直擊39歲莊思敏孖台商遊山頂 為保戀情低調拍拖!
2019年05月10日15:14

馬拿督千金莊思敏(Jacquelin ), 11年同拍拖五年歌手吳浩康甩拖後, 雖然同過導演葉念琛傳緋聞,不過都係冇米粥,Dry足7年,終於趕在39歲生日前開齋,新歡是台灣商人,外形有幾分似前度吳浩康,睇嚟莊思敏特別鍾情同一type男士!

撰文:東方新地|圖片:東方新地

延伸閱讀:

【鐵探.結局劇透】袁偉豪同Bingo再相遇!半癱黃智賢「起身」火拼營長

傳陳法拉將秘嫁法國猛料男友 本周六低調舉行婚禮!

莊思敏Dry足7年有著落

年初先至話大馬拿督夫人阿媽心急到拉她去相睇,原來唔聲唔 聲,莊思敏感情已有著落,早前出席活動,更忍唔住開心share,雖然未 有直認拍拖,但亦漏口風表示:「怕小器,都係唔講咁多住!有好消息就 會公開!」在5月1日正日生日舉行的39歲生日P,就算大班朋友在場,台版吳浩康亦全程陪在身旁。

莊思敏
莊思敏
5月1日39歲生日,莊思敏在自己開 設的酒吧開P慶生,雖然畀大班仔 圍住影相,不過身旁最重要位置 都係留番畀新歡,親密關係不言 而喻!

莊思敏
莊思敏

密飛香港探女友

據悉莊思敏同台版吳浩康早於幾年前已經認識,直至上年莊思敏到台灣拍電影,留台一段時間,同男方頻密約會擦出愛火,能夠成功追掂大馬拿督千金,台版吳浩康全靠密集式攻港攻陷芳心,據知情者透露:「佢哋都係開始咗幾個月,Jacquelin好緊張呢段感情,始終Long D戀情要互相遷就,男友又係生意人,本身工作好忙,但幾忙都好,佢每個月一定飛嚟香港幾次探女友,不過,始終男友唔係呢個圈,Jacquelin都 怕佢唔習慣娛樂圈模式,驚啲新聞會嚇親佢,所以拍拖拍得好低調!」

莊思敏駕駛的紫色座駕非常搶眼,到達山頂後她先 車泊入廣場停車場,再孖台灣商人男友遊山頂。
莊思敏和台版吳浩康逼入自由行堆中玩自拍,向來硬朗的 Jacquelin,全程表現如小鳥依人,更冧爆挨實男友影相。

為慶祝拍拖後首個生日,台版吳浩康安排連串生日活動,在莊思敏 生日前夕,二人拍拖遊山頂,當日下午三時許,莊思敏同男友在中環撐 完枱腳,駕車去山頂拍拖,她先將車泊到廣場停車場,之後兩人唔怕人 多,逼入大媽人潮行上凌霄閣睇風景,台版吳浩康望住Jacquelin 更加嗒晒 糖笑到四萬咁口。

早前出活動自爆有好消息公布的莊思敏,原來 已秘密覓得真命天子,日前孖外形似足前度吳浩康的台商遊山頂,表現冧爆。
山頂景色當然唔及女友吸引,台版吳浩康不時望住女友嗒晒糖,單睇都知佢有幾冧!

似足初戀

即使置身人堆仍如進入無人之境,眼中只有對方, 平日成個女強人的莊思敏,更似足初戀淘氣,不停攞手機同男友 Selfie,一時冧笑一時嘟嘴,之後台版吳浩康更逼去買雪糕氹女友,體貼 表現真係未食都甜入心!莊思敏正日生日在其開設的酒吧開P 慶祝,廣邀 好友出席,台版吳浩康全晚如男主人陪伴左右,之後緊接齊飛越南蜜遊。

攞住雪糕又selfie,睇見已經甜到漏。
莊思敏香港開完生日P後,便孖住男友甜遊越南,拍拖心情大靚,連日大晒三點式,相信全是男友視角!

本刊致電莊思敏求證新戀情,她顯得非常避忌:「大家只係朋友,佢係台灣人,嗰日佢嚟香港我陪佢啫!(係咪想保護戀情?)唔係,只係唔想影響到人!(想穩定啲先講?)有過之前嘅經驗,我都想感情穩定啲先 公開!」話晒等足7年先搵到有情人,39歲莊思敏唔想有閃失可以理解!

久旱逢甘露,拍拖如沐春風的莊思敏,對住男友即變小女人,同男友食住雪糕行去廣場停車場攞車,sweet爆一齊返半山寓所。

延伸閱讀:

惠英紅兩度失「最佳女配角」未失望 激讚xxx可塑性高有前途

關注我們Facebook專頁
    相關新聞
      更多瀏覽