診所職場事 【寶豬趣聞】找錢 | 珍寶豬 | 經一專欄
2019年05月10日17:12

【診所職場事・經一專欄】有日一位先生睇完醫生。

我同佢講:「呢度轉介信,一百蚊呀」

佢拎出一千蚊紙,我:「唔好意思呀先生,你有冇其他俾我呀?我冇咁多找俾你呀」

佢:「找九百咋喎」

我:「係呀,如果你唔介意好散嘅,我都可以照找俾你嘅,都要找成五百蚊廿蚊紙俾你…」

撰文:珍寶豬|圖片:電視截圖

延伸閱讀:

上司滿意工作表現 但嫌與同事關係唔夠好 網民:唔通要同佢哋攬頭攬頸|網民熱話

黃金周+夏季旅行高峰 呢隻機場股 短炒最後召集 | 北京首都機場 | 港股分析|投資有道

「你笑咩呀?好好笑咩?」

佢:「五百蚊廿蚊紙?你唔俾一百蚊紙我?」

我:「就係因為我冇晒一百蚊紙找俾你…」

佢:「你老豆疊羅漢呀?」

…你做咩突然出呢句呀?我駁唔到落去呀。

我笑笑:「唔好意思,我唔知我老豆識疊羅漢」

佢:「你笑咩呀?好好笑咩?」

咁我喊囉好冇?我喊住講我老豆唔曉疊羅漢囉好冇?

找五百蚊廿蚊紙

我一臉正經:「咁請問先生你想自己出去唱散張一千蚊紙再俾錢,定係我照找五百蚊廿蚊紙加四張一百俾你呢?」

佢:「咁麻煩㗎!出面邊度有得唱呀?」

我:「你可以去七仔增值幾百嘅,或者出面都有幾間銀行嘅櫃員機~」

佢:「你係咪專登唔找俾我咋?」

係呀,一定係見你靚仔得滯想見多你幾面,留多你幾分鐘講多幾句嘢啦,我真係想喺登記處度裝塊連身鏡,俾啲人知道自己個樣係點~

我:「先生,係咁啱我哋冇晒一百蚊紙啫」

佢:「咁我可唔可以喺度等到你有一百蚊紙呀?我唔想行嚟行去呀」

我:「可以,如果一陣有人睇完醫生俾啲一百蚊紙我嘅,我可以找一百蚊紙俾你嘅」

於是,先生坐低咗。

一個客都冇?

但係等呀等呀等呀,一等就十五分鐘,本診所冇客到…陰公。

佢行埋嚟問我:「你仲未找得錢俾我呀?」

我:「我哋都冇病人嚟過,冇人俾過錢…」

佢:「咩診所呀?一個客都冇?」

我:「咁啱啫,你會唔會出去唱呀?咁應該會快好多喎」

佢:「哎,真係你老豆疊羅漢」

啊!原來呢句係你嘅口頭禪~

佢終於行出去唱錢後再返嚟俾錢…一早係咁咪好囉~

延伸閱讀:

$1億六合彩4月20日攪珠 歷史統計 呢個字頭號碼最旺 | 金多寶 | 香港賽馬會 | 六合彩2019 | 投注站

關注我們Facebook專頁
    相關新聞
      更多瀏覽