【PTU機動部隊】72歲高雄未出場已成網民焦點 老戲骨高齡不言退!
2019年05月14日19:55

上星期開始,「黃Viu煲劇平台」播出新網劇《PTU機動部隊》,唔少人睇完都大讚有電影水準!不過,最值得一提嘅係劇中有唔少好耐冇喺香港公仔箱出現嘅演員,而劇中飾演「神爺」嘅高雄就係其中一位!

撰文:東方新地|圖片:影片截圖、微博

延伸閱讀:

【倚天屠龍記】祝緒丹歷年上位進化三步曲 被封為近代最美周芷若

何猷君向超模女友奚夢瑤求婚成功 遭內地網民笑橋段娘到爆!

72歲高雄未出場已成網民焦點

上星期四(9/5),「黃Viu」一口氣播出三集《PTU機動部隊》,首集開場即講述扮演卧底警員嘅林峯,成功通知警方緝捕黑幫首領,劇情節湊相當明快緊湊!

由於該劇係中港合拍劇,故有唔少內地演員參與演出,但令觀眾更期待嘅係喺劇中見到好多久未於港劇露面嘅演員,例如飾演黑幫Panda嘅張錦程、中飾演方中信老婆嘅鍾淑慧等。

張錦程飾演黑幫Panda
鍾淑慧飾演方中信老婆

除咗呢班好耐冇見嘅演員外,網民亦非常期待喺宣傳片中出現嘅高雄,高雄於劇中將會飾演神爺一角,相信亦會係黑幫嘅一分子。

由龍虎武師做起

久未露面於港劇嘅高雄原名何耀深,今年原來已經72歲高齡,入行時為龍虎武師,其後轉做跑龍套,直至1982年先有機會正式參與劇集演出,1995年的《精武門》更令高雄一炮而紅!高雄曾轉投於TVB及亞洲電視做合約演員,故唔少觀眾都相信對佢甚有印象。

由於高雄以往經常以古裝出鏡,加上後生時已留鬚,因此被笑稱與中國著名文學家魯迅撞樣!

老戲骨高齡不言退

1996年,高雄為咗下一代有更好嘅教育環境,決定舉家移民溫哥華,但多年嚟從未放棄演戲機會,期間依然接拍唔少電影及電視劇。不過,講到最威水除咗係喺2005年獲邀為韓劇《香港特急》客串演出外,更曾拍攝過荷理活電影!

近年高雄主力喺內地拍劇,由於多數演老人家角色,所以現已白髮白眉毛白鬍鬚嘅高雄,都唔需要特別化妝即可以演出!咪睇高雄依家72歲高齡,但佢不時於個人社交網更新近況,雖然暫未見佢於《PTU機動部隊》中出現,但已有好多觀眾期待佢會為劇集帶來咩驚喜演出!

延伸閱讀:

神秘博客葉朗程寫「爆房」故事 網民質疑女主角為唐詩詠!

關注我們Facebook專頁
    相關新聞
      更多瀏覽