【經一專欄】診所職場事 【寶豬趣聞】牙齒當金使 |珍寶豬
2019年04月25日18:18

【經一專欄・診所職場事】有日一位小姐睇完醫生拎藥,正準備俾錢~

佢望望啲藥問我:「係得咁多咋?」

我:「醫生係開呢啲俾你~」

佢:「阿醫生覺得我食完兩日藥就好返?」

撰文:珍寶豬|圖片:電視截圖、unsplash

延伸閱讀:

保鮮花生意每年平均兩成增幅 花藝師開網店發展副業|創業淘金

細價股狙擊 ZC TECH GP上市一年後的走向 | 聶sir | 經一專欄 | 創業板 | 港交所

【診所職場事】「so far so good都要四日啦」

我:「或者小姐你想要幾多日藥呀?你可以直接話我知~因為我哋平時開都係開兩日藥先嘅」

佢:「so far so good都要四日啦」

我:「咁我俾四日藥你,藥費嗰度會加多一百蚊嘅」

佢:「你叫你經理部長是但一個出嚟」

【診所職場事】搵診所經理

又咩事要搵經理呀?你覺得診所邊度有個經理呀部長呀?喺枱底嗎?

我:「唔好意思小姐,請問咩事呢?我哋呢度冇經理嘅,你有咩事可以直接同我講」

佢:「點解我要俾多一百蚊?」

我:「因為你要多兩日藥嘛,前後要四日藥呀嘛?」

佢:「我唔係好明喎,我睇醫生唔係應該包醫好嘅咩?」

萬一不幸地你一世都唔好。我哋係咪要包你一世?

我:「食藥都係減輕你嘅病徵~最主要都係你休息多啲」

佢:「咁靠休息就得嘅,你收我錢做咩啫?我自己夠識休息啦」

我:「如果小姐你唔需要醫生寫俾你嘅病假紙而放假休息嘅…」

佢好大力啪一聲放低三百蚊,之後一副厭惡嘴臉:「妖!即係威脅我啫!」

說話又唔好咁講,大家係明白事理嘅人嘛~

我唔出聲。

佢:「如果我食完啲藥都唔好嘅話呢,我保證呀!我一定會拆咗你哋個招牌呀!我牙齒當金駛呀!」

我:「嗯」

小姐離開後N個月,醫生個招牌仍然屹立不倒,一係佢好返晒,一係佢甩晒棚金牙。

延伸閱讀:

六合彩 復活節金多寶 頭獎達8,000萬 4月16日攪珠 歷年最旺號碼一覽|網民熱話

關注我們Facebook專頁
    相關新聞
      更多瀏覽