倪震奇招撐周慧敏瞓身賣碟 為氹老婆絞盡腦汁!
2019年04月14日18:20

近年唱片舖買少見少,粉絲想買碟都唔容易,好彩玉女掌門人周慧敏有個食腦老公倪震獻計, 諗出奇招撐老婆!老公貼心又有諗頭,難怪女神如此傾心,轉眼結婚十年,老夫老妻仍然好恩愛,日前兩公婆孖住返教會傳福音,在老公身旁的阿V全程笑唔停,呢三十年的確唔簡單!

撰文:東方新地|圖片:東方新地

延伸閱讀:

回顧85歲楚原昔日後生英俊相 廿零歲時好很靚仔!

拍片呃嬲成功!馬蹄露孖大茄姪仔無品實錄

倪震奇招撐周慧敏瞓身賣碟

近年退下火線的周慧敏,只選擇性工作,11年開完「25周年演 唱會」,再次回歸平淡,不過,來到30周年,玉女忽然開竅,對唱 歌熱誠愈燒愈火,少有接下不少世界巡迴演出,出名係慳妹的她,更破天荒自資百萬出碟。

周慧敏對這張30周年演唱會live 非常重視,早前還親到信和唱 片舖幫唱片簽名當做宣傳。
周慧敏對這張30周年演唱會live 非常重視,早前還親到信和唱 片舖幫唱片簽名當做宣傳。

據知情者透露:「退出之後,阿V 好享受生活,每次開騷都係紀念性質先做,因為佢對自己要求好高,開親騷就好大壓力,連佢最鍾意食嘅咖啡卷、咖喱魚蛋都唔 敢食,又成日要練歌同狂做運動,所以每次開完騷,佢都要抖番段時間回氣!」

「但自從上年開完演唱會,佢對歌唱事業變得好積極,好多唱歌嘅 job佢都唔介意接,之前就啱啱接咗內地節目《蒙面唱將》,連巡唱都定咗好多站,仲自資成百萬出碟,喺依家嘅市道,唱片想回本好難,仲肯揼百萬投資冇啲熱誠都唔會做!」

見老婆咁瞓身,老公倪震亦以行動力撐,見老婆今次自資出碟如此緊張,他亦獻計幫拖。據知情者透露:「雖然話冇諗住回本啫!但始終係自己嘅心血,都想多啲人欣賞到,但依家唱片舖已經剩低冇幾間,見老婆 咁緊張,阿Joe(倪震)就提議阿V將啲碟放落佢幾間波樓度寄 賣 , 阿Joe仲喺波樓整咗個角落放碟,好有心思 !」

老婆周慧敏自資百萬出碟,倪震亦以行動力撐,知道現時冇 乜唱片舖賣碟,他索性建議老婆將演唱會 live碟放到由他開設 的波樓寄賣。
為免厚此薄彼,阿 V在個人社交網 留言,表示大家可郵寄唱片給她簽名,咁為粉絲設想,絕對係圈中少有貼心藝人。

放在老公倪震波樓寄賣的唱片,周 慧敏更全部逐一簽晒名,以示答謝歌迷支持。

89年因合作主持電台節目邂逅,今年已是周慧敏同倪震結識 三十年,今年一月更是二人結婚10周年,確實值得紀念!09年低調在家中簽紙成為夫婦,不經不覺,倪震同周慧敏已經結婚十年,一月錫婚大日子,兩人並冇大事鋪張慶祝,只是簡單食 飯享受二人世界。

近日 忙於準備巡迴演唱的阿V,亦唔會忽略老公,日前兩人就孖住返教 會當拍拖,兩公婆做禱告兩小時,再同幾位教友結伴去聚餐。

周慧敏同倪震同是虔誠基督徒,二人10年更一同受浸,日前,兩公婆就結伴 返教會傳福音,離開時同教友邊行邊傾,阿V嘅幸福笑容更加係亮點!
周慧敏凍齡有術,同倪震亦感情不老,在 老公身旁的她,似足熱戀充滿少女情懷!

出名貼地的周慧敏夫婦,亦選擇價錢平民的食肆同教友飯敍,價錢唔重要,最緊要食得開心,單睇周慧敏笑容,已經知道呢個倪太好幸福!

入行三十年的周慧敏,今年亦是她和老公倪震相識 30 周年,雖然已經是老夫老妻,但兩人仲係非常恩愛,默契十足!
倪震駕車載老婆一同返回北角金山花園寓所,車上以他生日日期 426自訂的車牌,有 指是周慧敏09年送給老公的禮物。

延伸閱讀:

嚴選4位上圍Big爆港姐人妻 巴打:佢哋老公就正啦!

關注我們Facebook專頁
    相關新聞
      更多瀏覽