TVB、 ViuTV以PTU為題劇集對撼 林峯回歸港劇即撼娘家!
2019年05月07日16:51

今年適逢係香港警隊成立175周年,TVB同ViuTV都同時會於今個月播出兩套同以警隊機動部隊PTU做題材嘅電視劇!兩套題材都一樣,唔知你又會睇邊套呢?

撰文:東方新地|圖片:新傳媒圖片庫

延伸閱讀:

【鐵探】劇透慎入!Bingo死前爆殺死洪永城終極真兇 幕後兇手一直潛藏眾人身邊!

家傭因事急請辭回鄉 車婉婉憂兒子患分離焦慮症

TVB《機動部隊2019》

適逢今年係香港警隊成立175周年,TVB將於今個月12日播出一連四集、與香港警務處聯合製作嘅劇集《機動部隊2019》(前名《警察故事2019》)。

之前喺《鐵探》中天人相隔嘅Matt sir(楊明飾)與招喜悅(蔡思貝飾)將會再度重遇,再續前緣,皆因二人會於《機》中齊齊做PTU行孖咇!

據知,劇中演員拍《機》時亦經歷唔少真實中機動部隊成員要經歷嘅事,例如親身體驗被胡椒噴霧勁噴嘅滋味!其中,蔡思貝亦有份拍攝《機》,於訪問中坦言被噴胡椒噴霧:「好辛苦,真係毫無控制地流眼淚、流口水、流鼻涕,成個腦係麻痺,然後唞唔到氣、呼吸困難。」

不過,TVB早前就率先上載咗幾集喺網上畀大家睇,結果有網民表示覺得劇集節奏比較慢,而且畫面色調到好暗,睇得好辛苦咁話,唔知到電視播出時係咪都係咁呢?

ViuTV《PTU機動部隊》

另一邊廂,打對台嘅ViuTV同樣會將於今個月9日播出《PTU機動部隊》,新劇會由林峯、蔡卓妍、方中信領銜主演!

加上,仲有譚耀文、林雪、張繼聰、温碧霞、苑瓊丹、石修等實力派演員,相當人強馬壯!

此劇故事講述卧底警員高家聲(林峯飾),搗破黑幫組織後重返警局並加入PTU,與女沙展何慧玲(蔡卓妍飾)和鐵面無私嘅隊長劉建暉(方中信飾),經歷一連串誤會後,建立起同僚之間嘅感情!

《PTU機動部隊》劇照
《PTU機動部隊》劇照

相信唔少人都知今次係林峯時隔五年再度回歸接拍港劇,單係呢個原因已令粉絲十分期待!而且,更值得一提嘅係此劇係林峯入行21年嚟首次未試過着制服拍劇!

林峯首次著上PTU制服拍劇,相信已令大家有耳目一新嘅感覺!

日前,林峯出席劇集造勢會,更分享自己拍攝外景行咇時,好多市民都誤以為佢哋係真警察!最搞笑係就連拍「掃樓」戲時,亦撞到真警務人員,搞到連對方都覺得奇怪點解會有另一隊人「掃樓」。

劇集中亦不乏唔少槍戰、爆炸場面,而且亦會有警民衝突,相信會引起觀眾一定共嗚感!

延伸閱讀:

【鐵探】蔡思貝洗走高八度聲線演技獲讚 網民:耳仔唔使再受罪!

關注我們Facebook專頁
    相關新聞
      更多瀏覽