早有共識不婚不育 阮兆祥與女友相愛18年
2019年05月11日22:20

聽日就係母親節喇,唔知各位藝人又會點過呢?今個星期二梅小惠就喺社交網上載飯局靚相,連同藝人阮兆祥、江欣燕及陳彥行等人,約埋佢哋一大班媽媽飯敘,一同慶祝母親節!除左合照之外,相中見到佢哋送花之餘又換禮物,氹得媽媽們都眉開眼笑,好有愛呀!

撰文:Leo Fu| 圖片:Facebook、Instagram、新傳媒資料庫

延伸閱讀:

蛋黃油5日治好濕疹?中醫師:勿用焦黑燶蛋油外敷內服

非常老師亞伯林 成YouTuber搞笑改歌教科學

飯局除咗媽媽們之外,入行超過27年的阮兆祥仲帶埋女友Crystal出席,唔知女友會唔會呷醋呢?事關阮兆祥同小惠幾十年嚟都一樣老友親密,以前曾聯名買樓,更講過「50歲未嫁人就娶佢」。

阮兆祥
阮兆祥
梅小惠連同阮兆祥等藝人飯敘,慶祝母親節

最親密的朋友

不過,阮兆祥亦解釋過佢同小惠之間只係親人之間咁老友,更因此同女友開過個玩笑𠻹:「如果我實踐50歲娶小惠嘅承諾,記得小惠做大,你做細。」小惠亦開玩笑地提過「佢(阮兆祥)一日未結婚,我都有機會,如果佢結婚,我就搵個垃圾嫁咗佢算」,真係唔知佢哋講真定講假呀!

阮兆祥
阮兆祥

阮兆祥
阮兆祥

阮兆祥與女友 愛足18年

唔講唔知,原來阮兆祥同佢女友Crystal已經愛情長跑咗18年,至於幾時先拉埋天窗,阮兆祥曾自爆早就同女友講好不婚不育:「未拍拖之前,我問佢,如果唔結婚介唔介意?佢話唔介意,我再問唔生小朋友介唔介意?佢話唔介意,然後我先話咁我哋可以拍拖喇。」

阮兆祥
阮兆祥

「我見證好多身邊嘅人結婚,又離離合合,但我身邊依然係Crystal,即將踏入第17年,大家相處得舒服就得。」原來大家已經早有共識喇!阮兆祥亦提到佢哋「咩都會講出口」、「唔使估估吓」,大家性格相近、坦誠相處,就係佢哋關係長久嘅關鍵吧!

阮兆祥
阮兆祥

不過,關係長久都唔代表冇爭執嘅,事關18年都唔有咁耐熱戀期啦,阮兆祥亦大方分享佢哋嘅相處之道:「依家當有意見不合,一感覺到大家啲火嚟緊,講嘢開始有啲骨,就會行開吓,等大家冷靜返落嚟,啖氣落咗就無事。」大家默契咁好,如果係相處得咁融洽,的確結唔結婚,都只係儀式嚟啫!

阮兆祥
阮兆祥

延伸閱讀:

【復活節活動2019】4款DIY復活節親子手作

關注我們Facebook專頁
    相關新聞
      更多瀏覽