28歲嘅麥亨利於劇中飾演PTU隊員詹家豪,與方中信有較多對手戲!話說麥亨利係個澳籍華裔演員及歌手,2014年曾以韓國K-POP男子組合JJCC出道,所以都有一定知名度!

麥亨利畢業於澳洲新南威爾士大學,曾於韓國奪得大韓民國文化演藝大賞新人獎,而單單於微博就已擁有103萬粉絲,可見人氣之高!上年,麥亨利更開始參演多部電視及電影拍攝,於電影《紅海行動》演通訊兵莊羽最為人所悉。

楊天宇

現時24歲、擁有爆肌及六呎高model身形嘅楊天宇(Angus),Angus喺劇中飾演PTU隊員陳樂生,同林峯有大量對手戲,開拍前仲特登進行地獄式體能訓練,務求以最弗身形出鏡!

話說Angus畢業於美國西雅圖華盛頓大學,主修經濟,除咗讀書了得之外,佢同時亦都係一名運動健將,曾經係校內排球隊、欖球隊及手球隊隊員,可見佢體格有幾咁強健!

View this post on Instagram

PTU off duty. #gym #workout #motivation #habit

A post shared by Angus Yeung (@angusyeung) on Feb 25, 2018 at 4:55am PST

趙毅新Justin.Z

年紀較前兩位大的趙毅新(Justin.Z)今年31歲,身高1米82,於劇中飾演反派​「鬼添」!畢業於黑龍江大學廣播電視編導與主持專業嘅Justin因選秀節目而入行,曾演出多部電視劇及電影。

不過講到Justin最令人熟識嘅,相信係前年佢喺熱爆內地劇集《獨孤天下》中飾演大反派哥舒將軍,當時有唔少網友都大讚Justin顏值超高!當然,除咗顏值之外,就梗係唔少得現實中結實嘅肌肉啦!

龐雨濃

畢業於加拿大溫哥華電影學院、身高1米85嘅龐雨濃於劇中飾演PTU隊員徐琦,同佢最多對手戲嘅係方中信及麥亨利!龐雨濃於訪問中就大讚方中信雖然作為前輩不時會有嚴肅嘅一面,但同時字裡行間又不失幽默!

龐雨濃近年因主演網路劇《十里桃花後傳》而成功增加知名度,上年佢更夥拍近年移居美國嘅吳彥祖拍攝動作警匪電影《限期破案》,而龐雨濃為咗達致該戲導演嘅動作要求,更努力健身以應付拳拳到肉嘅戲碼!

延伸閱讀:

成都餐廳遭強行霸佔經營!李璨琛發聲明撇清關係望公安介入調查

勾人夫鬥輸小三 姚子羚憂慾照相簿通天

關注我們Facebook專頁
    相關新聞
      更多瀏覽