【專訪】衛蘭挑戰唱國語福音歌 宣揚「無私的愛」
2019年05月15日11:10

如看不到 請到Youku

衛蘭(Janice)近日推出了國語新歌《所以我愛》,有別於以前的治療情歌,今次的歌曲是一首福音歌,關於Janice在信仰中得到和經歷到的愛:「我生命入面,信仰好重要。唔單止愛,亦搵到力量去克服唔順利嘅嘢。所以好想同大家分享呢一份愛。」

至於歌曲中的「愛」是什麼意思,Janice表示就如歌詞所說,是一個無處不在的愛和無私的愛,因為神的愛是沒有條件的,不會要求有回報的。不過Janice坦言錄這首歌的過程不是太順利,因為國語對她來說十分有挑戰性:「但透過呢首歌自己喺國語都學咗好多。」

今次《所以我愛》曲詞都有份參與,Janice直言當自己有份創作,唱的時候感覺很不一樣。問到是否希望向唱作人進發,她表示都想:「自己創作同人哋寫畀我嘅歌唔同,人哋寫嘅歌屬於一個Storyteller咁去講,今次真係我自己嘅生活經歷去同大家分享。」

談到為何推出正能量及福音歌,Janice表示覺得現今社會,香港的氣氛都好需要正面的訊息:「而我知道信仰係絕對幫到,希望可以Keep住唱呢個類型嘅歌。雖然唔會只唱呢啲歌,不過嚟緊會多啲機會。」

關注我們Facebook專頁
    相關新聞
      更多瀏覽