【法證先鋒III】搵黎耀祥頂上做男一?歐陽震華親揭Tim Sir被飛之謎!
2019年05月22日21:27

TVB經典劇《法證先鋒》系列於深宵時段重播,依然有唔少觀眾捧場,《法證先鋒》第一及二輯的角色組合更大受歡迎,但2011年播出的第3輯卻由黎耀祥頂上做男一,而其他演員全部大換血,不少網民都認為《法證先鋒》第一及二輯的Tim Sir(歐陽震華(Bobby)飾)同Dr.Koo(林文龍飾)才是最佳組合,而當中更有傳Bobby被消失係同林峯有關。近日歐陽震華接受傳媒訪問,為當年被飛出《法證III》一事而解畫!

撰文:東方新地 圖片:新傳媒圖片、劇照、影片截圖

延伸閱讀:

55歲林偉孝順照顧90歲腦退化媽媽 年少喪父 與母強撐生計!

【婚姻合伙人】林秀怡浴缸埋身肉搏激戰陸永 摸胸一幕都唔係最性感?!

歐陽震華《法證先鋒III》被消失

《法證先鋒》第一、二輯,歐陽震華(Bobby)飾演的Tim Sir,跟林文龍飾演的Dr. Koo的呢個組合都好受歡迎,所以2010年的TVB節目巡禮宣布開拍《法證先鋒III》,Bobby、林文龍和鄭嘉穎都有份拍宣傳片,唔少網民都以為原班人馬演出。

之不過到《法證先鋒III》正式開拍演員卻大換血,男主角由原來的Bobby換上黎耀祥,林文龍、鄭嘉穎、佘詩曼同樣冇份,換上張可頤、陳茵媺、徐子珊、陳展鵬、蕭正楠及吳卓羲等,故事內容都同前《法證先鋒》第一及二輯完全無關,令唔少觀眾感失望!

對於Bobby於第3輯被消失,當時有不少傳聞。有報道指監製梅小青認為《法證先鋒》第一及二輯的感情線難以寫下去,所以第3輯以全新的故事及角色出現。此外也有傳Bobby在拍攝劇集《不速之約》期間不滿林峯常遲到及請假而向高層投訴,結果惹來力撐林峯的高層樂易玲不滿,結果Bobby於《法證III》被消失。

近日開始重播《法證先鋒III》,有傳媒向歐陽震華(Bobby)了解當年冇演男一的因由,Bobby表示當年係一早應承國內一套劇集的演出,由於兩劇撞咗檔期,結果佢無法演出《法證III》。講到錯失做《法證III》男主角的機會,Bobby認為唔會可惜,因為可以令觀眾睇到新鮮的面孔,他更大讚由黎耀祥做男主角好睇,他也有追看。

延伸閱讀:

郭子豪被爆暗撻港姐亞軍鄧卓殷 急澄清與舊愛已分手!

關注我們Facebook專頁
    相關新聞
      更多瀏覽