【臍帶繞頸】張嘉兒驚險誕第二胎:好彩醫生超專業
2019年05月09日21:03

現年35歲嘅香港小姐冠軍張嘉兒,第二胎預產期為5月初,不過BB非常百厭,過咗40周都依然未肯出嚟見爸爸媽媽。今日BB終於出世,仲要係B女嚟,點知原來生產過程相當驚險,因為臍帶繞住BB頸,好彩最終都平安出世!

撰文:Kammy|圖片來源:張嘉兒Instagram,張嘉兒Facebook

延伸閱讀:

【復活節親子活動2019】《復仇者聯盟4:終局之戰》限時展覽登陸銅鑼灣

【母乳教室】親餵VS泵奶?餵母乳姿勢5招+儲存方法大解構

過咗40周見紅BB未肯出世

本身育有一女嘅張嘉兒早前透露,而對BB夠鐘都未出世,表現得非常淡定,皆因醫生話佢胎水仲夠,BB各樣嘢都好健康,仲話諗住返屋企煲劇添:「醫生話BB睇落仲未想出嚟,好似好舒服咁,子宮收縮亦都未夠頻密,可以繼續返屋企休息。雖然過咗40週(周),但係醫生話未需要催生,因為胎水仲夠,各樣嘢都好健康。咁我繼續等下(吓)啦,睇埋尋日嗰集權力遊戲先!」

張嘉兒
張嘉兒
張嘉兒早前透露過咗40周已經見紅,但係BB未肯出世

張嘉兒驚險誕第二胎

點知過咗幾日,BB就出世喇,仲宣佈係女嚟,叫做Hannah!張嘉兒仲喺網上分享幾張BB相,見到張嘉兒攬住B女甜笑,而Hannah仲好可愛添,場面溫馨!

張嘉兒
張嘉兒
張嘉兒就宣佈BB出世喇
張嘉兒
張嘉兒
細女叫做Hannah

不過,張嘉兒就大爆生產過程十分驚險,事關原來BB女被臍帶纏住,仲要纏3個圈添!但好彩醫生都解決咗個問題,最終BB都平安出世,重3.25kg,母女平安。

張嘉兒
張嘉兒
張嘉兒攬住B女甜笑,而Hannah仲好可愛添,場面溫馨!

張嘉兒發文如下:

大家好,同大家介紹我個細女,Hannah Lau. 佢早兩日終於出世啦 。今次好開心都係順產。生第二胎真係快過第一胎好多。入醫院開咗三度然後三個鐘頭後就生得啦。不過唔知點解今次真係痛好多,可能因為醫生話原來個臍帶圍住左係BB女個頸到三個圈,好似帶咗三條頸巾咁。聽落真係有驚無險,好彩我個醫生超級專業,好快就解決咗個問題,完全冇令到我有恐慌嘅感覺。

張嘉兒
張嘉兒
張嘉兒一家四口

張嘉兒
張嘉兒

多謝仁安醫院嘅護士同埋醫生悉心嘅照顧!我康復得好快BB亦都好健康。

當然亦都要多謝我老公同埋我家姐一路陪伴着我,係我住院期間照顧我個大女。

張嘉兒
張嘉兒

張嘉兒
張嘉兒

張嘉兒
張嘉兒

張嘉兒
張嘉兒

延伸閱讀:

【親子好去處】5大度假營推介 入住特色Camp

關注我們Facebook專頁
    相關新聞
      更多瀏覽