【超Sweet!】陳茵媺孖仔女製驚喜 賀陳豪48歲生日
2019年04月18日07:30

藝人陳茵媺(Aimee)同老公陳豪結婚6年,育有2子1女,一家五口一直都畀網民熱捧。Aimee一直都被人話好老婆,呢日適逢陳豪48歲生日,Aimee就孖3個仔女一齊整咗個彩虹生日蛋糕,仲整埋靚靚嘅盒形生日卡,搞到陳豪笑到四萬咁口,成個幸福樣流露出嚟!

撰文:Kammy|圖片來源:Instagram

延伸閱讀:

【80後媽媽】蓮藕章魚綠豆湯

【親子好去處】澳門4大兒童樂園推介

陳茵媺親製蛋糕賀陳豪生日

早前陳豪48歲生日,陳茵媺就為老公喺屋企舉行咗個簡單嘅生日會!為咗畀驚喜老公,Aimee事前就同啲仔女親手整彩虹生日蛋糕,更喺社交網度留言:「Baking a cake during midnight for my baby’s birthday tomorrow… Wish me luck! ❤️」

話咁快陳豪就48歲生日
陳茵媺為賀老公生日,準備材料整生日蛋糕
一班仔女仲親手整生日蛋糕

陳豪收驚喜超冧

其後,陳茵媺開心分享生日會嘅相。相中見到,除咗有「HAPPY BIRTHDAY」布置,更有Aimee同三個仔女親手整嘅彩虹生日蛋糕,就咁睇相真係以為個蛋糕係出面買,超級靚!雖然個生日會只係得佢哋一家五口,但相信陳豪都已經好開心!

陳豪收到蛋糕後仲笑到勁冧
蛋糕整到好靚!

陳茵媺喺網上留言:「Happy birthday to a great husband and daddy…🎉 @moses_chan_ Here’s a home made rainbow cake from us to a man that brings a rainbow into every room he steps into. 🌈 We love you soooo very much! ❤️ Kisses!! (祝偉大的丈夫和爸爸生日快樂……🎉這是一個自製的彩虹蛋糕,是我們送給一個帶給大家彩虹的男人。 🌈我們非常愛你! ❤️)」

全家攬實陳豪影相,壽星仔陳豪冧到爆!

2小時整生日卡

另外,陳茵媺亦上載同班仔女一齊做嘅立體盒生日卡嘅片,盒內更係有佢同3個仔女寫嘅生日卡,代表佢哋各人嘅心意,真係非常有心思!陳茵媺仲話班仔女用咗15分鐘去畫卡,而自己就用兩小時去製作,真係呢啲老婆喺邊度揾!

陳茵媺亦上載同班仔女一齊做嘅立體盒生日卡嘅片
盒內更係有佢同3個仔女寫嘅生日卡
陳茵媺用兩小時去製作,好Sweet呀!

延伸閱讀:

【親子好去處】長洲露營體驗祭 野炊+歷奇工作坊

關注我們Facebook專頁
    相關新聞
      更多瀏覽