【專訪】林奕匡新歌講「斷捨離」:人愈大愈發覺最快樂都是買不到的
2019年05月24日11:27

如看不到 請到Youku

林奕匡(Phil)新歌《買不到的快樂》自然是講快樂,他直言有些快樂是買得到,不過歌曲講的快樂是要送出去,先會收得返:「就係一種叫斷捨離。」而且他表示人愈大愈覺得最快樂都是買不到的:「例如係親情、友情、愛情,健康當然都買不到。」

談到「斷捨離」,Phil坦言自己都未必做到,因為屋企仍有好多東西自己覺得是要處理的,他笑言:「但我盡量係想做嘅!」他更分享了將自己不要的東西轉送給需要的人的事:「真係買不到的快樂!」

Phil的歌曲令人共鳴,問到是否希望透過歌曲傳正能量,他表示歌曲最重要有兩樣嘢:「要令人感動,同埋帶來歡樂,未必可以一定兩者都得,有啲歌純粹感動,有啲歌純粹快樂。我覺得兩者都咁重要。正能量嘅歌好得意,可以令你得到快樂亦可以令你覺得好感觸,所以呢啲歌有意義之餘,我自己亦享受去唱!」

除了做歌手之外,最近Phil亦參與了舞台劇《最好的時光》的演出:「一個好新嘅挑戰,成日都要諗講嘢同唱歌要用咩語氣。以前未必諗咁多,純粹唱就唱啦!」2017年Phil在麥花臣開了Show,上年又在九展開Show,今年Phil就計劃了在內地巡迴:「第一次在內地搞演唱會,非常期待同開心!第一場是8月17日會在廣州。」

關注我們Facebook專頁
    相關新聞
      更多瀏覽