黃心穎曾洗腦式誘馬國明棄母 密謀獨霸兼狂洗男友錢!
2019年04月16日21:23

黃心穎與許志安偷食斷正,網民都立即想起大家的另一半,馬國明與鄭秀文。出名是孝順仔的馬明,與心穎拍拖初期曾承諾婚後都會與母親及家人同住,深信婆媳關係一定無問題。但從來不愛拘束的心穎如同一匹野馬,為進一步獨霸馬明,早前不惜日夜進行「洗腦」!

撰文:東方新地|圖片:新傳媒圖片庫、黃心穎IG

延伸閱讀:

【安心偷食】男人最痛…係馬國明!孝順顧家專一卻情路坎坷

許志安爆喊鞠躬道歉 承認當時起色心!

黃心穎與許志安偷食斷正

黃心穎跟許志安,好像「大纜都扯唔埋」,不過今日就有傳媒收到讀者爆片,看到心穎與許志安共同上車,由大坑到鯉魚門短短十幾分鐘的車程,黃心穎起勢錫兼胸壓許志安,許生又時不時摸心穎大脾。

黃心穎
黃心穎

片中見到二人又摸又攬又錫,隱約聽到心穎說:「so sad…我好悶」跟住拉開安仔隻手,安仔惟有將手放在心穎大腿上,不過3秒後又忍唔住撩心穎手仔十指緊扣。由大坑到鯉魚門,二人激咀超過20次。不過全程都好似係由心穎主動挑逗安仔,不停攬住佢狂錫,其中一次更錫了近1分鐘,心穎又將手放在安仔腿部附近游走;當車輛駛入隧道後,心穎再次飛擒大咬狂咀安仔,咀完後忘形到連口罩都戴歪了,其間隱約聽到心穎說:「返屋企,唔好驚喎!」

黃心穎
黃心穎

心穎又將左腳放在安仔身上,啜面錫耳,還用手指幫安仔抹走嘴上的唇膏,風騷入骨。安仔忘記了自己的人夫身份,雖然9成時間都是心穎「主攻」,但安仔卻表現受落,還主動錫了心穎面珠一啖,而心穎相當識做,咀完就戴口罩遮樣,又不停幫安仔拉下cap帽遮掩。當晚心穎表現看似有點醉意,差不多抵達目的地時,本來嗲聲嗲氣跟安仔說話的她,竟忽然轉tone跟司機說:「去到燈位轉右,唔該!」。後事如何佢哋最清楚!

「安心偷食」極大可能發生於本月3日,事關當日心穎曾在IG上載跟安仔、方力申、劉浩龍、梁漢文、丁子高等出席男友人生日飯局的照片,當晚二人的打扮,跟在車廂的衣服一模一樣。

鄭秀文曾經喺Instagram上發布過同黃心穎做Gym嘅相,仲大讚心穎姿勢標準!今次有唔少網民都戥Sammi唔抵,更擔心佢會受抑鬱症影響而諗唔開!

黃心穎 馬國明 婚後二人世界

馬國明與黃心穎的戀情由撲朔迷離發展到現在打風都打唔甩,其實都經過多次考驗,去年有指女方打入富二代圈子一心釣金龜,同時對馬明暧昧若即若離,更因爲二人多次在公開場合避忌唔合體又話好耐冇見而傳分訊,當時直腸直肚的馬明話:「除非結婚或分手,否則唔需要交代。」不過近半年關係突然變親密,一月去完荷蘭歐遊返港,馬明約心穎歎法國菜慶生,又出席黃家爲心穎搞的生日飯,二人感情進步神速。

馬明16年以1,960萬元買入太古城頂層連天台單位與父母及一姊同住,據知主人套房被他佔用,而他亦曾揚言婚後會與父母同住,不過最近他開始轉口風,聲言會為結婚再另買愛巢。

妻母同住夢碎

有指近得物質主義的心穎多,慳足半世的馬明為冧女友願意放血式揈錢,轉換形象買衫褲鞋襪已花費一大筆,平時拍拖食飯行街買嘢都好奢侈,有傳馬母因而對心穎有意見。

據知情者透露,「心穎唔貴唔買,成日都帶馬明去睇名牌嘢,早前買咗對成20萬嘅法國名牌情侶鑽戒,馬明都肉痛㗎!不過心穎覺得最大嘅阻力就係未來奶奶,因為馬明一早就公開話要婚後同屋企人一齊住,心穎係醒目女,只係不停向馬明洗腦,話有時拍完劇放工返屋企都想寧靜地休息吓,兩公婆喺屋企有自己嘅天地,馬明都覺得心穎講得有道理,所以開始打消婚後同屋企人住呢個諗法。」

馬明為人孝順,多年來甚黐家,更曾被本刊記者影到與家人一起做義工,著背心搬貨。

安排婆媳飯局

據知馬母對乖仔突然向外表示要儲錢買多層樓築愛巢雖然有少許失望,但她明白到兒子終有一日要成家立室,最緊要是找到合適的伴侶,見到馬明拍拖拍得開心,馬母亦開始接受心穎。

對於安排母親與心穎食飯見面,馬明曾在訪問中表示心穎形象健康,母親見過心穎後反應很好,又表示父母對他搵女朋友沒有特別要求,「女仔斯斯文文、簡簡單單,父母就ok,最重要係我鍾意,我父母對佢印象幾好。」

黃心穎
黃心穎
6月7日心穎與胡定欣一同出席《深宮計》宣傳活動,一個是馬明現任,一個是舊愛,難得兩女並無芥蒂,好好傾之餘仲一齊派禮物畀老人家。

心穎出道七年多次被指機心重向上爬,但在馬明眼中卻是個簡單的女友,可見他已經中晒心穎毒。其實心穎唔止私底下以二人世界利誘馬明,早前更公開表示拍完《深宮計》令她有所領悟,要愛得及時,所以現實中更珍惜馬明,不抗拒閃婚。被追問何時拉埋天窗,馬明表示30歲的心穎仍年輕,仍想在圈中搏殺,未想咁快結婚生仔,但他說婚後一定會生小朋友。

黃心穎
黃心穎

返家等馬明

去年6月7日心穎出席《深宮計》活動,當日馬明因離港拍劇未有現身,心穎於活動後由公司保母車送返家,到傍晚時份,馬明突然駕車出現心穎寓所樓下,二人去九龍塘又一城拍拖,撐完枱腳直落行街睇戲,期間見二人同戴之前買的20萬法國名牌Boucheron訂情鑽戒,而心穎所穿的波鞋亦出自名牌Balenciaga,價值七千幾元。

黃心穎
黃心穎
當日宣傳活動結束後,心穎先返回藍田寓所,至傍晚6時許她再步出,而馬明的座駕早已泊在其屋苑樓下等她。

黃心穎
黃心穎

撲返港陪女

只見心穎心心眼跳上馬明的Benz,二人向拍拖目的地又一城進發。其後馬明向本刊記者表示,當日下午才由內地返港,即揸車去接心穎出街。

黃心穎
黃心穎

二人在打扮上絕對是襯到絕,馬明看上去亦年輕不少

勝利姿態出巡

有馬明護花行街拍拖,身穿工人褲的心穎以勝利者姿態出巡,邊行邊講春風滿臉的仲有事業愛情兩得意的馬明。

深情對望

馬明最近接受訪問為天然呆平反,他強調自己不是悶人,他會花心思,對女友很有情趣,所有節日都會上心。這日二人不時深情對望,睇嚟馬明真係識冧女喎!

黃心穎
黃心穎

拍拖愛做的事

食好西

馬明帶心穎到又一城內一間老牌西餐廳食晚飯,雖然冇訂位要等一陣,但心穎都冇怨言。

行街shopping

食飽飽行街睇精品,馬明同心穎一齊揀遮,有商有量好合拍。

黃心穎
黃心穎

20萬訂情鑽戒

最後心穎買咗少少精品同環保口罩,馬明識做地畀錢同拎戰利品。就係呢個時刻,二人被發現戴上情侶鑽戒,這對鑽戒出自法國品牌BOUCHERON的QUATRE系列,冇鑽石都閒閒地要7萬一隻,馬明同心穎兩隻都鑲滿鑽石閃爆,價值約20萬一對。

黃心穎
黃心穎

入場睇戲

心穎為拍拖日做好準備,一早在網上買定飛與馬明入場睇戲,自助出票後即孖住入場。

含春彈開

睇完戲在又一城停車場發現記者,本來並肩而行的二人突然彈開幾個身位,馬明一臉尷尬,仲將戴住情侶戒的手指公插入褲袋,而心穎就含春甜笑。

黃心穎
黃心穎

馬明對住心穎除了有情趣唔係天然呆之外,原來仲好有風度,識得幫心穎開車門。

各自返家

離開又一城後,馬明先送心穎返回藍田寓所,自己再經東隧返回太古城寓所,冇愛築落腳惟有各自歸家。

黃心穎
黃心穎

了解期完結

16年馬明與心穎被爆撻著,即使多次被斷正約會,二人依然矢口否認戀情,只表示在了解中,隨住去年拍《深宮計》,二人日見夜見又去橫店拍外景,感情大躍進。雖然期間曾有傳心穎有離心,但最後都是情歸馬明,戀情愈見明朗化。

黃心穎
黃心穎
今年一月馬明心穎相約歐遊,影了不少照片放上社交網,雖然冇發放甜蜜合照,但從單人照中可看到心穎開心幸福的笑容。
心穎今年一月與家人提前到尖沙咀1881慶生,當晚全家影合照,馬明亦在內抱實二家姐個細B,可見馬明早已融入黃家。
黃心穎
黃心穎
心穎去年30歲生日,在IG上載一張寫有「Happy Birthday Sum Wing BB」的單人照,之後黃長興玩「踢爆」晒出三人自拍照,相中馬明與心穎臉上同樣流露甜蜜表情,罕有地高調放閃。
早月《學是學非》好姊妹湯洛雯生日搞party,心穎亦帶埋馬明出席,感情已穩定到一個點。
黃心穎
黃心穎
心穎性格豪邁奔放,平時亦視性感打扮如無物,日前為《深宮計》點擊率創佳績找數,在IG公開三點式泳衣照,事前不知情的馬明睇到「嘩嘩聲」,唔知點回應記者好。

生仔重任

心穎喜歡小朋友,對二家姐的三個仔女更是疼愛有加,而馬明亦表明婚後一定會生B,呢個重任心穎應該走唔甩。

黃心穎
黃心穎

馬國明:最愛繑著媽媽手臂行街

馬明用情專一又好仔﹐曾經講過自己係好顧家嘅人,一切以父母為大前提,搵女友首要條件都要與家人相處融洽,婚後亦希望和家人同住。而到現在他仍很喜歡繑著媽媽的手臂行街,馬明曾說過:「12、13歲時怕被笑不成熟而不敢繑,其實只有不成熟才會怕。」

馬國明
馬國明
馬明雖然劇接劇,但一有時間這個乖仔就會陪伴母親,早年馬國明曾經講過:「我喜歡繑住阿媽行街,十二、三歲時有幾年無繑,怕人家以為自己不成熟,會怕,即是才不成熟。」

曾為名牌衫鬧母親 後悔爆喊

馬明說令他至今難忘的一件事,是馬媽媽不小心把他一件名貴T恤混在其他衣服一起洗,結果染了其他顏色,當時馬國明好惡地鬧媽媽,之後更不理睬她,後來馬明見到媽媽跪在浴缸旁,用心地嘗試用手洗淨那件染了色的T恤,這畫面令他後悔中不禁落淚。畢竟衣服只值千多元,但媽媽卻不是用錢可以買到的!

馬國明
馬國明
馬明當年初戀在加拿大讀大學時發生,因為女友要去多倫多讀書,雖然馬國明想過跟女友一起去,但因爸爸做太空人留在港工作,而兩個姐姐已在另一個埠讀書,馬國明想到得媽媽一個女人孤伶伶在家,怕她寂寞,所以最後決定留在溫哥華讀書,和女友相隔兩地,結果初戀維持約一年便無疾而終。

為父母 豪擲$2000萬買複式單位

馬明長大後樸實又慳家,出道頭幾年一直冇買車,也甚少搭的士,多數會由住處搭地鐵去將軍澳站,再轉乘廠車到電視城返工,早年才買入四驅車,直至早前馬明以八十萬買入Benz,換掉駕了多年的四驅車,馬明說買車也只為全家放假郊遊。

馬國明
馬國明
多年來與家人同住,前年馬國明更以1,960萬元購入的太古城頂層連天台單位,令父母住得更舒適。

馬明與父母同住太古城多年,本身住所已是父母的物業,但2016年他再花1,960萬買入頂層複式的過千呎單位,花過百萬裝修後最近已入伙。爸爸退休、媽媽係家庭主婦,馬明指自己依家算有點事業,可以讓父母依頼,很有滿足感。為了賺錢供樓,馬明馬不停蹄,頻頻工作。但放假時亦會陪母親逛街,認真孝順。

馬國明
馬國明
長大後的馬明唔好名牌,早前做善事,馬國明出錢出力,著住小背心搬貨。

曾揚言婚後與家人同住

馬明曾經講過一切以父母為大前提,搵女友都要與家人相處融洽:「我係一個好顧家嘅人,所以做我女朋友,首要條件唔係靚,係要同我家人相處得來。我爸爸同媽媽出名好相與,如果結婚唔可以同父母一齊生活,咁就係女仔有問題,有問題就唔會結婚啦!我本身又唔煙唔酒,所以我接受不到女友食煙及劈酒,因為我唔鍾意煙味酒味。」

馬國明
馬國明
出名孝順又顧家的馬明,閒時會陪母飲茶行街。

不愛夜蒲閒時踢波做義工

97前移民潮,馬明爸爸做「太空人」,媽媽陪兩女一子到溫哥華移民讀書,馬明是家中惟一男丁,所有粗重工夫如剷雪剪草都由他包辦,因做工程師的馬爸爸很希望子女都大學畢業,結果馬明揀在UBC機械工程系讀書,多年來看見爸爸努力工作辛苦供養三姊弟,馬明怕花費而甚少外出,偶爾會兼職幫補,這樣的生活直至畢業。而平日馬明不用開工的娛樂,除了踢波和陪家人,就是去做義工。

馬國明
馬國明
馬明不煙不酒不夜蒲,佢認為自己不是純情,只是口味問題,因為他不愛烈酒的味道,夜蒲場合覺得好嘈而已!

延伸閱讀:

【安心偷食】黃心穎偷食安仔 網民殺入蔡一智IG玩嘢

關注我們Facebook專頁
    相關新聞
      更多瀏覽