急性肺炎曾入ICU賢妻監控 揭歐陽震華頂級養命法
2019年05月09日20:45

六年前的年初二,歐陽震華(Bobby)開P暢飲狂歡後,落錯隔嗆喉導致急性肺炎,昏迷入院搶救,當年令其妻、澳門前賭王傅老榕孫女傅潔嫻甚為擔心,差點成為植物人的Bobby福大命大,康復後未有戒酒,不過在賢妻的嚴密監控下,要堅守有節制的識飲識食生活。

死過翻生的Bobby深覺命仔與老婆最緊要,傅潔嫻亦為老公健康著想,不時進補調理身體,家中冬蟲草與 燕窩長食長有,Bobby更以乾瑤柱作為零食,識得滋陰補腎,再加上冇工作壓力,凡事歎慢板,被喻為頂級養命法。日前夫婦二人去跑馬地睇幫襯多年的名中醫,心廣體胖的Bobby拎走一大樽中藥粉,與老婆趕 下場去打邊爐,繼續享樂人生。

撰文:東方新地 | 圖片:新傳媒圖片 | 編輯:Chloe

延伸閱讀:

44折起入手名牌減價家電 DYSON低至68折!盤點10大BB展必搶筍貨

【復活節活動2019】全港15大復活節商場打卡熱點 | 卡通人物、STEM成大熱主題

歐陽震華死過翻生

歐陽震華(Bobby)天生一副福相,唔靚仔但憑鬼馬性格及出色演技在電視圈走紅幾十年,感情路上簡直如中六合彩,太太傅潔嫻是澳門第二代賭王傅老榕的孫女,傅老榕家族為香港富麗華酒店創辦人,酒店1985年上市,家族持有資產約80億港元。 Bobby96年在加拿大結婚,98年才公開婚訊,因為傅潔嫻是豪門後人,所以務必低調。

歐陽震華
歐陽震華
日前歐陽震華與太太傅潔嫻現身跑馬地一間相熟中醫館,據 知二人幫襯已逾十年,與店內的中醫師非常稔熟。

滋陰歎蟲草燕窩

歐陽震華
歐陽震華
歐陽震華夫婦平時愛以冬蟲夏草及燕窩來補身,這日睇 完中醫傅潔嫻在店內選購蔘茸海味,Bobby突然推開太太狀甚心急。

大難後繼續飯敍

13年Bobby在友人家舉行開年P,無酒不歡的他當晚喝過大量酒,凌晨時分突然昏迷被送入ICU,經搶救十二小時度過危險期,令太太傅潔嫻嚇餐飽,Bobby出院後曾三度承諾 ︰「以後食嘢會檢點啲,酒飲少啲。」不過好快就繼續飯照食、酒照飲。據知 情者透露:「當年飲完酒出事咁大鑊,Bobby同Rosanna(傅潔嫻)曾經有段時間好深 閨,不過兩公婆都流住酒精嘅血,好快又出嚟同朋友飯敍開P,佢哋習慣咗以酒會 友,當然唔會戒酒啦!係冇以前玩得咁盡,以前閒閒哋飲通宵,依家唔會喇,佢哋會 畀足夠時間自己休息同回氣,同埋keep住睇中醫調理身體,有Rosanna監督住,Bobby 已經節制咗好多,就算幾鍾意食嘅嘢,如果食多無益,Rosanna亦唔會畀佢食過量,不 過Bobby真係好為食,有時拍劇開工趁老婆唔喺身邊,佢都會暴飲暴食。」

乾瑤柱當零食

原來Bobby急住行去拎乾瑤柱食,乾瑤柱被列為「海八珍」 之一,有滋陰補血、歸肝、腎、脾經之用;含豐富蛋白質、磷酸鈣及維他命A、B及D等,Bobby揀零食都富貴過人。

等執藥期間,Bobby對乾瑤柱零抵抗力,拎完再拎,難得老闆大方 冇詐型,不過Bobby亦好識做,食完一輪主動話要買一斤。

Bobby與太太住在位於白建時道的豪宅,私下又是三間食肆的老闆,Bobby 近年的養生生活足以媲美富豪級,其頂級養生法同燒錢無分別。知情者透 露:「Rosanna系出名門,好細個已經成日食燕窩,仲要食最貴最頂級嘅血 燕,真係唔係人人食得起,因為Bobby當年係急性肺炎,血燕就係可以補肺 養陰、止肺虛性咳嗽、減少肺氣病變,依家兩公婆一齊食,屋企定時都 會入定貨。另外Bobby亦日日食冬蟲夏草,唔係講笑,真係當飯咁 食,個個月花費喺補品食材方面都過十萬。」

買樽儲存藥粉

今時今日,服用中藥可由藥粉代替,Bobby對製作藥粉的銀色機 器非常好奇,他更跑到隔籬雜貨店買玻璃樽,用來存放自己的藥粉,非常環保。

日食冬蟲草養生

Bobby養生好揼本,所食的冬蟲夏草動輒三萬元一両,每両約 食十日,平均每月豪花近十萬,年前他曾被影到去掃冬蟲夏草,至 於食療則交由太太炮製,賢妻傅潔嫻持家有道,每日都吩咐家中傭 人燉湯、煮飯或焗水讓Bobby服用。Bobby亦曾經直認不諱近年主 打食冬蟲夏草養生,因為冬蟲夏草有滋肺陰補腎陽、有提高免疫力 功效。除了專注在食療上,Bobby在生活態度上亦有所改變,他曾 說:「人可以好偉大,又可以好渺小,真係要喺有知覺嗰陣,做多啲 有意義嘅事,仲要乜嘢都要玩多啲,今次我真係體會到。」

本來已經生活富泰無憂的Bobby,近年更加刻意減產,堅持「半年休 息,半年工作」,而近年每次為無綫拍劇,都必定在開劇前約法三章,每日 開工要有十粒鐘休息。放慢腳步享受人生的Bobby,多了時間陪愛妻周圍 去,二人膝下無兒女,過二人世界開心又快活。自17年拍完無綫劇《誇世代》,近年Bobby只接工時短自由度高的工作,不時返國內登台接商場騷,太太 傅潔嫻亦樂做跟得夫人。

冇見一排,Bobby身形膨脹不少,遠睇有幾分似秦煌,雖然他曾表示自己冇三高(高血壓、高血脂、高血糖),但體重應該超晒標。

發福現身跑馬地

日前Bobby與太太傅潔嫻以全黑夫婦裝現身跑馬地,前往幫襯 多年的名中醫師,經醫師把脈診治後,二人在店內閒逛等執藥,傅 潔嫻在揀選蔘茸海味之時,Bobby行動迅速走去拎乾瑤柱即場放入 口當零食,現場所見,他食過翻尋味拎完再拎,最後可能食到自己 都覺唔好意思,索性買走一大包返屋企再慢慢食。據知Bobby今次 去睇中醫並非有病求醫,只是定期調理,故醫師開了藥粉給他每日 食用,Bobby亦好環保,隨即走到隔籬雜貨店買了一個大玻璃樽存 放藥粉。

近月養精蓄銳的Bobby,在太太悉心照料下,明顯心廣體 胖,睇完中醫二人即趕下場,駕車去銅鑼灣會友人打邊爐。做人及 時行樂係好,現年58歲的Bobby切記六年前就係因為太盡興而出 事,小酒可以怡情,千祈唔好再暴飲暴食,令老婆擔心喇!

睇完中醫,Bobby駕駛其三年前買入、價值70萬的「美國野馬」辣車,趕往下一場飯局。
日前坤哥吳業坤開個唱,Bobby夫婦與梁競徽一齊去捧場,完騷後更入後台興奮合照。

趕下場打邊爐

Bobby近年被賢妻監控日常飲食,但他認為今朝 有酒今朝醉,未因六年前入院而改變想法戒酒, 曾與他合作的萬綺雯曾公開踢爆他冇王管時繼續 暴飲暴食。

吃喝停不了

晚上7時許正值晚飯時間,Bobby睇完中醫 去醫肚,他把座駕泊在銅鑼灣鬧市,交由代 客泊車,與太太傅潔嫻行到附近一間上樓火 鍋店,原來早已相約友人打邊爐。

2013年肺炎入ICU

六年前52歲的Bobby,大 年初二與圈中好友陶大宇、謝天華、郭政鴻等劈得之人舉行開年派對,暢飲狂歡後,凌晨突然被送往灣仔律敦治醫院,情況嚴重急送深切治療部搶救。

Bobby經理人Lydia事後表示Bobby落錯隔嗆喉導致急性肺炎,否認跟飲酒有關,但據知Bobby當晚心情勁high,確實喝過各種 烈酒。

Bobby送院當晚情況嚴重,經搶救12小時後仍要留在ICU觀察,醫院大為緊張,臨時放置大型屏風遮住出入口。其太太傅潔嫻在ICU探望 Bobby後,神情哀傷,一直低頭避鏡頭。

當年傅潔嫻雖然極度擔心 Bobby,但仍堅強地在社交網逐一回覆好友們的慰問。

逢P必到

Bobby在圈中人緣極好,每年樂易玲 生日開P,他都一定人到禮到。

當年鋼條身形

出道三十多年,這 張Bobby與當年同期出道的關禮傑合 照超級經典,除了 魚網衫露點潮爆, 原來當年Bobby都 曾經弗過。

ew-003

延伸閱讀:

【親子好去處】港珠澳2日1夜親子自由行好去處提案

關注我們Facebook專頁
    相關新聞
      更多瀏覽