黃翠如大爆秘婚過程及生B計劃 過檔TVB原來同一個人有關!
2019年05月03日19:30

今次搵到黃翠如大談誤打誤撞入行,由細台主持到入大台拍劇種種經過。新婚的她又分享結婚過程及跟丈夫蕭正楠的相處!

撰文:東方新地|圖片:東方新地、微博

延伸閱讀:

鄧紫棋踢走「包包臉」困擾 公開3招獨門瘦面秘訣

死過翻生賢妻監控 揭歐陽震華頂級養命法

黃翠如過檔TVB原來同一個人有關

對於是否誤打誤撞去咗有線電視,黃翠如話:「我畢業嗰年沙士,搵唔到工,我驚無收入,嗰時有線電視請 人,我仲記得我一入行得三千蚊,03年得三千蚊,好得人驚。」

「開頭我係娛樂記者,我嘅轉捩點係我上咗喜馬拉雅山探電影《喜馬拉亞星》班,我無做過啲咩返嚟,但公司覺得我拍咗旅遊節目返嚟,跟住調咗我去做旅遊節目,發現我做旅遊節目比新聞好,直到洪永城過咗 Now TV 一年,我見佢做《一個地球》嘅 budget 好似好大,我咪跟住過 Now TV!」

再過檔TVB,翠如覺得感恩自己發展:「我好記得我一入TVB,個記者問:『 你憑咩覺得自己有資格可以入 TVB,可以有一個位置?』我答『 呢個係一個入場券,佢隨時可以攞走。正如我前半生做好多旅遊節目,每個地方兜完個圈我會走,無一個地方係永遠留低。對於我嚟講 TVB 又係一個新嘅國度,但唔係全世界,對我嚟講係一個探索嘅地方。』」

自言不愛計劃,縱使計劃了也往 往出現跟現實不同的走向,「好似我從來無諗過入 TVB,尤其我由細嘅台做起,點會幻想到有一 日可以喺TVB嘅化 妝間度坐?」

對於「 每個人心目中都有個黃翠如 」這句,翠如笑言:「我到依家都想知係咩人寫,文筆咁好。洪永城嘅文筆係好差㗎!」

與洪永城關係

至於問到翠如係咪同意男仔同女仔,可以係純朋友嘅關係,翠如即答:「好明顯係啦,我同洪永城之間!我哋兩個之間實在太舒服嘞,所以任何人講任何嘢都好難影響到。佢平時唔會點打畀我,但由佢知我同佢女朋友一 齊出 event,佢不停咁煩我,叫我好好睇住佢女朋友,我對於佢嚟講,係理所當然要幫佢做任何嘢嘅態度。調番轉,我對佢亦係互相無畀面嗰種舒服。」

至於結婚有冇同洪永城講,翠如就坦言:「有嘅,我結婚其實話咗畀佢知,佢成日話我無講,其實我講咗好多次,只係我無好明示,佢好蠢咁啫,咁佢蠢呢樣嘢我無計㗎!」

秘婚過程

問到點解選擇秘婚,翠如直言:「其實無專登選擇任何嘢,都係一個唔係好有計劃嘅計劃。佢同我求咗婚,我哋去旅行,去嘅時候諗唔知會唔會註冊到,去到 攞表格、上網搵律師,等咗幾日,我哋繼續去玩,律師提我哋 需要戒指,四圍去搵但無我 size,因為對於西方人我手指太 幼,改又改唔切,最後喺市集買用餐具整成嘅戒指,證婚人都係律師嘅鄰居。」

翠如續說:「求婚嘅時候,佢已經送咗隻戒指畀我㗎嘞,但我唔知依家擺咗喺邊。」至於老公同佢邊個浪漫啲,翠如就話:「佢浪漫好多,因為我係好褦襶嘅人,好多細位,例如佢會幫我吹頭。」

生B計劃

至於生小朋友,翠如就表示自己無計劃:「計劃從來都係佢做,佢比我諗嘢多啲。佢媽咪同我爸爸媽咪一樣,都係好放任。我屋企無計啦,我屋企五個女唔值錢嘅,少咗個都唔覺,做咩都得啦!佢媽咪好錫佢,亦都好錫我,任我哋點都得嘅!」,不過相信大家都好希望快啲聽到佢哋嘅好消息!

唔急生B,翠如話:「我好鍾意呢個moment,好開心。」
翠如一家

延伸閱讀:

影后級演技大爆發!惠英紅多層次演繹喪子之痛大獲好評!

關注我們Facebook專頁
    相關新聞
      更多瀏覽